କିଏ ହେବେ ରାଜ୍ୟ ପୋଲିସର ପରବର୍ତ୍ତୀ ମୁଖିଆ ?

କିଏ ହେବେ ରାଜ୍ୟ ପୋଲିସର ପରବର୍ତ୍ତୀ ମୁଖିଆ ? ଓଡ଼ିଶାର ପରବର୍ତ୍ତୀ ପୋଲିସ୍ ଡିଜି ଦାୟିତ୍ୱ କାହାକୁ ମିଳିବ ? କିଏ ସମ୍ଭାଳିବେ ରାଜ୍ୟ ପୋଲିସ୍ ଦାୟିତ୍ୱ ? କାରଣ ଆସନ୍ତା ଡିସେମ୍ବର ୩୧ରେ ପୋଲିସ ଡିଜି ସୁନୀଲ ବଂଶଲ ଅବସର ନେବେ । ତେଣୁ ପରବର୍ତ୍ତୀ ଡିଜିପି କିଏ ହେବେ ତାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି ।

ପରବର୍ତ୍ତୀ ପୋଲିସ ଡିଜି ରେସରେ ସବୁଠୁ ଆଗରେ ରହିଛନ୍ତି ୧୯୮୯ ବ୍ୟାଚ୍ ମହିଳା IPS ବି.ରାଧିକା । ୧୯୮୮ ବ୍ୟାଚର ଆଇପିଏସ୍ ଅଫିସର ତଥା ଜେଲ୍ ଡିଜି ମନୋଜ ଛାବ୍ରା, ଗୃହ ବିଭାଗ ଓଏସଡି ଅରୁଣ କୁମାର ରାୟ ଓ  ବିଏସଏଫ୍-ଇଷ୍ଟର୍ଣ୍ଣ କମାଣ୍ଡ ସ୍ୱତନ୍ତ୍ର ଡିଜି ଵାଇ.ବି.ଖୁରାନିଆଙ୍କ ନାଁ ବି ଚର୍ଚ୍ଚାରେ ରହିଛି । ତେବେ ମହିଳା ବାଚସ୍ପତି ପରେ ମହିଳା ଅଧିକାରୀଙ୍କୁ ଡିଜିପି ଦାୟିତ୍ୱ ମିଳିପାରେ ବୋଲି କଳ୍ପନାଜଳ୍ପନା ହେଉଛି ।

୨୦୨୪ ନିର୍ବାଚନ ବର୍ଷ ଥିବାରୁ ଆଇନଶୃଙ୍ଖଳା ଓ ନିର୍ବାଚନ ପରିଚାଳନା ବେଶ୍ ଗୁରୁତ୍ୱପୂର୍ଣ୍ଣ ରହିବ । ଅଭିଜ୍ଞ ଓ ବରିଷ୍ଠ ଅଧିକାରୀଙ୍କୁ ଏଥିପାଇଁ ଦାୟିତ୍ୱ ମିଳିପାରେ ।