‘ହିନ୍ଦୁ ବିବାହରେ ମ୍ୟୁଚୁଆଲ ଡିଭୋର୍ସ ହୋଇପାରିବ ନାହିଁ ’

ସ୍ୱାମୀ-ସ୍ତ୍ରୀ ମୁସଲମାନ ଧର୍ମର ନୁହଁନ୍ତି, ତେଣୁ ପାରସ୍ପରିକ ସମ୍ମତିରେ ଛାଡପତ୍ର ହୋଇପାରିବ ନାହିଁ । ମଧ୍ୟପ୍ରଦେଶ ହାଇକୋର୍ଟର ଜଷ୍ଟିସ ଜିଏସ ଅହଲୁୱାଲିଆ ଏକ ମାମଲା ଶୁଣାଣି ବେଳେ ଏହା କହିଛନ୍ତି । ମଧ୍ୟପ୍ରଦେଶ ହାଇକୋର୍ଟରେ ଦାଖଲ ହୋଇଥିବା ଏକ ପିଟିସନର ଶୁଣାଣି ବେଳେ ଜଷ୍ଟିସ ଜିଏସ ଅହଲୁୱାଲିଆ କହିଛନ୍ତି ଯେ ପୃଥକ ପୃଥକ ଚୁକ୍ତିନାମାର କୌଣସି ଆଇନଗତ ବୈଧତା ନାହିଁ। ପତ୍ନୀଙ୍କ ଦ୍ୱାରା ହୋଇଥିବା ଅଭିଯୋଗକୁ ବନ୍ଦ କରିବା ପାଇଁ ଏହି ପିଟିସନ ଦାଖଲ କରାଯାଇଛି, ତେଣୁ ପାରସ୍ପରିକ ସମ୍ମତିରେ ଛାଡପତ୍ର ହୋଇପାରିବ ନାହିଁ ।

ସୂଚନାଯୋଗ୍ୟ, ଗୁଜୁରାଟର ବରୋଦା ନିବାସୀ ଜଣେ ବ୍ୟକ୍ତି ମଧ୍ୟପ୍ରଦେଶ ହାଇକୋର୍ଟଙ୍କ ନିକଟକୁ ଯାଇ ତାଙ୍କ ପତ୍ନୀଙ୍କ ଦ୍ୱାରା ଦାଖଲ ହୋଇଥିବା ଯୌତୁକ ନିର୍ଯାତନା ମାମଲାକୁ ଚ୍ୟାଲେଞ୍ଜ କରିଥିଲେ । ଯେଉଁଥିରେ ସେ ଯୁକ୍ତି କରିଥିଲେ ଯେ ସେ ୨୧ ଏପ୍ରିଲ ୨୦୨୨ରେ ବିବାହ କରିଥିଲେ କିନ୍ତୁ କିଛି ସମୟ ପରେ ପାରସ୍ପରିକ ଚୁକ୍ତିରେ ସ୍ୱାମୀ-ସ୍ତ୍ରୀ ଅଲଗା ହୋଇଥିଲେ । ଏହା ପରେ ପତ୍ନୀ ତାଙ୍କ ବାପା ଘରକୁ ଫେରି  ଯୌତୁକ ନିର୍ଯାତନା ୪୯୮ଏ (498A) ଅଧୀନରେ ତାଙ୍କ ସ୍ୱାମୀ ଏବଂ ଶାଶୂଙ୍କ ବିରୋଧରେ ପୋଲିସ ମାମଲା ଦାୟର କରିଥିଲେ । ସେମାନଙ୍କ ବିରୋଧରେ ମାମଲା ରୁଜୁ ହେବା ପରେ ଶାଶୂଘର ଲୋକ ମଧ୍ୟପ୍ରଦେଶ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ ।

