ଶାହା କହିଲେ ବର୍ଷେ ଭିତରେ ସରିବ ରାମ ମନ୍ଦିର

୨୦୨୪ ଜାନୁଆରୀ ୧ ସୁଦ୍ଧା ସରିବ ରାମ ମନ୍ଦିର କାମ । ଏନେଇ ଖୋଲା ଖୋଲି ଘୋଷଣା କରିଛନ୍ତି ଗୃହମନ୍ତ୍ରୀ ଅମିତ ଶାହା । ତ୍ରିପୁରାରେ ଏକ ସାଧାରଣ ସଭାରେ ଭାଷଣ ଦେଉଥିବା ବେଳେ ଶାହା ଏଭଳି ଘୋଷଣା କରିଛନ୍ତି । ସେ କହିଛନ୍ତି ଜାନୁଆରୀ ୧ ସୁଦ୍ଧା ରାମ ମନ୍ଦିର ପୂରା ପ୍ରସ୍ତୁତ ହୋଇଯିବ ।

ଖାଲି ସେତିକି ନୁହେଁ ରାମ ମନ୍ଦିର ନିର୍ମାଣ ନେଇ କଂଗ୍ରେସ ଉପରେ ବର୍ଷିଛନ୍ତି ଅମିତ ଶାହା । ସେ କହିଛନ୍ତି ରାମ ମନ୍ଦିର ନିର୍ମାଣ କାମରେ କଂଗ୍ରେସ ପ୍ରତିବନ୍ଧକ ସାଜୁଥିଲା । କୋର୍ଟଙ୍କ ସାହାର୍ଯ୍ୟ ନେଇ ରାମ ମନ୍ଦିର କାମକୁ ଅଟକାଇ ରଖିଥିଲା କଂଗ୍ରେସ । ହେଲେ ଯେବେଠାରୁ ରାମ ମନ୍ଦିର ନିର୍ମାଣ ପାଇଁ କୋର୍ଟ ଅନୁମତି ଦେଇଛନ୍ତି ସେବେଠାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାମ ମନ୍ଦିର ନିର୍ମାଣ କାମରେ ଲାଗି ପଡ଼ିଛନ୍ତି । ଏବେ ଏଥିରେ କେହି ବାଧା ସୃଷ୍ଟି କରିପାରିବେ ନାହିଁ । ଯାହା ହୋଇଗଲେ ବି ଆଗାମୀ ଜାନୁଆରୀ ପହିଲା ସୁଦ୍ଧା ରାମ ମନ୍ଦିର କାମ ଶେଷ ହେବ । ଅର୍ଥାତ୍‌ ଆଗାମୀ ବର୍ଷକ ମଧ୍ୟରେ ସରିବ ରାମ ମନ୍ଦିର କାମ ।

ଅଧିକ ପଢ଼ନ୍ତୁ: ସରିଲାଣି କାମ ! ହଜାରେ ବର୍ଷ ରହିବ ରାମ ମନ୍ଦିର, ଭୂମିକମ୍ପ ବି କ୍ଷତି କରିପାରିବନି