LIVE TV
ଆପଣ ଶ୍ରବଣ କୁମାରଙ୍କ କାହାଣୀ ନିଶ୍ଚୟ ଶୁଣିଥିବେ। ବାପା ମା ଅନ୍ଧ ହୋଇଥିବାରୁ ସେ ସେମାନଙ୍କୁ କାନ୍ଧରେ ବୋହି ତୀର୍ଥ କରାଇଥିଲା। ମାତ୍ର ଅଧା ରାସ୍ତାରେ ତାର ମୃତ୍ୟୁ ହୋଇଯାଇଥିଲା। ତେଲଙ୍ଗାନାରୁ ବି ଏଭଳି କିଛି ହୃହୟ ବିଦାରକ ଖବର ଆସିଛି। ଦୃଷ୍ଟିହୀନ ବାପା ମା ନିଜ ପୁଅର ମୃତ୍ୟୁ ବିଷୟରେ ଜାଣିପାରିଲେ ନାହିଁ। ପୁଅର ମୃତଦେହ ସହ ୪ଦିନ କାଟିଲେ।
ସୂଚନା ଅନୁସାରେ, ତେଲଙ୍ଗାନର ନାଗୋଲ୍ରେ ୬୫ବର୍ଷୀୟ ଶାନ୍ତା କୁମାରୀ, ୬୦ବର୍ଷୀୟା ରମନ୍ନା ଓ ସେମାନଙ୍କ ପୁଅ ପ୍ରମୋଦ ରହୁଥିଲେ। ପୁଅ ସେମାନଙ୍କର ସବୁ ଦାୟିତ୍ୱ ବୁଝନ୍ତି। ଘଟଣା ଦିନ ପୁଅ ସହ ସେମାନେ ରାତ୍ରି ଭୋଜନ କରିଥିଲେ ଏବଂ ତିନିଜଣ ଶୋଇଥିଲେ। କିନ୍ତୁ ପରଦିନ ସକାଳ ହେବା ପୂର୍ବରୁ ପୁଅର ମୃତ୍ୟୁ ଘଟିଥିଲା। ପୁଅ ନ ଉଠିବାରୁ ସେ ଶୋଇଛି ବୋଲି ଭାବିଥିଲେ।ଏପରି ୪ ଦିନ ବିତି ଯାଇଥିଲା।
Also Read
ପୁଅର ମୃତ୍ୟୁ ଖବର ଏହି ବୃଦ୍ଧ ଦମ୍ପତି ଜାଣି ନଥିଲେ। ବୟସ୍କମାନେ କହିଲେ ଯେ ସେ ଚାଲି ପାରୁ ନାହାନ୍ତି। ଏଭଳି ପରିସ୍ଥିତିରେ ସେହି ଲୋକମାନେ ପୁଅକୁ ଅନେକ ଥର ଡାକିଥିଲେ ମଧ୍ୟ ପ୍ରମୋଦ କୌଣସି ଉତ୍ତର ଦେଇନଥିଲେ। କବାଟ ବନ୍ଦ କରି ସେମାନେ ଶୋଇଥିବାରୁ ସେମାନେ ବାହାରେ କାହାଠାରୁ ସାହାଯ୍ୟ ମଧ୍ୟ ମାଗି ପାରିନଥିଲେ। ଏଭଳି ସ୍ଥିତିରେ ଉଭୟ ବୃଦ୍ଧ ଦମ୍ପତି ୪ ଦିନ ଧରି ଭୋକ ଶୋଷରେ ପଡ଼ି ରହିଥିଲେ। ଏହି କାରଣରୁ ଏହି ସେଦୁହିଁଙ୍କ ଅବସ୍ଥା ମଧ୍ୟ ଖରାପ ହେବାରେ ଲାଗିଥିଲା ।
୪ ଦିନ ହେଲା ଦୃଷ୍ଟିହୀନ ପିତାମାତା ପୁଅର ମୃତ୍ୟୁ ବିଷୟରେ ଜାଣି ନ ପାରି ମୃତଦେହ ସହ ସେହି କୋଠରୀରେ ରହୁଥିଲେ। ଯେହେତୁ ସେହି ପୁଅ ଏହି ବୃଦ୍ଧମାନଙ୍କର ଯତ୍ନ ନେଉଥିଲା । ତେଣୁ ତାଙ୍କ ମୃତ୍ୟୁ ପରେ ୪ ଦିନ ପର୍ଯ୍ୟନ୍ତ ସେମାନଙ୍କୁ ଖାଦ୍ୟ ଓ ପାଣି ମଧ୍ୟ ମିଳିନଥିଲା। ସେମାନଙ୍କ ଅବସ୍ଥା ମଧ୍ୟ ବିଗିଡ଼ି ଯାଇଥିଲା। ୪ ଦିନ ପରେ ଦୁର୍ଗନ୍ଧ ହେବାରୁ ଖବର ପାଇ ପୋଲିସକୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହଜବତ କରି ବ୍ୟବଚ୍ଛେଦ ପାଇଁ ପଠାଇଛି।
