ରିକ୍ସାକୁ ମିନି ଗାର୍ଡେନରେ ପରିଣତ କଲେ ଚାଳକ

ଦେଶର ବିଭିନ୍ନ ସ୍ଥାନରେ ଅସହ୍ୟ ଗ୍ରୀଷ୍ମ ପ୍ରଭାବ ପରିଲିକ୍ଷିତ ହେଉଛି । ଗରମରୁ ମୁକ୍ତି ପାଇବା ପାଇଁ ଲୋକେ ବିଭିନ୍ନ ବିକଳ୍ପ ଆପଣାଉଛନ୍ତି । ବିଶେଷ କରି ଘରୁ ବାହାରିବାବେଳେ କିଏ ଛତାକୁ ତ କିଏ ଗାମୁଛା ବା ସ୍କ୍ରାପ୍ଟ୍ର ସହାୟତା ନେଉଛନ୍ତି । ଏହିପରି ଜଣେ ରିକ୍ସା ଚାଳକ ମଧ୍ୟ ଏକ ନିଜ ଯାତ୍ରୀଙ୍କ ପାଇଁ ବିକଳ୍ପ ଉପାୟ ଆପଣାଇଛନ୍ତି ଯାହା ଟିକେ ଭିନ୍ନ ଅଟେ ।

ନିଜକୁ ତଥା ନିଜ ଗାଡିରେ ଯାଉଥିବା ଯାତ୍ରୀଙ୍କୁ ଖରା ଦାଉରୁ ରକ୍ଷା କରିବା ପାଇଁ ସେ ଏକ ନିଆରା ପନ୍ଥା ଆପଣାଇଛନ୍ତି । ଯାହାକୁ ନେଇ ସେ ଖୁବ୍ ଚର୍ଚ୍ଚାରେ ଅଛନ୍ତି । କେବଳ ଏତିକି ନୁହେଁ ତାଙ୍କ ରିକ୍ସାର କିଛି ଫଟୋ ମଧ୍ୟ ସୋସିଆଲ୍‌ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି ।

ଟ୍ୟୁଇଟରରେ ସେୟାର ହୋଇଥିବା ତାଙ୍କର ଏହି ଫଟୋକୁ ବର୍ତ୍ତମାନ ସୁଦ୍ଧା ପ୍ରାୟ ୨୧,୦୦୦ରୁ ଉର୍ଦ୍ଧ୍ୱ ଲାଇକ ଆସିଥିବାବେଳେ ୨୦୦ରୁ ଅଧିକ ରିଟ୍ୟୁଇଟ୍ ହୋଇଛି ।

This Indian 🇮🇳 man grew grass on his rickshaw to stay cool even in the heat. Pretty cool indeed! pic.twitter.com/YnjLdh2rX2

— Erik Solheim (@ErikSolheim) April 4, 2022

ଫଟୋରେ ରିକ୍ସା ଚାଳକ ନିଜ ଗାଡିରେ ବସିଥିବାର ଦେଖିବାକୁ ମିଳିଛି । ଏବଂ ସେହି ଗାଡିର ଛାତଟି ଘାସରେ ଅଚ୍ଛାଦିତ ହୋଇଛି । ଗାଡିର ଉଭୟ ପାଶ୍ୱର୍ରେ କିଛି ଛୋଟ ଗଛର କୁଣ୍ଡ ମଧ୍ୟ ଲାଗିଛି । ତେବେ ରିକ୍ସା ଚାଳକ ଜଣକ ନିଜର ଏହି ଛୋଟ ପ୍ରୟାସ ଜରିଆରେ ବିଭିନ୍ନ ଲୋକଙ୍କ ହୃଦୟ କିଣିପାରିଛନ୍ତି ।