ପାଣିରୁ ମିଳିଲା ବଡ଼ ଭାଇର ମୃତଦେହ, ଦୁଃଖରେ ଭାଙ୍ଗି ପଡ଼ି ସାନ ଭାଇ ପିଇ ଦେଲା ବିଷ...

ବଡ଼ ଭାଇର ମୃତ୍ୟୁ ପରେ ବିଷ ପିଇଲା ସାନ ଭାଇ। ବଲାଙ୍ଗିର ଜିଲ୍ଲା ବେଲପଡା ଥାନା ଅନ୍ତର୍ଗତ କୁମ୍ଭାରଖାନ ଗାଁରେ ଏହି ଦୁଃଖଦ ଘଟଣା ଘଟିଛି। ମୃତ ଯୁବକ ହେଲେ ଦୀପକ ପୁଟେଲ(୨୫)। ମୃତ ଦୀପକଙ୍କ ସାନ ବିଶ୍ୱଜିତ୍‌(୧୪) ବିଷ ପିଇ ଦେଇଥିବା ସୂଚନା।

ସୂଚନା ଅନୁସାରେ, ଗତକାଲି ସନ୍ଧ୍ୟାରେ ଦୀପକ ଝାଙ୍କ୍ରିପାଲି ଗାଁ ନିକଟରେ ଥିବା ଛେଲିଆମାଲ ଡ୍ୟାମକୁ ମାଛ ଧରିବାକୁ ଯାଇଥିଲେ। ପାଣି ଭିତରେ ପଶି ମାଛ ମାରୁଥିବା ସମୟରେ ଆଉ ବାହାରକୁ ବାହାରି ପାରିନଥିଲେ। ଆଜି ତାଙ୍କ ଶବ ପାଣିରେ ଭାସୁଥିବା ଦେଖିବାକୁ ମିଳିଥିଲା। ସ୍ଥାନୀୟ ଲୋକ ମୃତଦେହ ଉଦ୍ଧାର ପୋଲିସକୁ ଖବର ଦେଇଥିଲେ। 

ବଡ ଭାଇ ଦୀପକଙ୍କ ମୃତ୍ୟୁ ଖବର ଶୁଣି ବିଶ୍ୱଜିତ୍‌ ଦୁଃଖରେ ଭାଙ୍ଗି ପଡ଼ିଥିଲେ। ଶେଷରେ ସେ ବିଷ ପିଇ ଦେଇଥିଲେ। ବିଶ୍ୱଜିତ୍‌ଙ୍କୁ ଗୁରୁତର ଅବସ୍ଥାରେ ପାଟଣାଗଡ ମେଡିକାଲ୍‌ରେ ଭର୍ତ୍ତି କରାଯାଇଛି।