LIVE TV
ସୋସିଆଲ ମିଡିଆ ପ୍ଲାଟଫର୍ମରେ ଦୁନିଆର ଅନେକ ଅଦ୍ଭୁତ ଖବର ଦେଖିବାକୁ ମିଳିଥାଏ। କିଛି ଖବର ଉପରେ ବିଶ୍ୱାସ ତ କରାଯାଇପାରେ, କିନ୍ତୁ କିଛି ଅବିଶ୍ୱସନୀୟ ରହିଥାଏ। ସେହିପରି ଏକ କ୍ଲିପ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି। ଯାହାକୁ ଦେଖି ୟୁଜର୍ସ ଚକିତ ହୋଇ ଯାଇଛନ୍ତି।
ଭିଡିଓଟିକୁ ଅନୁମାନ କରିବା ୟୁଜର୍ସ ପକ୍ଷେ କଷ୍ଟକର ହୋଇ ପଡିଛି। ସେମାନେ ଦେଖୁଥିବା ଏହି ଭିଡିଓଟି ସତ କି ମିଛ ତାହା ଜାଣି ପାରୁ ନାହାଁନ୍ତି।
Also Read
ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓରେ ବ୍ୟକ୍ତି ଜଣକ ଜଣେ ଜୀଅନ୍ତା ମମି ଭଳି ଦେଖା ଯାଉଛନ୍ତି। ସେ ଥାଇଲାଣ୍ଡର ଏକ ହସ୍ପିଟାଲରେ ଭର୍ତ୍ତି ଅଛନ୍ତି। ସେ ଖୁବ୍ ଦୁର୍ବଳ ଓ ଅସୁସ୍ଥ ଅଛନ୍ତି। ଏଭଳି ସ୍ଥିତିରେ ୟୁଜର୍ସ ତାଙ୍କର ବୟସ ବିଷୟରେ ଆକଳନ କରିବା ଆରମ୍ଭ କରି ଦେଇଛନ୍ତି।
କ୍ଲିପକୁ ଦେଖିବା ପରେ କିଛି ଲୋକ ଦାବି କରିଛନ୍ତି ଯେ, ତାଙ୍କ ବୟସ ୧୬୩ ବର୍ଷ। ଏହି ବୌଦ୍ଧ ଭିକ୍ଷୁ ଜଣକ ଜାପାନୀ ଟେକ୍ନୋଲୋଜି ସୋକୁଶିନବୁସ୍ତୁ ଅଭ୍ୟାସ କରନ୍ତି ବୋଲି କୁହାଯାଉଛି। ବୟସ୍କ ଏହି ଭିକ୍ଷୁଙ୍କର ଭାଇରାଲ ଫଟୋ ଇଣ୍ଟରନେଟ୍ରେ ଲୋକଙ୍କୁ ଖୁବ୍ ଆକର୍ଷିତ କରିଛୁ। ଆପଣ ଦେଖୁଥିବା ଏହି ଭିଡିଓଟିକୁ ତାଙ୍କ ନାତୁଣୀ ସୁଟ୍ କରି ସୋସିଆଲ ମିଡିଆରେ ସେୟାର କରିଛନ୍ତି।
ଇଣ୍ଟରନେଟ୍ରେ ଭିଡିଓ ଭାଇରାଲ ହେବା ପରେ ତାଙ୍କ ବୟସର ସତ୍ୟତା ଜାଣିବାକୁ ଲୋକ ଚେଷ୍ଟା କରିଥିଲେ। ଟିକଟକ୍ରେ ୧୬୩ ବର୍ଷୀୟ ଭିକ୍ଷୁଙ୍କ ବିଷୟରେ ଯେଉଁ ଗୁଜବ ସାମନାକୁ ଆସିଛି, ତାହା ବାସ୍ତବରେ ଠିକ୍ ନୁହେଁ। ଫାକ୍ଟ ଚେକର ସ୍ନୋପ୍ସଙ୍କ ଅନୁସାରେ, କ୍ଲିପରେ ବୟସ୍କ ବ୍ୟକ୍ତି ଜଣକ ୧୬୩ ବର୍ଷର ନୁହେଁ। ତାଙ୍କର ନାଁ ଲୁଆଙ୍ଗ ଫୋ ୟାଇ ଓ ତାଙ୍କ ବୟସ ୧୦୯ ବର୍ଷ।
