ବିଷାକ୍ତ ମଦ ପିଇ ଚାଲିଗଲା ୪ଜୀବନ, ତଦନ୍ତ ପାଇଁ ଗଠନ ହେଲା ୫ଜଣିଆ କମିଟି

ମଦ ପିଇ ପ୍ରତିଦିନ ଅନେକ ଲୋକଙ୍କର ଜୀବନ ଯାଉଛି। ପୁଣି ଥରେ ବିଷାକ୍ତ ମଦ ୪ଜଣଙ୍କର ଜୀବନ ନେଇଛି। ପଞ୍ଜାବ ସଂଗରୁର ଜିଲ୍ଲାର ଦିରୱା ବ୍ଲକରେ ବିଷାକ୍ତ ମଦ ପିଇ ୪ଜଣଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଏହି ଘଟଣାର ତଦନ୍ତ ନିର୍ଦ୍ଦେଶ ଦିଆଯାଇଛି।

ସୂଚନା ଅନୁସାରେ, ମଙ୍ଗଳବାର ରାତିରେ ଏହି ଘଟଣା ଘଟିଛି। ୪ଜଣ ଲୋକ ମଦ ପିଇବା ପରେ ଅସୁସ୍ଥ ହୋଇ ପଡିଥିଲେ। ପରେ ସେମାନଙ୍କର ମୃତ୍ୟୁ ହୋଇଯାଇଛି। ପୋଲିସ୍ କହିଛି ଯେ ସେମାନଙ୍କୁ ମଦ ଯୋଗାଣ କରିଥିବା ଲୋକଙ୍କୁ ଚିହ୍ନଟ କରାଯାଇଥିବା ବେଳେ ଖୁବଶୀଘ୍ର ସେମାନଙ୍କୁ ଗିରଫ କରାଯିବ।

#WATCH | Three people died allegedly after consuming spurious liquor in Sangrur, Punjab.

Special DGP (Law and Order) Arpit Shukla says, "Senior officials have gone to the area where this incident happened. SIT has been constituted and DC has also marked a magisterial… pic.twitter.com/arvfeucdaU

— ANI (@ANI) March 20, 2024

ଡେପୁଟି କମିଶନର ଜିତେନ୍ଦ୍ର ଜୋରୱାଲ କହିଛନ୍ତି ଯେ ଏହି ଘଟଣାର ତଦନ୍ତ ପାଇଁ ପାଞ୍ଚ ଜଣିଆ କମିଟି ଗଠନ କରାଯାଇଛି। ଏଥିରେ ଦିରୱା ସବ ଡିଭିଜନାଲ ମାଜିଷ୍ଟ୍ରେଟ (ଏସଡିଏମ), ଡେପୁଟି ସୁପରିଣ୍ଟେଣ୍ଡେଣ୍ଟ ପୋଲିସ (ଡିଏସପି), ଷ୍ଟେସନ ହାଉସ ଅଫିସର (SHO), ବରିଷ୍ଠ ମେଡିକାଲ ଅଫିସର ତଥା ଏକ୍ସାଇଜ୍ ଏବଂ ଟ୍ୟାକ୍ସ ଅଧିକାରୀ ରହିଛନ୍ତି। ଶୁକ୍ରବାର ସୁଦ୍ଧା କମିଟି ରିପୋର୍ଟ ପ୍ରଦାନ କରିବ।

ମୃତ ବ୍ୟକ୍ତିମାନେ ହେଲେ ୫୦ବର୍ଷୀୟ ଭୋଲା ସିଂ, ୪୨ବର୍ଷୀୟ ନିର୍ମଲ ସିଂ ଓ ପରଗେଟ୍ ସିଂ ଏବଂ ୩୦ବର୍ଷୀୟ ଜଗଜିତ୍ ସିଂ। ସ୍ଥାନୀୟ ଲୋକଙ୍କ କହିବା ଅନୁଯାୟୀ, ସେମାନେ ମଙ୍ଗଳବାର ରାତିରେ ମଦ ପିଇଥିଲେ। ଆଜି ସକାଳୁ ଗାଁ ରାସ୍ତାରେ ସେମାନଙ୍କର ମୃତଦେହ ପଡିଥିବାର ଦେଖିବାକୁ ମିଳିଥିଲା।