ମେଡିକାଲ୍‌ର ଅବ୍ୟବସ୍ଥାର ଚିତ୍ର; ମୋବାଇଲ୍ ଲାଇଟ୍ ଓ ମହମବତୀ ଆଲୁଅରେ ପ୍ରସବ

ମେଡିକାଲ୍‌ରେ ଅବ୍ୟବସ୍ଥାର ଚିତ୍ର । ଜନନୀ ଯନ୍ତ୍ରଣା ସମୟରେ ବତି ଗୁଲ୍‌ । ମୋବାଇଲ୍ ଲାଇଟ୍ ଓ ମହମବତୀ ଆଲୁଅରେ ହେଲା ପ୍ରସବ । ଗଞ୍ଜାମ ଜିଲ୍ଲା ପୋଲସରା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରୁ ସାମ୍ନାକୁ ଆସିଛି ଏହି ଘଟଣା ।

ମେଡିକାଲରେ ବିଦ୍ୟୁତ ନଥିବାରୁ ଡାକ୍ତର ଏଭଳି ବିକଳ୍ପ ବ୍ୟବସ୍ଥା କରି ଚିକିତ୍ସା କରିଥିଲେ । ବିଦ୍ୟୁତ ଚାଲିଯିବା ପରେ ଜେନେରେଟର କିମ୍ବା ଇନଭଟର୍ ବ୍ୟବସ୍ଥା ମଧ୍ୟ ନଥିଲା । ଏହି କାରଣରୁ ଶେଷରେ ବାଧ୍ୟ ହୋଇ ମୋବାଇଲ ଓ ମହମବତୀ ଆଲୁଅରେ ଚିକିତ୍ସା କରାଯାଇଛି ।

ଏନେଇ ସେଠାକାର ଡାକ୍ତର କହିଛନ୍ତି ଯେ,ଏଭଳି ଅବ୍ୟବସ୍ଥାରେ ମଧ୍ୟ ରୋଗୀଙ୍କୁ ଚିକିତ୍ସା କରିବାକୁ ଆମେ ବାଧ୍ୟ ହେଉଛୁ ।

ଏହି ଘଟଣାକୁ ନେଇ ରୋଗୀ ଓ ସଂପର୍କୀୟଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା । ପ୍ରସୂତି ବିଭାଗ ୱାର୍ଡର ଏହି ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ ହୋଇଛି । ଯାହାକୁ ନେଇ ଲୋକେ ନିନ୍ଦା କରିବା ସହ ମେଡିକାଲ୍‌ ବ୍ୟବସ୍ଥାକୁ ନେଇ ବିଭିନ୍ନ ପ୍ରଶ୍ନ ଉଠିଛି ।