• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Otv Khabar Bureau

ପକ୍ଷୀମାନେ ବିଦ୍ୟୁତ୍‌ ତାର ଉପରେ ବସିଥିବାର ତ ସମସ୍ତେ ଦେଖିଥାନ୍ତି । ଏହାକୁ ଦେଖି ଅନେକଙ୍କ ମଧ୍ୟରେ ପ୍ରଶ୍ନ ବି ଉଠିଥାଏ ଯେ, ପକ୍ଷୀଟି ବିଦ୍ୟୁତ୍‌ ତାର ଉପରେ ବସିବା ସତ୍ତ୍ୱେ ତାକୁ କାହିଁକି ଇଲେକ୍ଟ୍ରିକ୍ ସ୍‌କ୍ ଲାଗୁନାହିଁ ? ଆଖି ଚାରିପାଖରେ ଘଟୁଥିବା ପ୍ରତ୍ୟେକ କାର୍ଯ୍ୟକୁ ଆମେ ଦେଖିଥାଉ ହେଲେ ଆମେ ସେହି ନିର୍ଦ୍ଦିଷ୍ଟ ଜିନିଷ ପଛରେ ତର୍କ ଖୋଜିବା ଜରୁରୀ ମନେକରୁ ନଥାଉ । ତେବେ ଚାଲନ୍ତୁ ଜାଣିବା ବିଦ୍ୟୁତ୍ ତାରରେ ବସି ମଧ୍ୟ ପକ୍ଷୀଙ୍କୁ କାହିଁକି ଇଲେକ୍ଟ୍ରିକ୍ ସ୍‌କ୍ ଲାଗେନାହିଁ...

ସାଧାରଣତଃ ରାସ୍ତା ପାର୍ଶ୍ୱର ବିଦ୍ୟୁତ୍‌ ଖୁଣ୍ଟରେ ଲାଗିଥିବା ତାରରେ ଅନେକ ପକ୍ଷୀ ଆରାମରେ ବସିଥାନ୍ତି ହେଲେ ସେମାନେ କେବେବି କରେଣ୍ଟ ଦ୍ୱାରା ଆଘାତ ପାଇନଥାନ୍ତି । ଏହାକୁ ସମ୍ପୂର୍ଣ୍ଣ ରୂପେ ବୁଝିବାକୁ ହେଲେ ସର୍ବପ୍ରଥମେ ବିଦ୍ୟୁତ୍ ପ୍ରବାହର ନିୟମକୁ ବୁଝିବାକୁ ପଡିବ । ଏହି ତାରରେ ବିଦ୍ୟୁତ୍ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ପରିବହନ ହୋଇଥାଏ । ତାର ଗୁଡିକରେ ବିଦ୍ୟୁତ୍ ଶକ୍ତି ପ୍ରଭାବ ପାଇଁ ଏଥିରେ ତମ୍ବା ବ୍ୟବହୃତ ହୋଇଥାଏ ।

ସୂଚନା ଅନୁସାରେ, ପକ୍ଷୀଙ୍କ ଶରୀରରେ ଏପରି ଏକ କୋଷ ଏବଂ ଟିସୁ ରହିଛି ଯାହା ବିଦ୍ୟୁତ୍‌ ପ୍ରତିରୋଧ ସାଦୃଶ୍ୟ କାର୍ଯ୍ୟ କରିଥାଏ । ଫଳରେ ସେମାନେ ତାରରେ ବସିଲେ ମଧ୍ୟ ସେମାନଙ୍କୁ ଆଘାତ ଲାଗିନଥାଏ । ହେଲେ ଯଦି ତାରଗୁଡିକ ସ୍ପର୍ଶ ସମୟରେ ପକ୍ଷୀମାନେ ଭୂମି ସହ ସଂସ୍ପର୍ଶରେ ଆସନ୍ତି ତେବେ ସର୍ଟ ସର୍କେଟ୍ ହେବାସହ ପକ୍ଷୀଙ୍କୁ ଆଘାତ ଲାଗିବାର ସମ୍ଭାବନା ରହିଛ । ମଣିଷ ମାନଙ୍କ ସହ ମଧ୍ୟ ଏହି ସମାନ୍ ଘଟଣା ଘଟିଥାଏ । ଏକାସହ ତାର ଓ ଭୂମି ସଂସ୍ପର୍ଶରେ ଆସିବା ହେତୁ ଆମକୁ ବିଦ୍ୟୁତ୍ ଆଘାତ ଲାଗିଥାଏ ।