LIVE TV
ପୋଡ଼ାଜଳା, ଭଙ୍ଗାରୁଜା, ପୋଲିସ ସହ ଧସ୍ତାଧସ୍ତି । ଅଗ୍ନିପଥ ବିରୋଧରେ ତୀବ୍ର ହେଉଛି ଆନ୍ଦୋଳନ । କେନ୍ଦ୍ର ସରକାରଙ୍କ ଦ୍ୱାରା ସେନାରେ ନିଯୁକ୍ତି ପାଇଁ ଆସିଥିବା ନୂଆ ଅଗ୍ନିପଥ ଯୋଜନା ବିରୋଧରେ ତୃତୀୟ ଦିନରେ ମଧ୍ୟ ବିହାର, ଉତ୍ତରପ୍ରଦେଶ, ତେଲେଙ୍ଗାନା ସମେତ ଅନେକ ରାଜ୍ୟରେ ବିକ୍ଷୋଭ ପ୍ରଦର୍ଶନ ପ୍ରଦର୍ଶନ ଚାଲିଛି । ବିହାର ଏବଂ ଉତ୍ତରପ୍ରଦେଶରେ ସବୁଠାରୁ ଅଧିକ ହିଂସାତ୍ମକ ବିରୋଧ ପ୍ରଦର୍ଶନ କରାଯାଉଛି ।
ବିହାରର ବିଭିନ୍ନ ଷ୍ଟେସନରେ ଜୋରଦାର ପ୍ରତିବାଦ କରିବା ସହ ଆନ୍ଦୋଳନକାରୀମାନେ ଟ୍ରେନରେ ନିଆଁ ଲଗାଇ ଦେଇଥିବା ଦେଖିବାକୁ ମିଳିଛି । ଏଥିସହ ଷ୍ଟେସନରେ ଭଙ୍ଗାରୁଜା କରିଛନ୍ତି ଆନ୍ଦୋଳନକାରୀ । ଭଙ୍ଗାରୁଜା ବେଳେ କିଛି ସ୍ଥାନରେ ପୋଲିସ ସହ ମୁହାଁମୁହିଁ ସ୍ଥିତି ଉପୁଜିଛି । ବିହାରର ବେତିଆରେ ବିକ୍ଷୋଭକାରୀମାନେ ଉପମୁଖ୍ୟମନ୍ତ୍ରୀ ତଥା ବିଜେପି ନେତା ରେନୁ ଦେବୀଙ୍କ ଘରେ ଆକ୍ରମଣ କରାଯାଇଛି। ବେଗୁସରାଇ ଲକ୍ଷୀସରାଇ ଷ୍ଟେସନରେ ଆନ୍ଦୋଳନକାରୀମାନେ ଟ୍ରେନ୍ ଜାଳି ଦେଇଛନ୍ତି । ଲଖମିନିଆରେ ରେଳ ଷ୍ଟେସନରେ ନିଆଁ ଲଗାଇ ଦେଇଛନ୍ତି ଆନ୍ଦୋଳନକାରୀ । ଆରାରା, ବକ୍ସର ଓ ବେତିହାରେ ମଧ୍ୟ ଜୋରଦାର ପ୍ରତିବାଦ ଦେଖିବାକୁ ମିଳିଛି । ଆନ୍ଦୋଳନକାରୀମାନେ ବିଭିନ୍ନ ସ୍ଥାନରେ ପୋଡ଼ାଜଳା କରିବା ସହ ବିକ୍ଷୋଭ କରୁଛନ୍ତି ।
#WATCH | Bihar: Agitators protested against #AgnipathScheme, at Hajipur railway station today; they were later chased away by Police.
"Situation at the moment is alright. Hooligans have been chased away. Some of them have been detained for questioning," says SP Hajipur, Maneesh. pic.twitter.com/W1FnrXqDzj— ANI (@ANI) June 17, 2022
#WATCH | Bihar: The residence of Deputy CM Renu Devi, in Bettiah, attacked by agitators during their protest against #AgnipathScheme
— ANI (@ANI) June 17, 2022
Her son tells ANI, "Our residence in Bettiah was attacked. We suffered a lot of damage. She (Renu Devi) is in Patna." pic.twitter.com/Ow5vhQI5NQ
ସେହିପରି ଉତ୍ତର ପ୍ରଦେଶ ବଲିଆରେ ମଧ୍ୟ ଆନ୍ଦୋଳନକାରୀମାନେ ଟ୍ରେନରେ ନିଆଁ ଲଗାଇ ଦେଇଛନ୍ତି । ୟୁପିରେ ସକାଳୁ ଯୁବକମାନେ ଆଜି ତୃତୀୟ ଦିନ ପାଇଁ ରାଜରାସ୍ତାକୁ ଓହ୍ଲାଇ କେନ୍ଦ୍ର ସରକାରଙ୍କ ବିରୋଧରେ ସ୍ଲୋଗାନ ଦେଉଛନ୍ତି । ତେଲେଙ୍ଗାନାର ସିକନ୍ଦରାବାଦରେ ମଧ୍ୟ ଟ୍ରେନ୍ ଜାଳି ଦେଇଛନ୍ତି ବିକ୍ଷୋଭକାରୀ । ଅଗ୍ନିପଥ ଯୋଜନାରେ ପରିବର୍ତ୍ତନ ଆସିବା ପରେ ମଧ୍ୟ ପୁରୁଣା ପଦ୍ଧତି କାର୍ଯ୍ୟକାରୀ କରିବାକୁ ବିକ୍ଷୋଭକାରୀମାନେ ଦାବି କରୁଛନ୍ତି । ଅଗ୍ନିପଥ ଯୋଜନା ବିରୋଧରେ ଗତକାଲିଠାରୁ ଦେଶରେ ବିଭିନ୍ନ ସ୍ଥାନରେ ଅସନ୍ତୋଷର ନିଆଁ ଜଳୁଛି ।
#WATCH | Telangana: Secunderabad railway station vandalised and a train set ablaze by agitators who are protesting against #AgnipathRecruitmentScheme. pic.twitter.com/2llzyfT4XG
— ANI (@ANI) June 17, 2022
ଅନ୍ୟପଟେ ହରିଆଣାର ପଲୱାଲରେ ଆନ୍ଦୋଳକାରୀଙ୍କ ହିଂସାକୁ ଦେଖି ସରକାର ଫରିଦାବାଦ ଜିଲ୍ଲାର ବଲଭଗଡ଼ରେ ଇଣ୍ଟରନେଟ୍ ସେବାକୁ ବନ୍ଦ ରଖିଛି । ସେପଟେ ହିସାର ଏବଂ ରୋହତକରେ ରାସ୍ତାରୋକ ଥିବାରୁ ପୋଲିସ ହାଇ ଆଲର୍ଟରେ ରହିଛି । ଆନ୍ଦଳକାରୀଙ୍କୁ ବୁଝାସୁଝା ଲାଗି ସ୍ଥନୀୟ ପ୍ରଶାସନ ପ୍ରୟାସ କରୁଛି ।
