ବ୍ଲକ ଉପାଧ୍ୟକ୍ଷଙ୍କ ମହାନତା; ଅପରିଷ୍କାର ଅମୃତଧାରାକୁ ନିଜ ହାତରେ ସଫା କଲେ

ବ୍ଲକ ଉପାଧ୍ୟକ୍ଷଙ୍କ ମହାନତା । ନିଜ ହାତରେ ନିଜେ ସଫାକଲେ ଅମୃତଧାରା । ଦୀର୍ଘଦିନରୁ ଅଚଳ ଓ ମଇଳା ଆବର୍ଜନା ହୋଇ ପଡି ରହିଥିବା ଅମୃତଧାରାକୁ ନିଜ ହାତରେ ସଫେଇ କରିବା ସହ ତାକୁ ସଚଳ କରାଇଛନ୍ତି । ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଉପାଧ୍ୟକ୍ଷ ଦେଖାଇଛନ୍ତି ଏଭଳି ମହନୀୟତା ।

ବୀରମହାରାଜପୁର ମୁଖ୍ୟ ଛକରେ ଥିବା ଅମୃତଧାରା ଥଣ୍ଡା ପାନୀୟ ଜଳ ପ୍ରକଳ୍ପଟି ଦୀର୍ଘଦିନରୁ ଅଚଳ ହୋଇ ପଡିରହିଥିଲା । ଏବେ ଖରାଦିନ ଆରମ୍ଭ ହୋଇଯିବା ସହ ଜଳକଷ୍ଟ ଦେଖାଦେଲାଣି । ଏଣୁ ବୀରମହାରାଜପୁରକୁ ଆସୁଥିବା ଲୋକେ କିଭଳି ଥଣ୍ଡା ପାନୀୟ ଜଳ ମୁନ୍ଦାଏ ପାଇବେ, ସେନେଇ ପ୍ରାଥମିକତା ଦେଇଛନ୍ତି ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା ।

ନାରାୟଣ ଲୁହାଂକ ପତ୍ନୀ ଶାନ୍ତି ଲୁହା ଏଥର ବ୍ଲକ ଅଧ୍ୟକ୍ଷା ହୋଇଛନ୍ତି । ଉତ୍କଳ ଦିବସ ଅବସରରେ ଏଭଳି ଏକ ମହତ କାମ ହାତକୁ ନେଇଛନ୍ତି ବ୍ଲକ ଉପାଧ୍ୟକ୍ଷ ନାରାୟଣ ଲୁହା । ନିଜ ହାତରେ ମଇଳା ସଫା କରିବା ସହ ଏହାକୁ ଆଜିଠାରୁ କାର୍ଯ୍ୟକ୍ଷମ କରାଇଛନ୍ତି । ନାରାୟଣଙ୍କ ଏଭଳି କାର୍ଯ୍ୟକୁ ବିଭିନ୍ନ ମହଲରେ ପ୍ରଶାଂସା କରାଯାଇଛି।

ରିପୋର୍ଟର- ରବିନ୍ଦ୍ର ହୋତା