LIVE TV
ବିଶ୍ୱାସେ ମିଳଇ ପ୍ରଭୁ ତର୍କେ ବହୂ ଦୂର । ଶ୍ରଦ୍ଧାଳୁ ଅର୍ପଣ କରୁଥିବା ଲଡ଼ୁ ଖାଉଛନ୍ତି ବଜରଙ୍ଗବାଲୀ ହନୁମାନ୍ । ଆଶ୍ଚର୍ଯ୍ୟ ଲାଗୁଥିଲେ ବି କଥାଟି ନିରାଟ ସତ । ଯମୁନା ନଦୀ କୂଳରେ ଥିବା ଏକ ହନୁମାନ ମନ୍ଦିରକୁ ନେଇ ଏବେ ଚାରିଆଡ଼େ ଚର୍ଚ୍ଚା । କାରଣ ମନ୍ଦିରରେ ପୂଜା ପାଉଥିବା ହନୁମାନଙ୍କ ମୂର୍ତ୍ତିର ପାଟିରେ ଲଡୁ ଦେଲେ, ସେ ତୁରନ୍ତ ଖାଇ ଦେଉଥିବା ଦେଖାଯାଇଛି । ଭିଡିଓଟି ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି ।
ପବନପୁତ୍ରଙ୍କ ମହିମା ଶୁଣି ଦୂରଦୁରାନ୍ତରରୁ ଏଠାକୁ ଛୁଟି ଆସନ୍ତି ଭକ୍ତ । ଆଉ ଖୁବ୍ ଶ୍ରଦ୍ଧାରେ ଭକ୍ତମାନେ ହନୁମାନଙ୍କୁ ଲଡ଼ୁ ଅର୍ପଣ କରନ୍ତି । ହନୁମାନ ଜୟନ୍ତୀ ଅବସରରେ ଏଠାରେ ଏକ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜିତ ହୁଏ । ବର୍ଷ ସାରା ମନ୍ଦିରରେ ଲୋକଙ୍କ ଗହଳି ଦେଖିବାକୁ ମିଳେ । ଏଠାରେ ହନୁମାନଙ୍କ ପୂଜା କଲେ ସବୁ ମନୋସ୍କାମନା ପୂର୍ଣ୍ଣ ହୁଏ ବୋଲି ଭକ୍ତଙ୍କ ବିଶ୍ୱାସ ରହିଛି । ଏବେ ସୋସିଆଲ ମିଡିଆରେ ଭାଇରାଲ ହେଉଥିବା ଦୃଶ୍ୟକୁ ନେଇ ଏବେ ସବୁଠି ଚର୍ଚ୍ଚା ଆରମ୍ଭ ହୋଇଛି ।
#ଲଡୁ_ଖାଇଲେ_ହନୁମାନ
— ଓଟିଭି (@otvkhabar) October 3, 2022
ଭକ୍ତିର ସହ ହନୁମାନଙ୍କୁ ଲଡୁ ଦେଲେ ଭକ୍ତ। ବାସ୍ ଲଡୁ ପାଇବା ପରେ ଏମିତି ଖାଇଲେ ହନୁମାନ। ସୋସିଆଲ ମିଡିଆରେ ଭାଇରାଲ ହେଲା ଭିଡିଓ#SpecialStory #India #OTV pic.twitter.com/oNJeJF7yId
ତେବେ ସ୍ପଷ୍ଟ ଭାବରେ ଆମେ କହିରଖୁଛୁ କି କୌଣସି ଅନ୍ଧବିଶ୍ୱାସକୁ ଆମେ ପ୍ରୋତ୍ସାହନ ଦେଉନାହିଁ । ଆପଣମାନେ ବି ଅନ୍ଧବିଶ୍ୱାସକୁ ବିଶ୍ୱାସ କରନ୍ତୁ ନାହିଁ । ଏହି ଭିଡିଓ କେବଳ ସୋସିଆଲ ମିଡିଆରେ ଭାଇରାଲ୍ ହେଉଛି ।
