ବୋହୂ ଧାରଣା ଦେବାରୁ ଶାଶୂ ଆତ୍ମହତ୍ୟା କରିଥିବା ଅଭିଯୋଗ

ବୋହୂର ଧାରଣା ପରେ ଫିନାଇଲ ପିଇ ଶାଶୁ ମୃତ । ଗଂଜାମ ଜିଲ୍ଲା ଗଂଜାମ ଏନ୍ଏସି ଅନ୍ତର୍ଗତ ମଧ୍ୟଗଣ୍ଡ ସାହିରେ ଆଜି ଏଭଳି ଅଘଟଣ ଘଟିଛି । ମୃତ ମହିଳା ଜଣକ ହେଲେ ସୁଷମା ପଣ୍ଡା ।

୨୦୨୦ରେ ପୁଅକୁ ବାହା ଦେଇଥିଲେ ସୁଷମା । ହେଲେ ବିବାହର ମାତ୍ର ୧୦ ଦିନ ପରେ ପତ୍ନୀଙ୍କ ସହିତ କଜିଆ ଆରମ୍ଭ ହୋଇଥିଲା । ଏହା ପରେ ବୋହୂ ବାପ ଘରକୁ ଚାଲି ଯାଇଥିଲେ। ତେବେ ଏନେଇ ସୁଷମାଙ୍କ ବୋହୂ ସ୍ୱାମୀଙ୍କ ନାଁରେ ଥାନାରେ ଅଭିଯୋଗ ମଧ୍ୟ କରିଥିଲେ। ମାମଲା କୋର୍ଟରେ ବିଚାରାଧୀନ ରହିଛି ।

ହେଲେ ପାରିବାରିକ କଳହର ସମାଧାନ ହୋଇପାରି ନଥିବା ବେଳେ ଶନିବାର ଦିନ ସୁଷମାଙ୍କ ବୋହୂ ଘରେ ପହଞ୍ଚିଥିଲେ । ଗତକାଲି ମୃତ ମହିଳାଙ୍କ ଆଈଙ୍କ ସହ ସେ ଶାଶୂ ଘର ଆଗରେ ଧାରଣା ଦେଇଥିଲେ ।

ଏଥିପାଇଁ ଫିନାଇଲ ପିଇଦେଇଥିଲେ ସୁଷମା । ଆଉ ତା’ପରେ ସେ ଗୁରୁତର ହୋଇ ପଡିଥିଲେ । ତାଙ୍କୁ ତୁରନ୍ତ ବ୍ରହ୍ମପୁର ଏମକେସିଜି ମେଡିକାଲରେ ଭର୍ତ୍ତି କରଯାଇଥିଲା । ତେବେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି ।