ଭୋଟ୍‌କୁ ଦେଖି ମାଳ ମାଳ କ୍ୟାବିନେଟ୍ ନିଷ୍ପତ୍ତି, ତଥାପି ଅସନ୍ତୁଷ୍ଟ ଶିକ୍ଷା ଓ ଅନ୍ୟ ବିଭାଗ କର୍ମଚାରୀ

ଭୋଟ୍ ବେଳ ଯେତିକି ପାଖୋଉଛି, ରାଜ୍ୟ ସରକାର ଗୋଟିଏ ପରେ ଗୋଟିଏ ବିଭାଗର କର୍ମଚାରୀଙ୍କୁ ଖୁସ୍ କରିବାକୁ ନୂଆ ଘୋଷଣା ପରେ ଘୋଷଣା କରି ଚାଲିଛନ୍ତି। କାହାର ଦରମା ବୃଦ୍ଧି ହେଉଛି ତ କାହାର ପାହ୍ୟା। ତା ସତ୍ତ୍ୱେ ବି ରାଜଧାନୀ ରାଜରାସ୍ତାରେ ଥମିନି ଆନ୍ଦୋଳନ। ଏଇ ଯେମିତି ଓଡ଼ିଶା ଭେଟେରାନ୍ ସୋଲଜର୍ସ ଆସୋସିଏସନ। ଶହ ଶହ ସଂଖ୍ୟାରେ ଅବସରପ୍ରାପ୍ତ ସୈନିକ ଆଜି ଲୋୟର ପିଏମଜିରେ ପ୍ଲାକାର୍ଡ ଓ ବ୍ୟାନର ଧରି ଶୋଭାଯାତ୍ରା କରିଥିଲେ, ସେମାନଙ୍କ ଦାବି- ଅବସର ପରେ ମିଳୁ ୫ ଏକର ଜମି ଓ ଯୋଗ୍ୟତା ଅନୁସାରେ ଚାକିରି ସହ ପ୍ରତି ଜିଲ୍ଲାରେ ନିର୍ମାଣ ହେଉ ସଂଘ କାର୍ଯ୍ୟାଳୟ।

Also Read

ପାଦର ସ୍ପର୍ଶରେ ଜୀବନ ପାଉଛି ଚିତ୍ରକଳା

Read More

ମାଳ ମାଳ କ୍ୟାବିନେଟ୍ ନିଷ୍ପତ୍ତି: ତଥାପି ଅସନ୍ତୁଷ୍ଟ ଶିକ୍ଷା ଓ ଅନ୍ୟ ବିଭାଗ କର୍ମଚାରୀ

Read More

ଅର୍ଥ ବାଧକ ସତ୍ତ୍ବେ ହାରିନି ଅଦମ୍ୟ ଇଚ୍ଛାଶକ୍ତି; ପାଦ ସ୍ପର୍ଶରେ ଜୀବନ ପାଉଛି ଚିତ୍ରକଳା

Read More

ସେମିତି ବିଧାନସଭା ଆଗରେ ଟେଣ୍ଟ ତଳେ ଗର୍ଜୁଛନ୍ତି ବେସରକାରୀ ଅନୁଦାନ ଓ ଅଣ ଅନୁଦାନପ୍ରାପ୍ତ କଲେଜ୍ ଟିଚିଂ ଆଣ୍ଡ ନନ୍ ଟିଚିଂ ଏମ୍ପ୍ଲଇଜ୍ ଆସୋସିଏସନ। ୨୦୦୮ରୁ ୨୦୧୩ ମଧ୍ୟରେ କଲେଜ ପରିଚାଳନା କମିଟି ଦ୍ୱାରା ନିଯୁକ୍ତି ପାଇଥିବା ପ୍ରାୟ ୩ ହଜାର କର୍ମଚାରୀଙ୍କୁ ସରକାରୀ ଅନୁଦାନ ପରିସରଭୁକ୍ତ କରିବାକୁ ଚାଲିଛି ଆନ୍ଦୋଳନ। ୧୬ ବର୍ଷ ଧରି ସେମାନଙ୍କ ଦାବି ସରକାର ଶୁଣୁ ନ ଥିବାରୁ ଆଗକୁ ଆନ୍ଦୋଳନ ଦୁର୍ବାର କରିବାକୁ ସଂଘ ଦେଇଛି ଧମକ।

ସେପଟେ ଗତକାଲି ପେନସନ୍ ପାଉନଥିବା ସମସ୍ତ କର୍ମଚାରୀଙ୍କୁ ଏକକାଳୀନ ଅଧ୍ୟାପକ ଓ ଶିକ୍ଷକଙ୍କୁ ୬ ଲକ୍ଷ ଓ ଅଣ ଶିକ୍ଷକଙ୍କୁ ୪ ଲକ୍ଷ ଟଙ୍କା ଲେଖାଏଁ ଦେବାକୁ କ୍ୟାବିନେଟର ନିଷ୍ପତ୍ତିକୁ ଖୋଲାଖୋଲି ବିରୋଧ କରିଛି ଅଲ୍ ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ - ଓଷ୍ଟା। ସଂଘ କହିଛି- ଏକକାଳୀନ ନୁହେଁ, ସମସ୍ତଙ୍କୁ ମାସିକ ପେନସନ୍ ଦିଆଯାଉ। ସେହିପରି ଅନୁଦାନ ଓ ଅଣ-ଅନୁଦାନପ୍ରାପ୍ତ ପ୍ରାଥମିକ ସ୍କୁଲର ଅବସରପ୍ରାପ୍ତ ଶିକ୍ଷକମାନେ ମଧ୍ୟ ଗତକାଲିର କ୍ୟାବିନେଟ୍ ନିଷ୍ପତ୍ତିକୁ ବିରୋଧ କରିଛନ୍ତି। ସେମାନଙ୍କ ଏ ଆନ୍ଦୋଳନ ଆଗକୁ ଜାରି ରହିବ। ଦାବି ପୂରଣ ନ ହେଲେ ଆଗାମୀ ବିଧାନସଭା ନିର୍ବାଚନରେ ଶାସକ ଦଳ ବିରୋଧରେ ସବୁଠି ପ୍ରାର୍ଥୀ ଦେବାକୁ ବି ଏ ସଂଘ ଧମକ ଦେଇଛି।

ଗୋଟିଏ ପଟେ ରାଜ୍ୟ ସରକାର ଅଧ୍ୟାପକ ଓ ଶିକ୍ଷକଙ୍କ ପାଇଁ ଅନେକ ପଦକ୍ଷେପ ନେଇଥିବା କଥା ଖୋଦ୍ ଉଚ୍ଚଶିକ୍ଷା ମନ୍ତ୍ରୀ କହୁଥିବାବେଳେ, ବିରୋଧୀଙ୍କ ଆକ୍ଷେପ ଭୋଟ୍ ପୂର୍ବରୁ ମାଳ ମାଳ କ୍ୟାବିନେଟ୍ ମୋହର ସତ୍ତ୍ୱେ ସରକାର ଲୋକଙ୍କ ବିଶ୍ୱାସଭାଜନ ହୋଇ ପାରୁନାହାନ୍ତି।