LIVE TV
ପଶ୍ଚିମବଙ୍ଗରେ ଶକ୍ତିଶାଳୀ ଘୂର୍ଣ୍ଣିଝଡ଼ରେ ୫ ଜଣଙ୍କ ମୃତ୍ୟୁ ହୋଇଥିବା ବେଳେ ୩ ଶହ ଜଣ ଗୁରୁତର ଆହତ ହୋଇଛନ୍ତି । ଜଲପାଇଗୁଡ଼ି ଜିଲ୍ଲାରେ ଏହି ଅଘଟଣ ଘଟିଛି । ଘୂର୍ଣ୍ଣିବଳୟ ଏତେ ଭୟଙ୍କର ଥିଲା ଯେ କିଛି ମିନିଟ ଭିତରେ ସବୁ କିଛି ଆଖି ଆଗରେ ଧ୍ୱଂସ ହୋଇଯାଇଥିଲା । ପାଖରେ ଥିବା ଘର ଦ୍ୱାର ଭାଙ୍ଗିଯିବା ସହ, ଯାନବାହନ, ଗଛପତ୍ର ସବୁ କିଛି ନଷ୍ଟ ହୋଇଯାଇଥିଲା ।
Also Read
ପବନ ଏତେ ଜୋରରେ ପ୍ରବାହିତ ହୋଇଥିଲା ଯେ ଯାହା ସାମ୍ନାରେ ପଡ଼ିଲା ତାହା ଉଡ଼ିଗଲା । ବଡ଼ ବଡ଼ ଗଛ କ୍ଷଣିକ ଭିତରେ ଉପୁଡ଼ି ପଡ଼ିଲା । ଘୂର୍ଣ୍ଣିବଳୟର ପ୍ରଭାବ ପାଖ ଜିଲ୍ଲା ଆଲିପୁରଦୁଆରେ ବି ଦେଖିବାକୁ ମିଳିଥିଲା । ଘୂର୍ଣ୍ଣିଝଡ଼ରେ ଆହତଙ୍କ ମଧ୍ୟରୁ ୩୯ ଜଣ ହସ୍ପିଟାଲରେ ଭର୍ତ୍ତି ହୋଇଛନ୍ତି । ସେମାନଙ୍କ ମଧ୍ୟରୁ ୨୨ ଜଣଙ୍କ ଅବସ୍ଥା ଗୁରୁତର ରହିଛି । ଘଟଣା ସ୍ଥଳରେ ପ୍ରଶାସନ ପହଞ୍ଚି ଉଦ୍ଧାର କାର୍ଯ୍ୟ ଚଳାଇଛି ।
ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଆହତମାନଙ୍କୁ ଡାକ୍ତରଖାନାରେ ଭେଟିଛନ୍ତି । କ୍ଷତିଗ୍ରସ୍ତଙ୍କୁ ସମସ୍ତ ପ୍ରକାର ସୁବିଧା ଯୋଗାଇ ଦେବାକୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ବାନାର୍ଜୀ ।
#WATCH | Four people have lost their lives and over 100 others are injured in the cyclone incident in West Bengal's Jalpaiguri as the area was severely hit by rain and hailstorms resulting in damage to houses, buildings and crops. pic.twitter.com/Hn04jB2szq
— ANI (@ANI) March 31, 2024
