LIVE TV
ମଦ ପାଇଁ ହଟହଟା ହୋଇଛନ୍ତି ଜଣେ ଶିକ୍ଷକ । ସ୍କୁଲକୁ ମଦ ପିଇ ଆସିବାରୁ ଘଉଡ଼ାଇ ଦେଇଛନ୍ତି ପିଲା । ଏପରି ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି । ଛତିଶଗଡର ବସ୍ତର ଅଞ୍ଚଳରେ ଥିବା ଏକ ପ୍ରାଥମିକ ବିଦ୍ୟାଳୟରେ ଛାତ୍ରଛାତ୍ରୀ ମଦୁଆ ଶିକ୍ଷକଙ୍କୁ ଘଉଡ଼ାଇ ଦେଇଥିଲେ ।
ଶିକ୍ଷକ ଜଣକ ମଦ ପିଇ ଆସିଥିବା ଜାଣିବା ପରେ ତାଙ୍କ ଉପରେ ଚପଲ ପକାଇ ଛାତ୍ରଛାତ୍ରୀମାନେ ତାଙ୍କୁ ସ୍କୁଲ ପରିସର ବାହାରକୁ ପଠାଇ ଦେଇଥିଲେ । ମାଡ଼ ଖାଇବା ଭୟରେ ଶିକ୍ଷକ ଜଣକ ଅନ୍ୟ ଉପାୟ ନପାଇ କାନମୁଣ୍ତା ଆଉଁସି ବାଧ୍ୟ ହୋଇ ପଳାଇଥିଲେ । ଏ ଘଟଣାର ଭିଡିଓ ସୋସିଆଲ ମିଡିଆରେ ସେୟାର ହେବା ପରେ ବ୍ୟାପକ ଜନ ଅସନ୍ତୋଷ ପ୍ରକାଶ ପାଇଛି ।
Also Read
ଅଧିକ ପଢ଼ନ୍ତୁ: ଶିକ୍ଷକଙ୍କ ଅଜବ କାରନାମା...ମଦ ପିଇ ଛାତ୍ରଙ୍କୁ କରିଦେଲେ ବିଦା
ମଦୁଆ ଶିକ୍ଷକ ଜଣକ ବିଦ୍ୟାଳୟରେ ପହଞ୍ଚିବା ପରେ ପାଠ ପଢ଼ାଇବା ବଦଳରେ ଛାତ୍ରଛାତ୍ରୀମାନଙ୍କୁ ଦୁର୍ବ୍ୟବହାର ପ୍ରଦର୍ଶନ କରିଥିଲେ । ଫଳରେ ତାଙ୍କର ଏପରି ଆଚରଣରେ ଅସନ୍ତୁଷ୍ଟ ହୋଇ ଶିକ୍ଷକଙ୍କୁ ଗୋଡ଼ାଇ ଗୋଡ଼ାଇ ସ୍କୁଲ ପରିସରରୁ ବାହାରକୁ ପଠାଇ ଦେଇଥିଲେ । ଏପରି ପରିସ୍ଥିତିରୁ ରକ୍ଷା ପାଇବା ପାଇଁ ଶିକ୍ଷକ ଜଣକ ବାଧ୍ୟ ହୋଇ ବାଇକ୍ ଧରି ସ୍କୁୱଲ ଛାଡ଼ି ପଳାଇଥିଲେ । ପରେ ଛାତ୍ରଛାତ୍ରୀମାନେ ତାଙ୍କ ଉପରେକୁ ଚପଲ ମଧ୍ୟ ଫୋପାଡ଼ିଥିବା ଜଣା ପଡ଼ିଛି ।
In Bastar, kids took matters into their own hands when a teacher showed up drunk to school. Instead of teaching, he abused them. Fed up, the children chased him away by throwing shoes and slippers. The incident, caught on video, has sparked outrage on social media. pic.twitter.com/oMnQCMjVNQ
— Sneha Mordani (@snehamordani) March 26, 2024
ଘଟଣାଟି ଗତ ସପ୍ତାହରେ ଘଟିଥିବା କୁହାଯାଉଛି । ଅନଲାଇନରେ ଉକ୍ତ ଭିଡିଓଟି ପୋଷ୍ଟ ହେବା ପରଠାରୁ ବର୍ତ୍ତମାନ ପର୍ଯ୍ୟନ୍ତ ଭିଡିଓଟି ୨୨ ହଜାରରୁ ଅଧିକ ଭ୍ୟୁ ପାଇଛି । ପ୍ରତିଦିନ ଶିକ୍ଷକ ଜଣକ ମଦ ପିଇ ସ୍କୁଲରେ ପହଞ୍ଚୁଥିବା ଜଣା ପଡ଼ିଛି । ପାଠ ପଢ଼ାଇବା ପରିବର୍ତ୍ତେ ସେ ପ୍ରାୟତଃ ଖଟ ଉପରେ ଶୋଇଥିବା ଦେଖିବାକୁ ମିଳେ । ଏଣୁ ଛାତ୍ରଛାତ୍ରୀମାନଙ୍କର କୁହୁଳୁଥିବା ନିଆଁ ପରିଶେଷରେ ଭୟଙ୍କର ରୂପ ନେଇଥିଲା ।
