LIVE TV
ଅଣସଂଗଠିତ କ୍ଷେତ୍ରରେ କାମ କରୁଥିବା ଶ୍ରମିକଙ୍କୁ କେନ୍ଦ୍ର ସରକାରଙ୍କ ପୂଜା ଭେଟି। ବଢ଼ିଲା ପାରିଶ୍ରମିକ। କେନ୍ଦ୍ର ସରକାର ଅଣ ସଂଗଠିତ କ୍ଷେତ୍ରରେ କାମ କରୁଥିବା ଶ୍ରମିକଙ୍କ ପାରିଶ୍ରମିକ ବଢ଼ାଇଛନ୍ତି। ଏଣିକି ନିର୍ମାଣ, ସଫେଇ, ଲୋଡିଂ ଅନଲୋଡିଂ ବର୍ଗର ଅଣକୁଶଳୀ ଶ୍ରମିକ ଦୈନିକ ୭୮୩ ଟଙ୍କାର ପାରିଶ୍ରମିକ ପାଇବେ। ସେହିପରି ଏହି ବର୍ଗର ଅର୍ଧକୁଶଳୀ ଶ୍ରମିକ ଦୈନିକ ୮୬୮, କୁଶଳୀ ଶ୍ରମିକ ୯୫୪ ଓ ଉଚ୍ଚକୁଶଳୀ ଶ୍ରମିକଙ୍କ ଦୈନିକ ପାରିଶ୍ରମିକକୁ ୧ ହଜାର ୩୫ ଟଙ୍କାକୁ ବଢାଯାଇଛି।
Also Read
ଏହି ବୃଦ୍ଧି ଫଳରେ ଅଣ କୁଶଳୀ ଶ୍ରମିକ ଏଣିକି ମାସିକ ୨୦ ହଜାର ୩୫୮ ଟଙ୍କା, ଅର୍ଦ୍ଧକୁଶଳୀ ଶ୍ରମିକ ୨୨ ହଜାର ୫୬୮, କୁଶଳୀ ୨୪ ହଜାର ୮୦୪ ଏବଂ ଉଚ୍ଚ କୁଶଳୀ ଶ୍ରମିକ ମାସିକ ୨୬ ହଜାର ୯୧୦ ଟଙ୍କା ପାଇବେ।
ଶ୍ରମ ଓ ନିଯୁକ୍ତି ମନ୍ତ୍ରଣାଳୟ ଗୁରୁବାର ଏକ ବିଜ୍ଞପ୍ତିରେ କହିଛି ଯେ ଏହି ବୃଦ୍ଧିର ଉଦ୍ଦେଶ୍ୟ ହେଉଛି ଶ୍ରମିକମାନଙ୍କୁ ବଢୁଥିବା ଜୀବନଧାରଣ ଖର୍ଚ୍ଚର ମୁକାବିଲା କରିବାରେ ସାହାଯ୍ୟ କରିବା । ନିମ୍ନରେ ଜାଣନ୍ତୁ ପ୍ରତ୍ୟେକ ବର୍ଗର ଶ୍ରମିକଙ୍କୁ କେତେ ଦରମା ବୃଦ୍ଧି ଦିଆଯିବ ।
କେନ୍ଦ୍ରୀୟ ପ୍ରତିଷ୍ଠାନ ଅଧୀନରେ କୋଠା ନିର୍ମାଣ, ଲୋଡିଂ ଓ ଅନଲୋଡିଂ, ଘଣ୍ଟା ଓ ୱାର୍ଡ, ଝାଡ଼ୁ, ସଫେଇ, ଗୃହରକ୍ଷଣ, ଖଣି ଓ କୃଷି ସମେତ ବିଭିନ୍ନ କ୍ଷେତ୍ରରେ କାର୍ଯ୍ୟରତ ଶ୍ରମିକମାନେ ସଂଶୋଧିତ ମଜୁରି ହାରବୃଦ୍ଧି ଦ୍ୱାରା ଉପକୃତ ହେବେ। ନୂଆ ମଜୁରି ହାର ୨୦୨୪ ଅକ୍ଟୋବର ପହିଲାରୁ ଲାଗୁ ହେବ। ପୂର୍ବରୁ ୨୦୨୪ ଏପ୍ରିଲରେ ସଂଶୋଧନ କରାଯାଇଥିଲା।
