କୁଡିଆ ପରି ଘର, ମୂଲ୍ୟ କିନ୍ତୁ ୪ କୋଟି ଉପରେ

ଆଜିର ସମୟରେ ଲୋକମାନେ ଭବିଷ୍ୟତକୁ ସୁରକ୍ଷିତ ରଖିବା ପାଇଁ ସମ୍ପତ୍ତିରେ ବିନିଯୋଗ କରୁଛନ୍ତି। ସମ୍ପତ୍ତିର ମୂଲ୍ୟ ସମୟକୁ ତାଳ ଦେଇ ବଢିଥାଏ। ଏଭଳି ପରିସ୍ଥିତିରେ ଲୋକମାନେ ସମ୍ପତ୍ତି କିଣିବାରେ ସେମାନଙ୍କର ଟଙ୍କା ବିନିଯୋଗ କରିବାରେ ବ୍ୟସ୍ତ। କିନ୍ତୁ ଏହାପୂର୍ବରୁ ଅନେକ ଦିଗକୁ ଯାଞ୍ଚ କରାଯାଏ। ସମ୍ପତ୍ତି ସହିତ କିଛି ସମସ୍ୟା ଅଛି କି? ଏହାର ମୂଲ୍ୟ କେତେ ବୃଦ୍ଧି ପାଇବ? ଏହା ବ୍ୟତୀତ ଅନେକ କାରଣକୁ ମଧ୍ୟ ବିଚାରକୁ ନିଆଯାଏ। କିନ୍ତୁ ବେଳେବେଳେ ଏପରି କିଛି ଘର ମଧ୍ୟ ଆଲୋଚନାକୁ ଆସେ, ଯାହା ନିଜ ଦାମଠାରୁ ବହୁଗୁଣ ଅଧିକ ମୂଲ୍ୟରେ ବିକ୍ରି କରାଯାଏ।

ଏହିପରି ଏକ ଘରକୁ ନେଇ ଆଜିକାଲି ଚର୍ଚ୍ଚା ଜୋର ଧରିଛି। ଲଣ୍ଡନରେ ନିର୍ମିତ ଏହି ଘରଟି ଏକ ଉଦ୍ୟାନରେ ନିର୍ମିତ ଏକ ଛୋଟ ଶେଡ୍ ଘର ପରି ଦେଖାଯାଏ। କିନ୍ତୁ ଏହାର ମୂଲ୍ୟ ଜାଣିଲେ ଆପଣଙ୍କ ପାଦ ତଳୁ ମାଟି ଖସିଯିବ। ଘରର ବଜାର ମୂଲ୍ୟ କୋଟି କୋଟି ଟଙ୍କା ରଖାଯାଇଛି। କେବଳ ଗୋଟିଏ ଶୟନ କକ୍ଷ ଥିବା ଏହି ଘରର ମୂଲ୍ୟ ୪ କୋଟି ୩୭ ଲକ୍ଷ ଟଙ୍କା ରଖାଯାଇଛି। ଯଦି କେହି ଏହି ଘରକୁ ଦେଖନ୍ତି, ତେବେ ବାହାରୁ ଏହାକୁ ଏକ ଶେଡ୍ ହାଉସ୍ ଭାବରେ ବିବେଚନା କରାଯିବ। କିନ୍ତୁ ଏହାକୁ ଭିତର ପାଖରୁ ଦେଖିଲେ ଜଣାପଡିବ ଯେ ଏହାର ମୂଲ୍ୟ କାହିଁକି ଏତେ ଅଧିକ।

ଇଷ୍ଟ ଲଣ୍ଡନ ପ୍ରପର୍ଟି ଏହାକୁ କୋଟି କୋଟିରେରେ ବିକ୍ରି କରିବାକୁ ଲଗେଇଛି। ଏହି ଘରେ ଗୋଟିଏ ଶୟନ କକ୍ଷ ଅଛି। ଏହା ବ୍ୟତୀତ ଏକ ବାଥ୍‌ରୁମ୍‌ ଏବଂ ଖୋଲା ରୋଷେଇ ଘର ଅଛି। ଅନେକ ଲୋକ ଏହି ଘର କିଣିବାକୁ ଆଗ୍ରହ ଦେଖାଉଛନ୍ତି। ଏହି ଘର ନିକଟରେ ଏକ ବଜାର ନିର୍ମାଣ କରାଯାଇଛି। ଏହି କାରଣରୁ ଭବିଷ୍ୟତରେ ଏହାର ମୂଲ୍ୟ ଆହୁରି ବୃଦ୍ଧି ହେବାର ସମ୍ଭାବନା ମଧ୍ୟ ଅଛି। ଅନେକ ଲୋକ ଏହାକୁ ବାହାରୁ ଦେଖିବା ପରେ ଏହାକୁ କିଣିବା ପାଇଁ କୋଟି କୋଟି ଟଙ୍କା ଖର୍ଚ୍ଚ କରିବା ମୂର୍ଖତା ବୋଲି କହିଛନ୍ତି। କିନ୍ତୁ ଘରର ଭିତର ପାଖ ଦେଖିବା ପରେ ସେମାନଙ୍କର ମତ ପରିବର୍ତ୍ତନ ହୋଇପାରେ।

ଭିତରର କୋଠରୀଗୁଡ଼ିକ ଖୁବ ଭଲ ଭାବରେ ସଜାଯାଇଛି। ଶୋଇବା ଘରଠାରୁ ବାଥ୍‌ରୁମ୍‌ ପର୍ଯ୍ୟନ୍ତ ଭଲ ଭାବେ ସଜ୍ଜାଯାଇଛି। ଘର ପାଖରେ ଆବଶ୍ୟକୀୟ ସବୁକିଛି ସାମଗ୍ରୀ ମିଳେ। ଏଠାରେ ସ୍କୁଲ୍‌ ଠାରୁ ଆରମ୍ଭ କରି ଗ୍ରୋସରୀ ଦୋକାନ ସବୁ ଅଛି। ଏଭଳି ପରିସ୍ଥିତିରେ ବ୍ରିଟେନର ଲୋକଙ୍କ ପାଇଁ ଏହା ହେଉଛି ସ୍ୱପ୍ନର ଘର। ଭିକ୍ଟୋରିଆନ୍ ଶୈଳୀରେ ନିର୍ମିତ ଏହି ଘରର ଚର୍ଚ୍ଚା ସୁଦୂର ପ୍ରସାରୀ। ଅନେକ ଲୋକ ଏହି ଘର କିଣିବାକୁ ଚାହାଁନ୍ତି। ଏବେ ଦେଖିବାକୁ ବାକି ରହିଲା ଯେ ଶେଷରେ ଏହି ଘର କେତେ ଟଙ୍କାରେ ବିକ୍ରି ହେଉଛି।