LIVE TV
ଭାରତୀୟ ବାୟୁସେନା ପକ୍ଷରୁ ଗଗନ ଶକ୍ତି ଅଭ୍ୟାସ ଆରମ୍ଭ ହୋଇଛି । ଲକ୍ଷ୍ନୌ-ଆଗ୍ରା ଏକ୍ସପ୍ରେସ ୱେରେ ବିଭିନ୍ନ ଯୁଦ୍ଧ ଜାହାଜ ଏହି ଅଭ୍ୟାସ କରିଛନ୍ତି । ଆକାଶରେ ଲମ୍ବା ଉଡାଣ ଭରିବା ପରେ ଏକ୍ସପ୍ରେସ ୱେରେ ଲ୍ୟାଣ୍ଡିଂ କରିଛନ୍ତି । ଜାଗୁଆର, ସୁଖୋଇ, ମିରାଜ, ଗ୍ଲୋବ ମାଷ୍ଟର ହାର୍କୁଲେସ, ତେଜସ, ଚିନୁକ ଭଳି ଜାହାଜ ଉଡାଣ ଭରିବା ସହ ଲ୍ୟାଣ୍ଡିଂ କରିଥିଲେ।
Also Read
#WATCH | IAF Sukhoi-30 MKI makes a touch down on Lucknow-Agra Expressway in a special landing exercise, in UP's Unnao pic.twitter.com/JNzrqIgwT4
— ANI (@ANI) April 6, 2024
ଜରୁରୀକାଳିନ ସମୟରେ ଏହି ଏକ୍ସପ୍ରେସ ୱେ କେତେ ପ୍ରସ୍ତୁତ ଏବଂ ଏହା ମାଧ୍ୟମରେ ବାୟୁସେନା କେମିତି ଜରୁରୀ ମିଶନ ସମ୍ପୂର୍ଣ୍ଣ କରିପାରିବ ସେ ନେଇ ଅଭ୍ୟାସ କରାଯାଉଛି । ଏଥିସହ ଏୟାର ଟ୍ରାଫିକ ପରିଚାଳନା, ପାଇଲଟ ସହ ଯୋଗାଯୋଗ ଠିକ ଭାବେ ହୋଇପାରୁଛି କି ନାହିଁ ସେ ନେଇ ସବୁ ପ୍ରକାର ଅଭ୍ୟାସ କରାଯାଇଛି । ଏଥିସହ ୱାର ଡ୍ରିଲ୍ସ ମଧ୍ୟ ହେବାର କାର୍ଯ୍ୟକ୍ରମ ରହିଛି । ବାୟୁସେନା ପକ୍ଷରୁ ଏହି ସ୍ବତନ୍ତ୍ର କାର୍ଯ୍ୟକ୍ରମ କରାଯାଉଥିବା ବେଳେ ବରିଷ୍ଠ ଅଧିକାରୀ ମାନେ ଉପସ୍ଥିତ ରହିଥିଲେ । ଆଜି ଓ ଆସନ୍ତାକାଲି ଏହି କାର୍ଯ୍ୟକ୍ରମ ଚାଲିବ ।
