ସାମନାକୁ ଆସିଲା ଗାଜିପୁର ହିଟ୍ ଆଣ୍ଡ ରନ୍ ମାମଲାର ଭିଡିଓ; ହଠାତ୍ ଧକ୍କା ଦେଇ ଚମ୍ପଟ ମାରିଲା

ଦିଲ୍ଲୀ ଗାଜିପୁରରେ ହିଟ୍ ଆଣ୍ଡ ରନ୍ ମାମଲା। ରାସ୍ତାରେ ଯାଉଥିବା ଲୋକଙ୍କୁ ଧକ୍କାଦେଲା କାର୍। ଆଉ ସଙ୍ଗେସଙ୍ଗେ ସେଠାରୁ ଫେରାର ମାରିଲା। ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଥିବା ବେଳେ ୬ଜଣ ଗୁରୁତର ହୋଇଛନ୍ତି। ଦୁର୍ଘଟଣାର ସିସିଟିଭି ଭିଡିଓ ସାମ୍ନାକୁ ଆସିଛି।

ଗତକାଲି ସନ୍ଧ୍ୟାରେ ଏହି ଦୁର୍ଘଟଣା ଘଟିଛି। ସିସିଟିଭି ଫୁଟେଜରେ ଦେଖିବାକୁ ମିଳିଛି ଏକ ଠେଲାଗାଡ଼ି ନେଇ ଜଣେ ବ୍ୟବସାୟୀ ରାସ୍ତା ପାର ହେଉଥିଲେ। ଏହି ସମୟରେ ଏକ କାର ଦ୍ରୁତ ଗତିରେ ଆସି ତାଙ୍କୁ ଧକ୍କା ଦେଉଛି। ଆଉ ସଙ୍ଗେସଙ୍ଗେ ସେଠାରୁ ଚାଲିଯାଉଛି। ଦୁର୍ଘଟଣାରେ ଜଣେ ମହିଳାଙ୍କ ମୃତ୍ୟୁ ଘଟିଛି। ମୃତ ମହିଳା ସୀତା ଦେବୀ।

ଅଧିକ ପଢ଼ନ୍ତୁ: ମେୟରଙ୍କ ଗାଡ଼ି ଧକ୍କାରେ ଯୁବକ ଆହତ

#WATCH | Ghazipur, UP: One died and 6 were injured after a car hit several people on Wednesday late evening. The injured are under treatment in Lal Bahadur Shastri Hospital. The car driver is also injured and is undergoing treatment. The police have taken him into custody and… pic.twitter.com/JVEBqlrzmV

— ANI (@ANI) March 13, 2024

ଦୁର୍ଘଟଣା ପରେ ସ୍ଥାନୀୟ ଲୋକେ ଆହତ ଏବଂ ଗୁରୁତରଙ୍କୁ ଲାଲ ବାହାଦୂର ଶାସ୍ତ୍ରୀ ଡାକ୍ତରଖାନାରେ ଭର୍ତ୍ତି କରିଥିଲେ। ପୋଲିସ ଏନେଇ ଏକ ମାମଲା ରୁଜୁ କରିବା ସହ ଅଭିଯୁକ୍ତ କାର୍ ଡ୍ରାଇଭରକୁ ଅଟକ ରଖି ପଚରାଉଚରା କରୁଛି।