'ତାମିଲନାଡ଼ୁ ଶିବକାଶୀରେ ଭୟଙ୍କର ବିସ୍ଫୋରଣ, ୧୧ ମୃତ'

ତାମିଲନାଡ଼ୁରେ ଘଟିଛି ଅଭାବନୀୟ ଘଟଣା । ବାଣ ଗୋଦାମରେ ବିସ୍ଫୋରଣରେ ଘଟି ୧୧ ମୃତ । ମୃତକଙ୍କ ମଧ୍ୟରେ ୯ ମହିଳା ଥିବା ସୂଚନା । ତାମିଲନାଡ଼ୁର ଶିବକାଶୀର ବିରୁଧୁନଗରର କମ୍ମାପଟ୍ଟିଗାଁରେ ଥିବା ଦୁଇଟି ବାଣ ଗୋଦାମରେ ବିସ୍ଫୋରଣ ଘଟିଛି ।

ପୋଲିସର କହିବା ଅନୁସାରେ, ବାରୁଦ ଟେଷ୍ଟ ବେଳେ ଏହି ବିସ୍ଫୋରଣ ଘଟିଛି । ଏନେଇ ଘଟଣାର ତଦନ୍ତ ଜାରି ରହିଛି । ତେବେ ଗୋଦାମ ପାଖରେ ଉପଯୁକ୍ତ ଲାଇସେନ୍ସ ଥିବା ପୋଲିସ କହିଛି । 

ଅନ୍ୟପଟେ ଦୁର୍ଘଟଣାକୁ ନେଇ ତାମିଲନାଡୁ ମୁଖ୍ୟମନ୍ତ୍ରୀ ଏମ୍‌ କେ ଷ୍ଟାଲିନ୍‌ ଦୁଃଖ ପ୍ରକାଶ କରିଛନ୍ତି । ମୃତକଙ୍କ ପରିବାରକୁ ୩ ଲକ୍ଷ ଟଙ୍କା ଅନୁକମ୍ପା ରାଶି ପ୍ରଦାନ କରିବାକୁ ସେ ଘୋଷଣା କରିଛନ୍ତି ।

#UPDATE | Five people died due to the explosion that took place at the firecracker factory in Kammapatti village of Virudhunagar district: Fire and Rescue department

— ANI (@ANI) October 17, 2023

ଏହାପୂର୍ବରୁ ଅକ୍ଟୋବର ୯ ରେ ତାମିଲନାଡୁର ଆରିୟାଲୁର ଜିଲ୍ଲାରେ ମଧ୍ୟ ବାଣ ଦୁର୍ଘଟଣା ଘଟି ଦଶ ଜଣଙ୍କର ମୃତ୍ୟୁ ହୋଇଥିଲା । ଆଗକୁ ଦୀପାବଳି ଥିବାରୁ ବାଣ ଦୁର୍ଘଟଣା ବୃଦ୍ଧି ପାଇ ପାରେ ବୋଲି ଆଶଙ୍କା କରା ଯାଉଛି ।