ମଧ୍ୟପ୍ରଦେଶ ହାଇକୋର୍ଟରେ ଶୁଣାଣି ସମୟରେ ଜଷ୍ଟିସ ଜିଏସ ଅହଲୁୱାଲିଆ କହିଛନ୍ତି ଯେ ଉଭୟ ପକ୍ଷ ମୁସଲମାନ ଧର୍ମର ନୁହଁନ୍ତି, ତେଣୁ ପରସ୍ପର ସହମତି ଅନୁଯାୟୀ ଛାଡପତ୍ର ହୋଇପାରିବ ନାହିଁ। ଏହା ମଧ୍ୟ ଚିନ୍ତାର ବିଷୟ ଯେ ଜଣେ ନୋଟାରୀ ଏପରି ଚୁକ୍ତି ପ୍ରମଣା କରିପାରିବେ ନାହିଁ। ନୋଟାରୀକରଣ ପୃଥକ ଚୁକ୍ତି ଆଧାରରେ ଛାଡପତ୍ର ଦିଆଯାଇପାରିବ ନାହିଁ।

ଏହି ସମଗ୍ର ପ୍ରସଙ୍ଗରେ କୋର୍ଟ ପୃଥକ ପୃଥକ ଚୁକ୍ତିନାମାର ଆଇନଗତ ବୈଧତା ବିଷୟରେ ମଧ୍ୟ ଉଲ୍ଲେଖ କରିଛନ୍ତି। କୋର୍ଟ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ଛାଡପତ୍ର ହୋଇଥିଲେ ମଧ୍ୟ ଛାଡପତ୍ର ପୂର୍ବରୁ କରାଯାଇଥିବା କ୍ରୁରତା ପାଇଁ ଆଇପିସିର ଧାରା 498A ଅନୁଯାୟୀ ଏକ ମାମଲା ରୁଜୁ ହୋଇପାରିବ। ଏହି ମାମଲା ବନ୍ଦ କରିବାକୁ ଦାବି କରି ମଧ୍ୟପ୍ରଦେଶ ହାଇକୋର୍ଟଙ୍କ ନିକଟକୁ ଯାଇଥିବା ସ୍ୱାମୀ ଏହା ମଧ୍ୟ କହିଛନ୍ତି ଯେ ପତ୍ନୀ ତାଙ୍କ ବିରୋଧରେ କୌଣସି ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବେ ନାହିଁ ବୋଲି ପୋଲିସ ନିକଟରେ ପ୍ରତିଶ୍ରୁତି ଦେଇଥିଲେ । 

ମଧ୍ୟପ୍ରଦେଶ ହାଇକୋର୍ଟ କହିଛନ୍ତି ଯେ ଏଭଳି କୌଣସି ଚୁକ୍ତିନାମା ଆଇନର ଧାରା ୨୮ ବିରୁଦ୍ଧରେ ରହିଛି । କୌଣସି ଚୁକ୍ତିନାମା ଯାହା ପକ୍ଷକୁ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବାରଣ କରେ କୌଣସି ମାନ୍ୟତା ଦିଆଯାଇପାରିବ ନାହିଁ । ଏହି ମାମଲାରେ ପତ୍ନୀ ପୋଲିସ ନିକଟରେ ଦେଇଥିବା ଅଭିଯୋଗରେ କୁହାଯାଇଛି ଯେ ସେ ୨୧ ଏପ୍ରିଲ ୨୦୨୨ରେ ବିବାହ କରିଥିଲେ ଏବଂ ବିବାହ ପରେ ତୁରନ୍ତ ତାଙ୍କ ଶାଶୁଘର ଲୋକ ତାଙ୍କୁ ହଇରାଣ କରୁଥିଲେ । ଅଧିକ ଯୌତୁକ ଆଣିବା ପାଇଁ ତାଙ୍କୁ କେବଳ ମାଡ ଦିଆଯାଇନଥିଲା ବରଂ ମାନସିକ ନିର୍ଯାତନା ମଧ୍ୟ ଦିଆଯାଇଥିଲା ବୋଲି ଅଭିଯୋଗ କରିଥିଲେ ମହିଳା, ଏହା ପରେ ମହିଳା ଜଣକ ପୋଲିସ ନିକଟରେ ଏଫ୍‌ଆଇଆର ଦାଖଲ କରି ନ୍ୟାୟ ପାଇଁ ନିବେଦନ କରିଥିଲେ।