LIVE TV
ପ୍ରାୟତଃ ପୁରୁଷମାନେ ନିଶ ରଖିବାକୁ ଭଲପାଇଥାନ୍ତି । ହେଲେ କେବେ ଦେଖିଛନ୍ତି କି ଜଣେ ମହିଳା ନିଶ ରଖିବାର ? ତେବେ କେବଳ ପୁରୁଷ ହିଁ ନିଶ ରଖିପାରିବେ ତାହା ନୁହେଁ ମହିଳା ମଧ୍ୟ ନିଶ ରଖିପାରିବେ । ଯାହାକୁ ପ୍ରମାଣିତ କରିଛନ୍ତି କେରଳର କନ୍ନୁରର ଜଣେ ମହିଳା। ମହିଳା ତାଙ୍କ ନିଶକୁ ଏତେ ଭଲ ପାଆନ୍ତି ଯେ ସେ କେବେ ନିଜ ନିଶ କାଟନ୍ତି ନାହିଁ ।
Also Read
୩୫ ବର୍ଷିୟ ମହିଳା ସାୟେଜା (Shyja) ଆବିକଳ ପୁରୁଷଙ୍କ ଭଳି ନିଶ ରଖିଛନ୍ତି । ପ୍ରଥମେ ମହିଳାଙ୍କ ଉପର ଓଠରେ ଚୁଟି ଉଠିବା ଆରମ୍ଭ ହୋଇଥିଲା । ଯାହା ଧିରେ ଧିରେ ନିଶରେ ପରିଣତ ହେଲା । ଏନେଇ ମହିଳା ଜଣକ କହିଛନ୍ତି ଯେ, ‘‘ନିଶ ବିନା ବଞ୍ଚିବା ମୁଁ କେବେ କଳ୍ପନା ବି କରିପାରିବିନାହିଁ । କୋଭିଡ୍ ମହାମାରୀ ସମୟରେ ମୁଁ ମୋ ମୁହଁକୁ ମାସ୍କରେ ଘୋଡ଼ାଇ ରଖିବାକୁ ଆଦୌ ପସନ୍ଦ କରେ ନାହିଁ । ’’
ତେବେ ମହିଳାଙ୍କ ଏହି ନିଆରା ଚିନ୍ତା ଧାରାକୁ ନେଇ ସାୟେଜାଙ୍କ ଶାଶୁ ଘର ଲୋକ ତାଙ୍କ ସପକ୍ଷରେ ଥିବାବେଳେ ଏନେଇ ସମାଜରେ ତାଙ୍କୁ କିଏ କଣ କହୁଛି ତାହା ସେମାନଙ୍କୁ କୌଣସି ପ୍ରଭାବ ପକାଏ ନାହିଁ ।
