DA Hike: କେନ୍ଦ୍ର ସରକାର ପରେ, ମହଙ୍ଗା ଭତ୍ତା ବଢାଇଲେ ଏହି ସରକାର...

କର୍ମଚାରୀଙ୍କ ପାଇଁ ଖୁସି ଖବର । କେନ୍ଦ୍ର ସରକାର ପରେ, ବର୍ତ୍ତମାନ ବିଭିନ୍ନ ରାଜ୍ୟ ସରକାର ସେମାନଙ୍କ କର୍ମଚାରୀଙ୍କୁ ଦେଲେ ହୋଲି ଉପହାର । କେନ୍ଦ୍ର ସରକାର କର୍ମଚାରୀଙ୍କ ଡିଏକୁ(DA) ୪ ପ୍ରତିଶତ ବୃଦ୍ଧି କରିବାକୁ ନିଷ୍ପତ୍ତି ନେଇଥିଲେ । ଯାହା ପରେ ବର୍ତ୍ତମାନ ଝାଡଖଣ୍ଡ ଓ କର୍ଣ୍ଣାଟକ ସରକାର ମଧ୍ୟ ରାଜ୍ୟର କର୍ମଚାରୀଙ୍କୁ ଖୁସି ଖବର ଦେଇଛନ୍ତି । ଝାଡଖଣ୍ଡ ସରକାର କର୍ମଚାରୀଙ୍କ ମହଙ୍ଗା ଭତ୍ତାକୁ(DA) ମୌଳିକ ବେତନର ୫୦ ପ୍ରତିଶତକୁ ବୃଦ୍ଧି କରିଛନ୍ତି । ବର୍ତ୍ତମାନ ଏହା ୪୬ ପ୍ରତିଶତ ଥିଲା ।

ମଙ୍ଗଳବାର ଦିନ ଜଣେ ଅଧିକାରୀ କହିଛନ୍ତି ଯେ ଡିଏ (DA) ବୃଦ୍ଧି ଚଳିତ ବର୍ଷ ୧ ଜାନୁୟାରୀରୁ କାର୍ଯ୍ୟକାରୀ ହେବ। ମୁଖ୍ୟମନ୍ତ୍ରୀ ଚମ୍ପାଇ ସୋରେନଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ରାଜ୍ୟ ସରକାରୀ କର୍ମଚାରୀଙ୍କ ଡିଏ ଓ ପେନସନଭୋଗୀଙ୍କ ପାଇଁ ପ୍ରିୟତା ରିଲିଫ (DR) ବୃଦ୍ଧି ପ୍ରସ୍ତାବକୁ ଅନୁମୋଦନ କରିଛନ୍ତି ।

ଅଧିକ ପଢନ୍ତୁ: ସରକାରୀ କର୍ମଚାରୀଙ୍କୁ ପୂଜା ଭେଟି; ବଢ଼ିଲା ମହଙ୍ଗା ଭତ୍ତା

ଝାଡଖଣ୍ଡ ବ୍ୟତୀତ କର୍ଣ୍ଣାଟକ ସରକାର ମଧ୍ୟ ସରକାରୀ କର୍ମଚାରୀଙ୍କୁ ଏକ ବିଶେଷ ଉପହାର ଦେଇଛନ୍ତି । କର୍ଣ୍ଣାଟକ ସରକାର ରାଜ୍ୟ ସରକାରୀ କର୍ମଚାରୀଙ୍କ ଡିଏକୁ ୩୮.୭୫ ପ୍ରତିଶତରୁ ୪୨.୫ ପ୍ରତିଶତକୁ ବୃଦ୍ଧି କରିବାକୁ ଅନୁମୋଦନ କରିଛନ୍ତି ।

We have approved a revision of the Dearness Allowance to state government employees from 38.75% to 42.5%. For those on central pay scales, it's up from 46% to 50%. This change represents a significant financial commitment of Rs. 1792.71 crores every year, reaffirming our… pic.twitter.com/GqS2GwBDAB

— Siddaramaiah (@siddaramaiah) March 12, 2024

ଲୋକସଭା ନିର୍ବାଚନ ଘୋଷଣା ହେବାର କିଛି ସପ୍ତାହ ପୂର୍ବରୁ ରାଜ୍ୟ ସରକାର କର୍ମଚାରୀମାନଙ୍କୁ ଏହି ଖୁସି ଖବର ଦେଇଛନ୍ତି । ମଙ୍ଗଳବାର ଦିନ ଏକ ସରକାରୀ ବିବୃତ୍ତିରେ କୁହାଯାଇଛି ଯେ କେନ୍ଦ୍ରୀୟ ବେତନ ସ୍କେଲ ଆଧାରରେ କର୍ମଚାରୀଙ୍କ ପ୍ରିୟତା ଭତ୍ତା ୪୬ରୁ ୫୦ ପ୍ରତିଶତକୁ ବୃଦ୍ଧି କରାଯାଇଛି ।