ତାରାତାରିଣୀ ପୀଠକୁ ଚାଲି ଚାଲି ଗଲେ ସାଂସଦ ଅପରାଜିତା ଷଡ଼ଙ୍ଗୀ

ଗଞ୍ଜାମ ତାରାତାରିଣୀ ପୀଠକୁ ସାଂସଦ ଅପରାଜିତା ଷଡ଼ଙ୍ଗୀଙ୍କ ଗାଡ଼ିକୁ ଛାଡ଼ିଲାନି ଜିଲ୍ଲା ପ୍ରଶାସନ । ମନ୍ଦିରର ୩ କିଲୋମିଟର ପୂର୍ବରୁ ଅପରାଜିତାଙ୍କ ଗାଡ଼ିକୁ ଜିଲ୍ଲା ପ୍ରଶାସନ ଅଟକ ରଖି ଅନୁମତି ଦେଲାନାହିଁ । ଫଳରେ ଅପରାଜିତାଙ୍କୁ ଚାଲି ଚାଲି ଯିବାକୁ ପଡ଼ିଥିଲା । ପାହାଡ଼ ରାସ୍ତାରେ ୩ କିଲୋମିଟର ଯାଏଁ ଅପରାଜିତା ଚାଲି ଚାଲି ଯାଇଥିଲେ । ସାଙ୍ଗରେ ନିଜର ସମର୍ଥକ ଏବଂ ବିଜେପି କର୍ମୀ ଥିଲେ ।

ସମସ୍ତଙ୍କ ସହ ଅପରାଜିତା ଚାଲି ଚାଲି ଯାଇ ତାରାତାରିଣୀ ଦର୍ଶନ କରିଥିଲେ । ତେବେ ଗଞ୍ଜାମ ଜିଲ୍ଲାପାଳ ଏନେଇ ୨ଟି ଫଟୋ ପୋଷ୍ଟ କରି ଟ୍ୱିଟ୍ କରିବା ସହ କହିଛନ୍ତି ଯେ, ଭୁବନେଶ୍ୱର ସାଂସଦଙ୍କୁ ୨ଟି ଗାଡ଼ିରେ ଯିବା ପାଇଁ ଆମେ ଅନୁରୋଧ କରିଥିଲୁ । କିନ୍ତୁ ସାଂସଦ ମନା କରିବା ସହ ଚାଲି ଚାଲି ମନ୍ଦିର ଅଭିମୁଖେ ଯାଇଥିଲେ । ଗାଡ଼ିକୁ ଅନୁମତି ଦିଆନଯିବା ଖବର ଅମୂଳକ ବୋଲି ଟୁଇଟ୍ କରି କହିଛନ୍ତି ଗଂଜାମ ଜିଲ୍ଲାପାଳ ।