LIVE TV
ନୂଆଦିଲ୍ଲୀ: ଗୃହମନ୍ତ୍ରୀ ଅମିତ ଶାହଙ୍କ ପରେ ଅଜିତ ଡୋଭାଲଙ୍କୁ ଭେଟି, ପଞ୍ଜାବ ଅଭିମୁଖେ କ୍ୟାପ୍ଟେନ୍ ଅମରିନ୍ଦର ସିଂହ । ସେ ଦିଲ୍ଲୀ ବିମରନବନ୍ଦରେ ପହଞ୍ଚି ସାରିଛନ୍ତି । ତେବେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିବାର କାର୍ଯ୍ୟକ୍ରମ ଥିଲା । କିନ୍ତୁ ସେ ମୋଦିଙ୍କୁ ଭେଟି ନାହାନ୍ତି । ଗତକାଲି କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହଙ୍କୁ ଭେଟିବା ପରେ ଆଜି ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କୁ ଭେଟି ସେ ସିଧାସଳଖ ପଞ୍ଜାବ ଅଭିମୁଖେ ବାହାରିଛନ୍ତି । ତେବେ ଶାହଙ୍କୁ ଭେଟିବା ପରେ ଚର୍ଚ୍ଚା ହେଉଥିଲା ଯେ, ଅମରିନ୍ଦର ବିଜେପିରେ ମିଶିପାରନ୍ତି । କିନ୍ତୁ ଏହି କଳ୍ପନା ଜଳ୍ପନାର ଅନ୍ତ ଘଟାଇ ସେ ବିଜେପିରେ ଯୋଗ ଦେଉନାହାନ୍ତି ବୋଲି ସ୍ପଷ୍ଟ କରିଥିଲେ ।
Former Punjab CM Captain Amarinder Singh arrives at Delhi airport, he will depart for Punjab shortly. pic.twitter.com/ve56H9Gz0x
— ANI (@ANI) September 30, 2021
ଆଜି ପୂର୍ବାହ୍ନରେ ନୂଆଦିଲ୍ଲୀରେ NSA ଅଜିତ୍ ଡୋଭାଲ୍ଙ୍କୁ ସାକ୍ଷାତ କରିଛନ୍ତି ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ । ଉଭୟଙ୍କ ମଧ୍ୟରେ ବେଶ କିଛି ସମୟ ଆଲୋଚନା ହୋଇଛି । ତେବେ କେଉଁ ପ୍ରସଙ୍ଗରେ ନିର୍ଦ୍ଦିଷ୍ଟ ଭାବେ ଆଲୋଚନା ହୋଇଛି ସେ ସମ୍ପର୍କରେ ସ୍ପଷ୍ଟ ସୂଚନା ମିଳିପାରିନି । ଜାତୀୟ ଗଣମାଧ୍ୟମର ସୂଚନା ଅନୁସାରେ ଆଜି ପ୍ରଧାନମନ୍ତ୍ରୀ ମୋଦିଙ୍କୁ ବି କ୍ୟାପଟେନ୍ ଭେଟି ପାରନ୍ତି । ଗତ ତିନି ଦିନ ଧରି ସେ ଦିଲ୍ଲୀରେ ଡେରା ପକାଇଛନ୍ତି । ଗତକାଲି ଶାହଙ୍କୁ ଭେଟିଥିଲେ । ତେବେ ଚାଷୀଙ୍କ ସମସ୍ୟା ନେଇ କେନ୍ଦ୍ରଗୃହମନ୍ତ୍ରୀଙ୍କ ସହ ଆଲୋଚନା କରିଥିବା କହିଥିଲେ ।
Former Punjab CM Captain Amarinder Singh has made it clear he wasn't joining the BJP but had no intention of continuing in Congress, which he said was going downhill with senior leaders completely ignored and not given a voice: Office of Capt Amarinder Singh pic.twitter.com/d0dbi5zMzY
— ANI (@ANI) September 30, 2021
ସେପଟେ ଆଜି ପଞ୍ଜାବ ମୁଖ୍ୟମନ୍ତ୍ରୀ ଚରଣ ସିଂହ ଚନ୍ନିଙ୍କୁ ଭେଟିବେ ନବଜ୍ୟୋତ ସିଂ ସିଦ୍ଧୁ । ଦିଲ୍ଲୀ ସ୍ଥିତ ପଞ୍ଜାବ ଭବନରେ ଉଭୟ ନେତାଙ୍କ ମଧ୍ୟରେ ଆଲୋଚନା ହେବ । ସିଦ୍ଧୁଙ୍କ ମାନଭଞ୍ଜନ କରିପାରନ୍ତି ଚନ୍ନି ।
Also Read
ତେବେ କଂଗ୍ରେସକୁ ଲାଗିପାରେ ବଡ଼ ଝଟକା । ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ଅମରିନ୍ଦର ସିଂ ଦଳ ଛାଡ଼ିବା ନେଇ ଜାତୀୟ ଗଣମାଧ୍ୟମରେ ଜୋର ଧରିଲା ଚର୍ଚ୍ଚା। ପଞ୍ଜାବରେ ଚାଲିଥିବା ରାଜନୈତିକ ଡ୍ରାମାର ଖୁବ୍ଶୀଘ୍ର ଅନ୍ତ ହୋଇପାରେ । କ୍ୟାପଟେନ୍ ସ୍ପଷ୍ଟ କରିଛନ୍ତି ଯେ ସେ ଆଉ ଦଳରେ ରହିବେ ନାହିଁ । କିନ୍ତୁ କେଉଁ ଦଳରେ ଯୋଗ ଦେବେ ସେନେଇ କୌଣସି ସ୍ପଷ୍ଟ କରିନାହାନ୍ତି ।
ଅମରିନ୍ଦର ସିଂ କହିଛନ୍ତି ଯେ ମୁଁ ମୋର ଆଭିମୁଖ୍ୟ ସ୍ପଷ୍ଟ କରିସାରିଛି । କୌଣସି ପ୍ରକାର ଅପମାନକୁ ସହ୍ୟ କରିପାରିବି ନାହିଁ । ଏକ ଘରୋଇ ଟିଭି ଚ୍ୟାନେଲକୁ ସାକ୍ଷାତକାର ଦେଇ କ୍ୟାପଟେନ ଅମରିନ୍ଦର ସିଂ କହିଥିଲେ ଯେ, ପାର୍ଟିର ବୈଠକକୁ ମତେ ଡ଼କାଯାଇନଥିଲା କି ଖବର ବି ଦିଆଯାଇନଥିଲା । ଏହାସହ ଦଳ ଅଣଦେଖା ମଧ୍ୟ କରିଥିଲା । ପୂର୍ବରୁ ମୁଖ୍ୟମନ୍ତ୍ରୀ ପଦ ଛାଡ଼ିବା ନେଇ ସ୍ପଷ୍ଟ ମଧ୍ୟ କରିଥିଲି । ମୁଁ ଯେଉଁ ନିଷ୍ପତ୍ତି ନେଇଛି ତାହା ପୂର୍ବରୁ ଅନେକ ଥର ଭାବିଛି । ଏହାସହ ସେ କହିଛନ୍ତି ଯଦି ମୋ ଉପରେ ଦଳର ବିଶ୍ୱାସ ନାହିଁ, ତେବେ ମୁଁ ଏ ଦଳରେ କାହିଁକି ରହିବି ବୋଲି କ୍ୟାପଟେନ୍ ପ୍ରଶ୍ନ କରିଥିଲେ ।
