Farooq Abdullah Pakistan Statement: ଫାରୁକ ଅବଦୁଲ୍ଲାଙ୍କ ୟୁ ଟର୍ନ, ପୁରୁଣା ବୟାନ ପାଇଁ ଦେଶବାସୀଙ୍କୁ କ୍ଷମା ମାଗିଲେ

ଜମ୍ମୁ-କଶ୍ମୀରରପହଲଗାମ ଆକ୍ରମଣକୁ ନେଇ ସମଗ୍ର ଦେଶରେ ଆକ୍ରୋଶ ଦେଖିବାକୁ ମିଳିଛି। ଏପରି ସମୟରେ ବିଛିନ୍ନତାବାଦୀ ନେତା ଭାବରେ ପ୍ରସିଦ୍ଧି ଅର୍ଜନ କରିଥିବା ଫାରୁକ ଅବଦୁଲ୍ଲା ମଧ୍ୟ ଦେଶ ଓ ଦେଶବାସୀଙ୍କ ପ୍ରତି ସମର୍ଥନ ଜାହିର କରିଛନ୍ତି। ଏହା ସହିତ ସେ କହିଛନ୍ତି ଭାରତୀୟଙ୍କ କ୍ରୋଧ ଯେକୌଣସି ସମୟରେ ପାକିସ୍ତାନର ନାଶ କରିପାରେ। ଜମ୍ମୁ-କଶ୍ମୀର ପ୍ରସଙ୍ଗରେ ବାରମ୍ବାର ପାକିସ୍ତାନର ଓକିଲାତି କରୁଥିବା ଫାରୁକ ଅବଦୁଲ୍ଲା ସମସ୍ତଙ୍କୁ ଆଶ୍ଚର୍ଯ୍ୟ କରିବା ସହିତ ଏବେ ୟୁଟର୍ନ ନେଇଛନ୍ତି। ପହଲଗାମ ଆତଙ୍କବାଦୀ ଆକ୍ରମଣର ଦୁଃଖଦ ଘଟଣା ଦେଖିବା ପରେ ଫାରୁକ ଅବଦୁଲ୍ଲାଙ୍କ ହୃଦୟ ତରଳି ଯାଇଛି। ସେଥିପାଇଁ ସେ ଏବେ ଖୋଲା ଖୋଲି ପାକିସ୍ତାନକୁ ସମାଲୋଚନା ମଧ୍ୟ କରୁଛନ୍ତି।

ଫାରୁକ ଅବଦୁଲ୍ଲା ଏକ ସାକ୍ଷାତକାରରେ ସ୍ପଷ୍ଟ ଭାବରେ କହିଥିଲେ ଯେ ପାକିସ୍ତାନ ସହିତ ଆଲୋଚନା ବିଷୟରେ କଥାବାର୍ତ୍ତା କରିବା ମୋର ସବୁଠାରୁ ବଡ଼ ଭୁଲ ଥିଲା। ସେ ଏଥିପାଇଁ ଅନୁତାପ କରନ୍ତି। ଅତୀତରେ ଜାମ୍ମୁ କାଶ୍ମୀର ମୁଖ୍ୟମନ୍ତ୍ରୀ ରହିଥିବା ଫାରୁକ ଅବଦୁଲ୍ଲା ପାକିସ୍ତାନ ସହିତ ଶାନ୍ତି ଆଲୋଚନା ଉପରେ ବୟାନ ଦେଇଥିଲେ। ପିଓକେ କାହାର ନୁହେଁ, ପାକିସ୍ତାନ ଚୁଡ଼ି ପିନ୍ଧିନାହିଁ, ତା ପାଖରେ ପରମାଣୁ ବୋମା ମଧ୍ୟ ଅଛି,  ଫାରୁକ ନିଜର ଏହି ତିନୋଟି ପୁରୁଣା ବକ୍ତବ୍ୟ ପାଇଁ କ୍ଷମା ପ୍ରାର୍ଥନା କରିଛନ୍ତି। ସେ କହିଲେ, ‘ମୁଁ ସ୍ବୀକାର କରୁଛି ଯେ ମୁଁ ସେତେବେଳେ ଭୁଲ ଥିଲି।’

