LIVE TV
ହିନ୍ଦୁ ଦେବାଦେବୀଙ୍କୁ ବାରମ୍ୱାର ଅପମାନିତ ଓ ଅସମ୍ମାନିତ କରାଯାଉଛି। ନିକଟରେ ଜଣେ ଦଳିତ ଛାତ୍ର ପ୍ରଭୁ ଶ୍ରୀରାମଙ୍କୁ ଭଗବାନ ନ ମାନି ସୋସିଆଲ ମିଡିଆରେ ସେୟାର କରିଥିଲେ। ଏହିକାରଣରୁ ତାଙ୍କୁ ଆକ୍ରମଣ କରାଯାଇଥିଲା। ସେହିପରି ଆଉ ଏକ ଘଟଣା ସାମନାକୁ ଆସିଛି। ଜଣେ ୬୦ବର୍ଷୀୟ ପ୍ରଧାନ ଶିକ୍ଷକ ହିନ୍ଦୁ ଦେବାଦେବୀଙ୍କୁ ବିଶ୍ୱାସ ନ କରିବା ପାଇଁ ଲୋକଙ୍କୁ ଶପଥ ପାଠ କରାଇଛନ୍ତି। ଏଥିସହ ବୌଦ୍ଧ ଧର୍ମକୁ ଅପମାନିତ କରିଥିବା ଅଭିଯୋଗ ହୋଇଛି। ଏନେଇ ଅଭିଯୋଗ ଆସିବା ପରେ ବିଲାସପୁର ଜିଲ୍ଲାର ଏକ ସରକାରୀ ବିଦ୍ୟାଳୟର ପ୍ରଧାନ ଶିକ୍ଷକ ରତନଲାଲ ସରୋବରଙ୍କୁ ଗିରଫ କରିଛି ପୋଲିସ।
Also Read
ଜାନୁୟାରୀ ୨୨ରେ ଏହି ଘଟଣା ଘଟିଥିଲା । ଯାହା ପରେ ଜିଲ୍ଲା ଶିକ୍ଷା ଅଧିକାରୀ ଭରାରି ଗ୍ରାମରେ ଥିବା ସରକାରୀ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ରତନଲାଲ ସରୋବରଙ୍କୁ ନିଲମ୍ବିତ କରିଥିଲେ। ଲୋକମାନେ ଅଭିଯୋଗ କରିଛନ୍ତି ଯେ ଭଗବାନ ଶିବ, ରାମ ଏବଂ କୃଷ୍ଣଙ୍କ ସମେତ ହିନ୍ଦୁ ଦେବତାଙ୍କୁ ପୂଜା ନକରିବା ଏବଂ ବୌଦ୍ଧ ଧର୍ମକୁ ପାଳନ ନକରିବା ପାଇଁ ପ୍ରଧାନ ଶିକ୍ଷକ ସେମାନଙ୍କୁ ଶପଥପାଠ କରାଇଛନ୍ତି। ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଏହି ଘଟଣା ସାମ୍ନାକୁ ଆସିଛି।
ଅଭିଯୋଗକୁ ଭିତ୍ତି କରି ସରୋବରଙ୍କୁ ରବିବାର ଗିରଫ କରାଯାଇଛି। ତାଙ୍କ ବିରୋଧରେ ଆଇପିସି ଧାରା ୧୫୩(କ) (ଧର୍ମ, ଜାତି ଇତ୍ୟାଦି କାରଣରୁ ବିଭିନ୍ନ ଗୋଷ୍ଠୀ ମଧ୍ୟରେ ଶତ୍ରୁତାକୁ ପ୍ରୋତ୍ସାହନ ଦେବା ଏବଂ ସମନ୍ୱୟ ରକ୍ଷା କରିବା ପାଇଁ ପକ୍ଷପାତିତା କରିବା) ଏବଂ ୨୯୫ (କ) କୌଣସି ଜାତିର ଧାର୍ମିକ ଭାବନାକୁ ଅପମାନିତ କରିବା ଭଳି ମାମଲା ରୁଜୁ ହୋଇଛି।
