ଅକ୍ଷୟ ତୃତୀୟାରେ ଆସନ୍ତି, ଦୀପାବଳିରେ ବାହୁଡ଼ି ଯାଆନ୍ତି

ଆକାଶର ଛାତି ଚିରି ଗାଁକୁ ଆସନ୍ତି ବିଦେଶୀ ଅତିଥୀ ।  ବର୍ଷ ବର୍ଷ ଧରି ଅକ୍ଷୟ ତୃତୀୟାରେ ଆସନ୍ତି, ଦୀପାବଳିରେ ବାହୁଡି ଯାଆନ୍ତି... ଆଉ ଏହି ସମୟ ମଧ୍ୟରେ ବଂସବିସ୍ତାର କରିବା ସହିତ ଗାଁ ଲୋକଙ୍କ ପାଇଁ ଅତିଥି ସାଜନ୍ତି । ଗୋଟିଏ କି ଦୁଇଟି ନୁହେଁ ଦଳ ଦଳ ହୋଇ ଆସନ୍ତି । ସେମାନେ ଅସିଛନ୍ତି ବୋଲି ଏବେ ଗାଁରେ ଖୁସିର ମାହୋଲ । ବରଗଡ ଜିଲ୍ଲାର ଅନ୍ତପାଲି,କର୍ଲାଜୁରୀ, ବାଲିଜୋରୀ, କେନ୍ଦମୁଣ୍ଡି ଏବଂ ଏହାର ଆଖପାଖ ଗାଁରେ ଏବେ ପ୍ରତି ଗଛରେ ବସା ଅକ୍ଷୟ ତୃତୀୟାରେ ଆସନ୍ତି, ଦୀପାବଳିରେ ବାହୁଡ଼ି ଯାଆନ୍ତି ।

ଏମିତି ଗଲା ଅକ୍ଷୟ ତୃତୀୟାରୁ ଆସିଛନ୍ତି, ଏବେ କିନ୍ତୁ ଗାଁ ଲୋକଙ୍କ ସ୍ନେହ ଯତ୍ନ ଓ ସୁରକ୍ଷା ପାଇଁ ଏତେ ଦିନ ଧରି ରହିଯାଇଛନ୍ତି । ସୁଦୁର ସାଇବେରିଆନରୁ ଚିଲିକାକୁ ଆସୁଥିବା ଏହି ବିରଳ ପକ୍ଷୀ ଏବେ ବରଗଡ଼ ଜିଲ୍ଲାର ବିଭିନ୍ନ ଗାଁକୁ ଆସୁଛନ୍ତି । କାହିଁ କେଉଁ ଆବାହନମାନ କାଳରୁ ବରଗଡ଼ର କୁର୍ଲାଜୁରୀ , ଅନ୍ତପାଲି, ବାଲିଜୋରୀ, କେନ୍ଦମୁଣ୍ଡି ପରି ଗାଁ କୁ ଏହି ପକ୍ଷୀ ମାନେ ନିୟମିତ ଭାବେ ଆସିଥାନ୍ତି ।

ଏହି ଗାଁର ଅନୁକୂଳ ପରିବେଶ ପକ୍ଷୀଙ୍କୁ ଖାଦ୍ୟ ଓ ସୁରକ୍ଷା ଯୋଗାଉଥିବାରୁ ସାଇବେରିଆନ୍ ଅଂଚଳରୁ ବହୁ ସଂଖ୍ୟାରେ ପକ୍ଷୀଙ୍କ ସୁଅ ଛୁଟିଥାଏ । ଗ୍ରାମବାସୀଙ୍କ ପାଇଁ ଶୁଭଙ୍କର ଅଟନ୍ତି ଏହି ଭ୍ରମଣକାରୀ ପକ୍ଷୀ । ଏମାନଙ୍କ ଆଗମନକୁ ଗାଁ ଲୋକେ ଚାହିଁ ବସିଥାନ୍ତି, କାରଣ ଏମାନେ ଆସିଲେ ଗାଁରେ ଭଲ ବର୍ଷା ହୁଏ ଆଉ ଯେଉଁ ବର୍ଷ ଏମାନେ ନ ଆସନ୍ତି ସେ ବର୍ଷ ମରୁଡ଼ି ଭଳି ପରିସ୍ଥିତି ସୃଷ୍ଟି ହେଉଥିବାର ନଜିର ଥିବା କୁହନ୍ତି ଗାଁ ଲୋକେ ।

ଦିନରେ ପକ୍ଷୀଙ୍କ ଗଣନା ଓ ଏହି ଗ୍ରାମଗୁଡ଼ିକୁ ସ୍ୱତନ୍ତ୍ର ଭାବେ ସରକାରଙ୍କ ତରଫରୁ ଧ୍ୟାନଦେଲେ ବିଦେଶୀପକ୍ଷୀଙ୍କ ସଂଖ୍ୟା ବଢ଼ିବା ସହ ପର୍ଯ୍ୟଟନର ମଧ୍ୟ ବିକାଶ ହେବାର ଯଥେଷ୍ଟ ସମ୍ଭାବନା ରହିଛି ..

OTV is now on Whatsapp

Join and get latest news update delivered to you via whatsapp

Join Now