ଅଧିକ ପଢ଼ନ୍ତୁ: ବିଜେପିରେ ଯୋଗ ଦେବେ କି ପ୍ରୀତି ଜିଣ୍ଟା… ଜାଣନ୍ତୁ କ’ଣ କହିଲେ ଅଭିନେତ୍ରୀ

ପାକିସ୍ତାନ ସହିତ କଣ କରାଯିବା ଉଚିତ ବୋଲି ପ୍ରଶ୍ନ କରାଯାଇଥିଲା। ଏହାର ଉତ୍ତରରେ ଫାରୁକ ଅବଦୁଲ୍ଲା କହିଥିଲେ, ‘ମୁଁ ପ୍ରଧାନମନ୍ତ୍ରୀଙ୍କ ପ୍ରତ୍ୟେକ ନିଷ୍ପତ୍ତି ସହିତ ଏକମତ ଅଛି। ସେ ଯାହା ନିଷ୍ପତ୍ତି ନିଅନ୍ତୁ, ଆମେ ତାଙ୍କ ସହିତ ଅଛୁ। ସେମାନେ ଯାହା ଭାବନ୍ତି ତାହା ଭଲ। ଆମେ ଚାହୁଁଛୁ ଯେ ଆତଙ୍କବାଦ ସମ୍ପୂର୍ଣ୍ଣ ଭାବରେ ଶେଷ ହେଉ। ଏବେ ଏହାର ମୂଳତ୍ପୋଟନ କରାଯିବା ଉଚିତ। ଏଥିପାଇଁ ଯିଏ ଦାୟୀ, ତାଙ୍କୁ କଠୋରତମ ଦଣ୍ଡ ଦିଆଯିବା ଉଚିତ। ପ୍ରତ୍ୟେକ ଆକ୍ରମଣ ପରେ ପାକିସ୍ତାନ କହୁଛି ଯେ ଏଥିରେ ଆମର ହାତ ନାହିଁ। ଯଦି ତୁମେ ନୁହଁ, ତେବେ କିଏ ତାହା ପ୍ରକାଶ କର ବୋଲି ସେ କହିଛନ୍ତି।

ଆକ୍ରମଣକାରୀମାନେ ନିଷ୍ଠୁର। ଯେତେବେଳେ ମୌଲାନା ଆଝାରଙ୍କୁ ମୁକ୍ତ କରାଯାଇଥିଲା, ମୁଁ ମନା କରିଥିଲି। ଆମେ ଆଜି ସମାନ ଜିନିଷର ପରିଣାମ ଭୋଗୁଛୁ। ଏହାକୁ ଛାଡିବା ଉଚିତ ନଥିଲା। ଏବେ ଏହା ପୁନରାବୃତ୍ତି ହେବା ଉଚିତ ନୁହେଁ। ଆତଙ୍କବାଦର କାରଖାନା ବନ୍ଦ କର।

ଫାରୁକ ଅବଦୁଲ୍ଲା ମଧ୍ୟ ପ୍ରଧାନମନ୍ତ୍ରୀ ମୋଦିଙ୍କୁ ପିଓକେକୁ ଫେରାଇ ନେବାକୁ ଦାବି କରିଥିଲେ। ଆମେ କଣ ଆମର ପିଓକେକୁ ଫେରାଇ ନେଇପାରିବା? ଏହି ପ୍ରଶ୍ନରେ ସେ କହିଥିଲେ ଯେ ସଂସଦରେ ଏହା ପାରିତ ହୋଇଛି ଯେ ପିଓକେ ଆମର ଅଂଶ। ମୁଁ ଚାହିଁବି ଯେ ସରକାର ଏହାକୁ ଅକ୍ତିଆର କରି ନିଅନ୍ତୁ।

ଅଧିକ ପଢ଼ନ୍ତୁ: ପହଲଗାମ ଆତଙ୍କୀ ଆକ୍ରମଣକୁ ନେଇ ଏମିତି କହିଲେ ସୁଲତା...ଦଳ ଭିତରୁ ବିରୋଧ