LIVE TV
ଶୁଖିଲା ପଡିଛି କେନାଲ..... ଟାଙ୍ଗରା ଚାଷଜମି... ଝାଉଁଳି ଗଲାଣି ଗଛବୃଚ୍ଛ.... ମୁନ୍ଦେ ପାଣି ପାଇଁ ଚାରିଆଡେ ହାହାକାର ପରିସ୍ଥିତି .... କଟକ ଜିଲ୍ଲା ନିଆଳୀ ଏବଂ କଂଟପଡା ବ୍ଲକରେ ଦେଖିବାକୁ ମିଳିଛି ଜଳ ସମସ୍ୟା । କେନାଲରେ ପାଣି ଆସୁନଥିବାରୁ ଜମି ଚାଷ କରିପାରୁନାହାନ୍ତି ଚାଷୀ । ଏଇ ଅଂଚଳରେ ଚାଷୀ ଡାଳୁଅ ଚାଷ କରୁଥିବାବେଳେ ଗଲା କେଇ ବର୍ଷ ହେଲା କେନାଲରେ ପାଣି ଆସୁନଥିବା ଅଭିଯୋଗ କରିଛନ୍ତି ଚାଷୀ ।
ଫଳରେ ଜଳସ୍ତର କମିଯିବା ସହ ଗାଡିଆ ପୋଖରୀ ଶୁଖି ଯାଇଛି, ନଳକୂଅରୁ ପାଣି ବାହାରୁନଥିବା ଅଭିଯୋଗ କରିଛନ୍ତି ଲୋକେ। ଉତ୍କଟ ଖରା ପୂର୍ବରୁ ପାଣିର ବ୍ୟବସ୍ଥା କରିବାକୁ ଦାବି ହୋଇଛି । ସେପଟେ ଏନେଇ ଜଳସଂପଦ ଉପଖଣ୍ଡ ଅଧିକାରୀଙ୍କ ପ୍ରତିକ୍ରିୟା ମିଳିପାରିନି।...
Also Read
ସେହିପରି ପୁରୀ ଜିଲ୍ଲା ନିମାପଡା ବ୍ଲକ ତିହୁଳା ଗାଁରେ ବି ପାଣି ପାଇଁ ତ୍ରାହିତ୍ରାହି ଡାକିଲେଣି ଲୋକେ । ଗାଁରେ ୪ଶହ ପରିବାର ଥିବାବେଳେ ନଳକୂଅ ଅଚଳ, ପୋଖରୀ ଶୁଖିଲା ପଡିଥିବାରୁ ପାଣି ପାଇପାରୁନାହାନ୍ତି ଲୋକେ। ପାଣି ଯୋଗାଇବା ପାଇଁ ଗ୍ରାମୀଣ ପାନୀୟ
ଜଳଯୋଗାଣ ବିଭାଗ ଦ୍ୱାରା ଗାଁରେ ଏକ ପାଣି ଟାଙ୍କି ନିର୍ମାଣ କରାଯିବା ସହ ପ୍ରତ୍ୟେକ ଘରକୁ ପାଇପ ସଂଯୋଗ କରାଯାଇଛି । ହେଲେ ବିଦ୍ୟୁତ ସଂଯୋଗ ନଥିବାରୁ ଏହା କାର୍ଯ୍ୟକ୍ଷମ ହୋଇପାରୁନି । ଏଣୁ ଗାଁର ଜଣେ ଚାଷୀଙ୍କ ବୋରିଂରୁ ପାଣି ଆଣି ଚଳୁଛନ୍ତି ଗ୍ରାମବାସୀ । ସେପଟେ ଖୁବ ଶୀଘ୍ର ଅସ୍ଥାୟୀ ବିଦ୍ୟୁତ ସଂଯୋଗ ଆଣି ପିଇବା ପାଣି ଯୋଗାଣ କରାଯିବ ବୋଲି ଅଧିକାରୀ କହିଛନ୍ତି । ...
ଅନ୍ୟପଟେ କଟକ ଜିଲ୍ଲା ମାହାଙ୍ଗା ବ୍ଲକ ସିପୁର ଅଂଚଳରେ ମଧ୍ୟ ସମାନ ଚିତ୍ର ଦେଖିବା ପାଇଁ ମିଳିଛି । ଏଠି ଏଇ ଗୋଟିଏ ନଳକୂଅ ଉପରେ ନିର୍ଭରଶୀଳ ୪ଟି ୱାର୍ଡର ଲୋକେ। ସକାଳୁ ସଂଜ ଯାଏ ଏଠି ନଳକୂଅକୁ ଯେମିତି ଫୁରସତ୍ ହିଁ ନାହିଁ । ନିତ୍ୟ ବ୍ୟବହାର୍ଯ୍ୟ ପାଣି ପାଇଁ ଏଠି ସବୁବେଳେ ଭିଡ଼ ଜମୁଛି । ଗାଁରେ ବି ଅଛି ପାନୀୟ ଜଳ ପ୍ରକଳ୍ପ, ସରକାରୀ ନଳକୂଅ । ହେଲେ ସେଥିରୁ ବାହାରୁଛି ହଳଦିଆ ପାଣି । ଏଣୁ ଏହି ବ୍ୟକ୍ତିଗତ ନଳକୂଅରୁ ଲୋକେ ପାଣି ନେଉଥିବା କହିଛନ୍ତି । ତେଣେ ବିଡିଓ କହିଛନ୍ତି, ସମସ୍ୟାର ସମାଧାନ ଶୀଘ୍ର କରାଯିବ। ....
