LIVE TV
ସାଧାରଣତଃ ଅନେକ ଲୋକ ଅଛନ୍ତି ଯେଉଁମାନେ ଟାଟୁ କରିବାକୁ ପସନ୍ଦ କରନ୍ତି । ଏମିତିକି ଏବେ ଟାଟୁ କରିବା ସମାଜରେ ଏକ ପ୍ରକାରର ଟ୍ରେଣ୍ଡ୍ ପାଲଟିଲାଣି । କିଏ ହାତରେ ତ କିଏ କାନ୍ଧରେ ତ ଆଉ କିଏ ଗୋଡ ପରି ଶରୀରର ବିଭିନ୍ନ ସ୍ଥାନରେ ଲୋକେ ଟାଟୁ କରିଥାନ୍ତି ।
କିଛି ଟାଟୁ ସୌକିନ୍ର ଲୋକ ଅଠନ୍ତି ଯେଉଁମାନେ ଶରୀରର ବିଭିନ୍ନ ସ୍ଥାନରେ ଟାଟୁ କରିଛନ୍ତି । ପ୍ରାୟ ଲୋକ ମୁହଁରେ ଟାଟୁ କରୁଥିବାବେଳେ କିଛି ଏମିତି ବି ଲୋକ ଅଛନ୍ତି ଯେଉଁମାନେ ନିଜ ପ୍ରାଇଭେଟ୍ ପାର୍ଟରେ ଟାଟୁ କରିଥାନ୍ତି । ହେଲେ ଏବେ ଟାଟୁକୁ ନେଇ କିଛି ନିଆରା ଘଟଣା ଦେଖିବାକୁ ମିଳିଛି । ଜଣେ ମଣିଷ ନିଜ ଆଖିରେ ଟାଟୁ କରିଛନ୍ତି । କଥାଟି ଟିକେ ଅଡ଼ୁଆ ଲାଗୁଥିଲେ ବି ଏହା ସତ ।
ସ୍ୱିଜରଲ୍ୟାଣ୍ଡରେ ରହୁଥିବା ଜଣେ ୪୪ ବର୍ଷର ବ୍ୟକ୍ତି ଆଣ୍ଡ୍ରିଆସ୍ ଷ୍ଟାଉଫିଗର (Andreas Stauffiger)ଙ୍କ ବଡ଼ ସୌଉକ ହେଉଛି ଟାଟୁ ବନାଇବା । ସେ ବର୍ତ୍ତମାନ ଅଗ୍ନିଶମ ବିଭାଗରେ କାର୍ଯ୍ୟରତ । ହେଲେ ୧୮ ବର୍ଷର ହୋଇଥିବାବେଳେ ସେ ତାଙ୍କ ଶରୀରରେ ପ୍ରଥମେ ଟାଟୁ ବନାଇଥିଲେ । ଯାହା ପରେ ବର୍ତ୍ତମାନ ସୁଦ୍ଧା ତାଙ୍କ ଶରୀରରେ ସେ ମୋଟ ୬୦ଟି ଟାଟୁ ବନାଇଛନ୍ତି ।
Also Read
ହେଲେ ଏବେ ଆଣ୍ଡ୍ରିଆସ୍ ଏକ ଟାଟୁ କରିଛନ୍ତି ଯାହା ଅତ୍ୟନ୍ତ ଆଶ୍ଚର୍ଯ୍ୟଜନକ ଅଟେ । କାରଣ ଏହି ଟାଟୁକୁ ଦେଖିବା ମାତ୍ରେ ସମସ୍ତେ ନିଶ୍ଚିତ ରୂପେ ତାବୁଜ ହୋଇଯିବେ ।
ଆଖିରେ ଟାଟୁ
ଡେଲି ଷ୍ଟାର୍ ନାମକ ଏକ ନ୍ୟୁଜ୍ ଏଜେନ୍ସିର ରିପୋର୍ଟ ଅନୁଯାୟୀ, ଆଣ୍ଡ୍ରିଆସ୍ ନିଜ ଆଖିର ଧଳା ଅଂଶରେ ଟାଟୁ ବନାଇଛନ୍ତି । ଏଥିପାଇଁ ସେ ସ୍ଲେରାଲ୍ ଟାଟୁ (scleral tattooing) କରିଛନ୍ତି । ଏହି ଟାଟୁ କରିବା ପାଇଁ ସେ ନିଜ ଆଖିକୁ ଇଞ୍ଜେକ୍ସନ୍ ମାଧ୍ୟମରେ ରଙ୍ଗିନ୍ କରିଛନ୍ତି । ଏହା କରିବା ଅତ୍ୟାଧିକ ବିପଦପୂର୍ଣ୍ଣ ହେଲେ ଏନେଇ ଯୁବକ ଜଣକ କହିଛନ୍ତି ଯେ, ଏହି ଟାଟୁ କରିବା ସମୟରେ ସେ କୌଣସି କଷ୍ଟ କି ଯନ୍ତ୍ରଣା ଅନୁଭବ କରିନାହାଁନ୍ତି । ସେ ନିଜ ଆଖିର ଧଳା ଅଂଶକୁ ଟାଟୁ ଦ୍ୱାରା ସବୁଜ ଓ ବାଇଗିଣି ରଙ୍ଗର କରିଛନ୍ତି ।
ଏହାସହ ସେ କହିଛନ୍ତି ଯେ, ଆଖିରେ ଟାଟୁ କରିବାର ମାତ୍ର କିଛି ଦିନ ପରେ ତାଙ୍କ ମୁଣ୍ଡ ବିନ୍ଧିବା ଆରମ୍ଭ ହୋଇଥିଲା । ହେଲେ ତାହା ମଧ୍ୟ ୩ ଦିନରେ ଠିକ୍ ହୋଇଯାଇଥିଲା ।
ଜିଭରେ ଟାଟୁ
ଆଣ୍ଡ୍ରିଆସ୍ କହିଛନ୍ତି ଯେ, ‘ଟାଟୁ କରିବା ପରେ ଆଖିରେ ପୋଡାଜଳା ହେବା ସହ ଆଖିରେ ବାଲି ପଡ଼ିବା ଭଳି ଅନୁଭବ ହୋଇଥାଏ । ଯାହା ପରେ ସମ୍ପୂର୍ଣ୍ଣ ଭାବରେ ଆଖି ଠିକ୍ ହେବାକୁ ପ୍ରାୟ ୧ ମାସର ସମୟ ଲାଗିଥାଏ । ଥରେ ଆଖିର ଧଳା ଅଂଶରେ ଇଙ୍କ୍ ତଥା ରଙ୍ଗ ଲଗାଇଲେ ତାକୁ କେବେ ହେଲେ ପୂର୍ବ ପରି ଧଳା କରିହେବନାହିଁ । ହେଲେ କିଛି ଦିନ ବିତିବା ପରେ ଆଖିରେ ହୋଇଥିବା ଟାଟୁର ରଙ୍ଗ ହାଲୁକା ହେବାକୁ ଲାଗୁଛି । ତେଣୁ ଆଉଥରେ ଟାଟୁରେ ରଙ୍ଗ ଭରିବାକୁ ପଡିବ’ ।
କେବଳ ଆଖି ନୁହେଁ ଆଣ୍ଡ୍ରିଆସ୍ ଜିଭରେ ମଧ୍ୟ ଟାଟୁ କରିବାର ଯୋଜନା କରୁଛନ୍ତି ।
