ସକାଳୁ ସକାଳୁ ଜଳେଶ୍ୱର ବିଡିଓଙ୍କ ଘରେ ପଶିଲା ଭିଜିଲାନ୍ସ

ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଜଳେଶ୍ୱର ବିଡିଓଙ୍କ ଘରେ ଭିଜିଲାନ୍ସ ରେଡ୍‌ ହୋଇଛି।  କଟକ ଡିଭିଜନର ଭିଜିଲାନ୍ସର ୬ ଜଣିଆ ଟିମ୍‌ ଅଶ୍ୱିନୀ କୁମାର ଦାସଙ୍କ ସରକାରୀ ବାସଭବନରେ ରେଡ୍‌ କରିଛି। ଭିଜିଲାନ୍ସ ଡିଏସ୍‌ପି ସୋମନାଥ ବାରିକଙ୍କ ନେତୃତ୍ୱରେ ୬ ଜଣିଆ ଟିମ୍‌ ଆଜି ଭୋର ସମୟରେ ଜଳେଶ୍ୱରରେ ଚଢ଼ାଉ କରିଥିବା ସୂଚନା ମିଳିଛି।

ଏକକାଳୀନ ୬ଟି ସ୍ଥାନରେ ଚଢ଼ଉ ହୋଇଥିବା ଜଣାପଡ଼ିଛି। ଅଶ୍ୱିନୀ କୁମାର ଦାସଙ୍କ କଟକ ଝିଙ୍କିରିଆରେ ଥିବା ପୈତୃକ ଘର ସମେତ କଟକରେ ଥିବା ଶ୍ୱଶୁର ଘର ଓ ଅନ୍ୟ ୨ଟି ସ୍ଥାନରେ ଚଢ଼ଉ ହୋଇଛି। ଅଶ୍ୱିନୀ କୁମାର ଦାସ ପୂର୍ବରୁ କେନ୍ଦ୍ରାପଡା ମହାକାଳପଡାରେ ବିଡ଼ିଓ ଥିଲେ।