ଫିଲିପାଇନ୍ସକୁ ବ୍ରହ୍ମୋସ୍‌ ମିସାଇଲ ଦେଲା ଭାରତ, ଅଡ଼ୁଆ ବଢ଼ିଲା ଚୀନ୍‌ର...

ଏପ୍ରିଲ ୧୯ରେ ବ୍ରହ୍ମୋସ୍‌ ସୁପରସୋନିକ୍ କ୍ରୁଜ୍ କ୍ଷେପଣାସ୍ତ୍ରର ପ୍ରଥମ ବ୍ୟାଚ୍ ଫିଲିପାଇନ୍ସକୁ ହସ୍ତାନ୍ତର କରିଛି ଭାରତ । ଫିଲିପାଇନ୍ସ ହେଉଛି ପ୍ରଥମ ବିଦେଶୀ ଦେଶ ଯାହାକୁ ଭାରତ ହସ୍ତାନ୍ତର କରିଛି ବ୍ରହ୍ମୋସ୍‌ ମିସାଇଲ। ଜାନୁଆରୀ ୨୦୨୨ରେ ଫିଲିପାଇନ୍ସକୁ ବ୍ରହ୍ମୋସ୍‌ କ୍ଷେପଣାସ୍ତ୍ର ଦେବା ପାଇଁ ଭାରତ ୩୭୫ ନିୟୁତ ଡଲାର (୩୧୩୦ କୋଟି ଟଙ୍କା) ଚୁକ୍ତି କରିଥିଲା।

Also Read

କଚ୍ଛରୁ ମିଳିଲା ବାସୁକି ନାଗର ଜୀବାଶ୍ମ, ଆନାକୋଣ୍ଡା ଓ ଡାଇନୋସରଠୁ ବି ବଡ଼

ଆପଣ ଫାଷ୍ଟ୍‌ ଟାଇମ୍‌ ଭୋଟର କି ? ଯାଆନ୍ତୁ ଏହି ବିମାନରେ, ପାଇବେ ରିହାତି....

ଭୋଟ୍ ଆଗ ତା’ପରେ ବିବାହ, ବିବାହ ପୂର୍ବରୁ ମତଦାନ କଲେ ଯୁବତୀ

ଭାରତୀୟ ବାୟୁସେନା C-17 ଗ୍ଲୋବ୍‌ ମାଷ୍ଟର ବିମାନ ମାଧ୍ୟମରେ ଏହି କ୍ଷେପଣାସ୍ତ୍ରଗୁଡ଼ିକୁ ଫିଲିପାଇନ୍ସ ମେରାଇନ୍ କର୍ପସକୁ ହସ୍ତାନ୍ତର କରିଛି। ଏହି କ୍ଷେପଣାସ୍ତ୍ରଗୁଡିକର ଗତି ୨.୮ ମ୍ୟାକ୍‌ ଏବଂ ରେଞ୍ଜ ହେଉଛି ୨୯୦ କିଲୋମିଟର । ଗୋଟିଏ ମ୍ୟାକ୍‌ ଧ୍ୱନିର ଗତି ହେଉଛି ୩୩୨ ମିଟର ପ୍ରତି ସେକେଣ୍ଡ । ଫିଲିପାଇନ୍ସକୁ ଦିଆଯାଇଥିବା କ୍ଷେପଣାସ୍ତ୍ରର ଗତି ଶବ୍ଦର ବେଗଠାରୁ ୨.୮ ଗୁଣ ଅଧିକ ।

ଦକ୍ଷିଣ ଚୀନ୍ ସାଗରରେ ଚୀନ୍‌ ଓ ଫିଲିପାଇନ୍ସ ମଧ୍ୟରେ ତିକ୍ତତା ବଢ଼ୁଥିବା ବେଳେ ଫିଲିପାଇନ୍ସକୁ ଏହି ମିସାଇଲ ହସ୍ତାନ୍ତର କରିଛି ଭାରତ । ଚୀନ୍‌ର ବିପଦକୁ ମୁକାବିଲା କରିବା ପାଇଁ ଫିଲିପାଇନ୍ସ ଉପକୂଳବର୍ତ୍ତୀ ଅଞ୍ଚଳରେ (ଦକ୍ଷିଣ ଚୀନ୍ ସାଗର) ୩ଟି ବ୍ରାହ୍ମୋସ୍ କ୍ଷେପଣାସ୍ତ୍ର ନିୟୋଜିତ କରିବ ।

ବ୍ରହ୍ମୋସର ପ୍ରତ୍ୟେକ ସିଷ୍ଟମରେ ଦୁଇଟି ମିସାଇଲ୍ ଲଞ୍ଚର୍, ରାଡାର୍ ଏବଂ ଏକ କମାଣ୍ଡ ଏବଂ କଣ୍ଟ୍ରୋଲ୍ ସେଣ୍ଟର ଅଛି । ଏହା ବ୍ୟତୀତ ଭାରତ ଫିଲିପାଇନ୍ସକୁ ମଧ୍ୟ କ୍ଷେପଣାସ୍ତ୍ର ଚଳାଇବାରେ ତାଲିମ ଦେବ ।

ନିକଟରେ ଦକ୍ଷିଣ ଚୀନ୍ ସାଗରରେ ଫିଲିପାଇନ୍ସ ଓ ଚୀନ୍ ମଧ୍ୟରେ ଅନେକ ବିବାଦ ଦେଖିବାକୁ ମିଳିଥିଲା । ଆଉ ଏବେ ଫିଲିପାଇନ୍ସକୁ ବ୍ରାହ୍ମୋସ୍ କ୍ଷେପଣାସ୍ତ୍ର ମିଳିବା ଫଳରେ ସମୁଦ୍ରରେ ତା’ର ଶକ୍ତି ବୃଦ୍ଧି ପାଇବା ସହ ଚୀନ୍‌ର ପ୍ରଭାବକୁ ମଧ୍ୟ ରୋକିବାରେ ସଫଳ ହେବ ।

ଗଣମାଧ୍ୟମର ରିପୋର୍ଟ ଅନୁଯାୟୀ, ଫିଲିପାଇନ୍ସ ସହିତ ହୋଇଥିବା ଏହି ଚୁକ୍ତି ଦେଶକୁ ପ୍ରତିରକ୍ଷା କ୍ଷେତ୍ରରେ ରପ୍ତାନିକାରୀ ତଥା ଆତ୍ମନିର୍ଭରଶୀଳ ଭାରତକୁ ପ୍ରୋତ୍ସାହିତ କରିବାରେ ସହାୟକ ହେବ। ଏହି ଚୁକ୍ତି ସାମରିକ ଶିଳ୍ପର ମନୋବଳ ବଢ଼ାଇବ ଏବଂ ଦକ୍ଷିଣ-ପୂର୍ବ ଏସିଆରେ ଭାରତ ଏକ ନିର୍ଭରଯୋଗ୍ୟ ରପ୍ତାନିକାରୀ ଦେଶ ଭାବରେ ଉଭା ହେବ । ଏଥିସହ ଏହି ଚୁକ୍ତି ଭାରତ-ଫିଲିପାଇନ୍ସ ସମ୍ପର୍କକୁ ମଜବୁତ କରିବ।