LIVE TV
ଜାନୁଆରୀ ପହିଲାରୁ ବଢ଼ିବ ବିଭିନ୍ନ ସ୍ୱଳ୍ପ ସଞ୍ଚୟ ଯୋଜନାର ସୁଧ ହାର । ପୋଷ୍ଟ ଅଫିସ୍ ଜମା, ବରିଷ୍ଠ ନାଗରିକଙ୍କ ପାଇଁ ସଞ୍ଚୟ ଯୋଜନା ଓ NSCରେ ସୁଧ ହାର ବୃଦ୍ଧି ପାଇଁ କେନ୍ଦ୍ର ସରକାରଙ୍କ ନିଷ୍ପତ୍ତି । ୨୦୨୩ ଜାନୁଆରୀ-ମାର୍ଚ୍ଚ ତ୍ରୈମାସ ପାଇଁ ୨୦ରୁ ୧୧୦ ବେସିସ୍ ପଏଣ୍ଟ୍ ମଧ୍ୟରେ ସୁଧହାର ବୃଦ୍ଧି ପାଇଛି । ଏନେଇ ଘୋଷଣା କରିଛି କେନ୍ଦ୍ର ଅର୍ଥ ମନ୍ତ୍ରାଳୟ ।
Also Read
ସିନିୟର ସିଟିଜେନ୍ ସେଭିଂ ସ୍କିମ୍, ମନ୍ଥଲି ଇନକମ୍ ସେଭିଂ ସ୍କିମ୍, ନ୍ୟାସନାଲ ସେଭିଂ ସାର୍ଟିଫିକେଟ୍, କିଷାନ ବିକାଶ ପତ୍ର ଏବଂ ସମସ୍ତ ପୋଷ୍ଟ ଅଫିସ୍ ଟାଇମ୍ ଡିପୋଜିଟ୍ ପାଇଁ ସୁଧହାର ବଢ଼ିଛି । ତେବେ ପିପିଏଫ୍ ଓ ସୁକନ୍ୟା ସମୃଦ୍ଧି ଯୋଜନାରେ ସୁଧହାର ଅପରିବର୍ତ୍ତିତ ରହିଛି । ସୂଚନା ଅନୁସାରେ, ଏହି ନିଷ୍ପତ୍ତି ଲାଗୁ ପରେ ଜାନୁଆରୀ ୧ରୁ ସିନିୟର୍ ସିଟିଜେନ୍ ସେଭିଂ ସ୍କିମ୍ ସୁଧହାର ୭.୬ ପ୍ରତିଶତରୁ ୮ ପ୍ରତିଶତକୁ ବୃଦ୍ଧି ପାଇବ । ସେହିପରି ମନ୍ଥଲି ଇନକମ୍ ସେଭିଂ ସ୍କିମ୍ ସୁଧହାର ୬.୭ରୁ ୭.୧ ପ୍ରତିଶତକୁ, ନ୍ୟାସନାଲ ସେଭିଂସ୍ ସାର୍ଟିଫିକେଟ୍ ବା NSC ସୁଧହାର ୬.୮ରୁ ୭ ପ୍ରତିଶତକୁ ବୃଦ୍ଧି ପାଇବ ।
