ସରକାରୀ ଜମିକୁ ନେଇ ଆଦିବାସୀ-ବଙ୍ଗାଳି ସମ୍ପ୍ରଦାୟ ମୁଁହାମୁହିଁ

ସରକାରୀ ଜମିକୁ ନେଇ ଆଦିବାସୀ ସମ୍ପ୍ରଦାୟ ଓ ବଙ୍ଗାଳି ସମ୍ପ୍ରଦାୟ ମଧ୍ୟରେ ମୁଁହାମୁହିଁ ପରିସ୍ଥିତି ସୃଷ୍ଟି ହୋଇଛି। ମାଲକାନଗିରି ଜିଲ୍ଲାର ଏମ୍‌ପିଭି-୨ ଠାରେ ସରକାରୀ ଜମିକୁ ନେଇ ୨ ସମ୍ପ୍ରଦାୟ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା। 

କୁନାରଗୁଡା ଏବଂ ଏମ୍‌ପିଭି-୨ ମଧ୍ୟରେ ଥିବା ଏକ ବନ୍ଧର ହିଡକୁ ଆଜି ସକାଳେ ଶତାଧିକ ଆଦିବାସୀ କାଟି ଦେଇଥିଲେ।  ୫ ଦିନ ପୂର୍ବରୁ ଏମ୍‌ପିଭି-୨ ଗ୍ରାମବାସୀ ଏହି ବନ୍ଧ ହିଡକୁ ବାନ୍ଧିଥିଲେ। ସରକାରୀ ଜାଗାଟି ଆଦିବାସୀ ସମ୍ପ୍ରଦାୟ ସେମାନଙ୍କର ବୋଲି ଦାବି କରି ଆସୁଥିବା ବେଳେ, ବଙ୍ଗାଳି ସମ୍ପ୍ରଦାୟର ଲୋକ ଏହାକୁ ଛାଡିବାକୁ ନାରାଜ। 

ଏନେଇ ଆଜି ସକାଳେ ୨ ଗୋଷ୍ଠୀ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା।  ଖବର ପାଇ ମାଲକାନଗିରି ପୋଲିସ୍‌ ଘଟଣାସ୍ଥଳରେ ପହଞ୍ଚି ଉଭୟ ପକ୍ଷକୁ ବୁଝାସୁଝା କରିଥିଲେ। ୬ ମାସ ମଧ୍ୟରେ ୪ଟି ସ୍ଥାନରେ ସରକାରୀ ଜମିକୁ ନେଇ ବଙ୍ଗାଳି ଓ ଆଦିବାସୀଙ୍କ ମଧ୍ୟରେ ଗଣ୍ଡଗୋଳ ହୋଇଛି।