• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Satyendu Shekher Mishra

ବିବାଦ ଓ ବିରୋଧ ପରେ ହଟିଲା ଦିଲ୍ଲୀର ପ୍ରସିଦ୍ଧ ଜାମା ମସଜିଦ୍‌କୁ ଯୁବତୀଙ୍କ ପ୍ରବେଶ ଉପରେ ଥିବା କଟକଣା । ଦିଲ୍ଲୀ ଉପରାଜ୍ୟପାଳଙ୍କ ହସ୍ତକ୍ଷେପ ପରେ ଯୁବତୀଙ୍କ ପ୍ରବେଶ ନିଷେଧ କଟକଣାକୁ ପ୍ରତ୍ୟାହାର କରି ନେଇଛନ୍ତି ମସ୍‌ଜିଦ୍ କର୍ତ୍ତୃପକ୍ଷ ।

ଜାମା ମସଜିଦକୁ ଏକାକି କିମ୍ବା ଦଳଗତ ଭାବେ ଝିଅଙ୍କ ପ୍ରବେଶ ଉପରେ ରୋକ୍ ଲଗାଇ ଆଜି ମସଜିଦ ଆଗରେ ଏକ ନୋଟିସ ଲଗାଇଥିଲେ ମସଜିଦ୍ କର୍ତ୍ତୃୃପକ୍ଷ । ଉପାସନା ପାଇଁ ଲୋକେ ମସଜିଦକୁ ଆସୁଥିବା ବେଳେ ଏଠାରେ ଝିଅମାନେ ପୁଅଙ୍କ ସହ ମିଳାମିଶା ଓ ଭିଡିଓ ସୁଟିଂ ଭଳି ଅରୁଚିକର କାର୍ଯ୍ୟ କରୁଥିବା ଘଟଣା ନଜରକୁ ଆସୁଥିଲା । ଏହାକୁ ବିରୋଧ କରି ମସଜିଦ୍ କର୍ତ୍ତୃପକ୍ଷ ଏଭଳି କଟକଣା ଲଗାଇଥିଲେ । ତେବେ ଏହି କଟକଣାକୁ ନେଇ ବିବାଦ ସୃଷ୍ଟି ହୋଇଥିଲା । ଦିଲ୍ଲୀ ମହିଳା କମିଶନ ଅଧ୍ୟକ୍ଷା ସ୍ୱାତୀ ମାଲିଓ୍ୱାଲ ଏହି ନିଷ୍ପତ୍ତିର ବିରୋଧ କରି ଏହାକୁ ଅସାମ୍ବିଧାନିକ ବୋଲି ମତ ଦେଇଥିଲେ । ପରେ ଦିଲ୍ଲୀର ଉପରାଜ୍ୟପାଳ ଏନେଇ ଇମାମ ସହି ଅହମ୍ମଦ ବୁଖାରୀଙ୍କ ସହ ଆଲୋଚନା କରି ଏହି ନିର୍ଦ୍ଦେଶ ହଟାଇବାକୁ ଅନୁରୋଧ କରିଥିଲେ । ପରେ ମସଜିଦ କର୍ତ୍ତୃୃପକ୍ଷ ନୋଟିସକୁ ହଟାଇ ନେଇଥିଲେ ।

Other Stories