LIVE TV
ଲୋକଙ୍କ ଉପରେ କାର ମାଡ଼ିଯିବା ଘଟଣାରେ ଛଡ଼ିଶଗଡ଼ରେ ବନ୍ଦ ଡାକରା । ଯଶପୁର ସହରରେ ସମସ୍ତ ଦୋକନ ବଜାର ଓ ଅଫିସ ଆଦି ବନ୍ଦ ରହିଥିଲା । ଗତକାଲି ଛତିଶଗଡ଼ର ପାଥଲଗାଁଓ ବଜାରପଡ଼ାରେ ଦଶହରା ଭସାଣ ଶୋଭାଯାତ୍ରା ଚାଲିଥିବା ବେଳେ ରାସ୍ତାରେ ଶତାଧିକ ଲୋକ ଏକାଠି ଯାଉଥିଲେ । ଅଚାନକ ଏକ ଦ୍ରୁତଗାମୀ କାର ଆସିଲା ଓ ଲୋକଙ୍କ ଉପରେ ଚଢ଼ି ଚାଲିଗଲା । ଏହି ଘଟଣାରେ ଦୁଇ ଜଣଙ୍କ ମୃତ୍ୟୁ ହୋଇଥିବା ବେଳେ ୨୦ରୁ ଅଧିକ ଗୁରୁତର ହୋଇଛନ୍ତି । ଏହାର ପ୍ରତିବାଦରେ ଆଜି ଯଶପୁର ସହରରେ ବନ୍ଦ ଡାକରା ଦିଆଯାଇଥିଲା । ଲୋକମାନେ ବନ୍ଦ ଡାକରାକୁ ସମର୍ଥନ କରିବା ସହ ଶାନ୍ତି ଶୃଙ୍ଖଳାର ସହ ବନ୍ଦକୁ ସଫଳ କରିଛନ୍ତି । ସ୍ଥାନୀୟ ବିଜେପି ପକ୍ଷରୁ ଏହି ବନ୍ଦ ଡାକରା ଦିଆଯାଇଥିଲା ।
Also Read
ସୂଚନାଯୋଗ୍ୟ, ସେହି କାର ଭିତରୁ ବିପୁଳ ପରିମାଣର ଗଞ୍ଜେଇ ଜବତ ହୋଇଥିଲା । ଲୋକମାନେ କାରକୁ କାବୁ କରି ସେଥିରେ ନିଆଁ ଲଗାଇଦେଇଥିଲେ । କାର ଚାଳକ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ସ୍ଥାନୀୟ ଲୋକ ଦାବି କରିଛନ୍ତି । ଏହି ଘଟଣାରେ ପ୍ରାୟ ୨୦ ଜଣ ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
ସେମାନଙ୍କ ମଧ୍ୟରୁ କେତେ ଜଣଙ୍କ ଅବସ୍ଥା ଏବେବି ଗମ୍ଭୀର ରହିଛି । ଆହତଙ୍କ ମଧ୍ୟରୁ ଅଧିକାଂଶ ଘଟଣାସ୍ଥଳରେ ବେହୋସ ହୋଇଯାଇଥିଲେ । ପରେ ଆମ୍ବୁଲାନ୍ସ ଯୋଗେ ସେମାନଙ୍କୁ ହସ୍ପିଟାଲ ଅଣାଯାଇଥିଲା । ଦୁର୍ଘଟଣାର ସେହି ଭୟଙ୍କର ମୂହୁର୍ତ୍ତକୁ ମନେ ପକାଇ ସେମାନେ କହିଛନ୍ତି ଯେ, ହଠାତ କଣ ହେଲା କେହି କିଛି ବୁଝିପାରିନଥିଲେ । ଚେତା ଫେରିବା ପରେ ହସ୍ପିଟାଲରେ ନିଜକୁ ପାଇଥିଲେ ।
ଏହି ଘଟଣାରେ ପୋଲିସ ଦୁଇ ଜଣଙ୍କୁ ଗିରଫ କରିଛି । ସେପେଟେ ପୋଲିସ ବିରୋଧରେ ବି କାର୍ଯ୍ୟାନୁଷ୍ଠାନ ହୋଇଥିବା ଟ୍ୱିଟ୍ କରି ସୂଚନା ଦେଇଛନ୍ତି ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲ ।
जशपुर की घटना बहुत दुखद और हृदयविदारक है।
— Bhupesh Baghel (@bhupeshbaghel) October 15, 2021
दोषियों को तुरंत गिरफ्तार कर लिया गया है। प्रथमदृष्टया दोषी दिख रहे पुलिस अधिकारियों पर भी कार्रवाई हुई है।
जांच के आदेश दिए गए हैं। कोई भी बख्शा नहीं जाएगा।
सबके साथ न्याय होगा।
ईश्वर दिवंगतजनों की आत्मा को शांति दे।
