LIVE TV
ରାଜଧାନୀ ଦିଲ୍ଲୀରେ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଜଣେ ବୃଦ୍ଧ ବ୍ୟକ୍ତିଙ୍କୁ ମୃତ ବୋଲି ଭାବି ପରିବାର ଲୋକ ତାଙ୍କୁ ଶେଷ ରୀତିନୀତି ପାଇଁ ଶ୍ମଶାନକୁ ନେଇଥିଲେ । ହେଲେ ଶେଷ ରୀତିନୀତିର ଠିକ୍ କିଛି ସମୟ ପୂର୍ବରୁ ଅର୍ଥାତ ମୁଖାଗ୍ନି ଦିଆଯିବା ପୂର୍ବରୁ ବୃଦ୍ଧଙ୍କ ହୋସ୍ ଆସିଥିଲା । ଯାହାକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ ।
ପରିବାର ସଦସ୍ୟଙ୍କ ଭୁଲ୍ କ’ଣ ଥିଲା?
Also Read
ବୃଦ୍ଧଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ହେଲେ ପରିବାର ଲୋକେ ଡାକ୍ତରଙ୍କ ପରାମର୍ଶ ନକରି ତାଙ୍କ ପରିବାର ବୃଦ୍ଧଙ୍କୁ ଡାକ୍ତରଖାନାରୁ ଡିସଚାର୍ଜ କରିଥିଲେ । ଡିସଚାର୍ଜ ସମୟରେ ଡାକ୍ତରଖାନା ଡିସଚାର୍ଜ କାଗଜରେ LAMA (Left Against Medical Advice) ଲେଖାହୋଇଥିଲା ।
ସୂଚନା ଅନୁସାରେ, ବୃଦ୍ଧ ଜଣକ କର୍କଟ ରୋଗରେ ଆକ୍ରାନ୍ତ ଥିବାରୁ ଦ୍ୱାରିକାର ଭେଙ୍କେଟେଶର ହସ୍ପିଟାଲରେ ଭର୍ତ୍ତି ହୋଇଥିଲେ । ଭେଣ୍ଟିଲେଟରର ଖର୍ଚ୍ଚ ଏତେ ଅଧିକ ଥିଲା ଯେ, ଶେଷରେ ପରିବାର ଲୋକେ ବାଧ୍ୟ ହୋଇ ବୃଦ୍ଧଙ୍କୁ ଘରକୁ ଫେରାଇ ନେଇଥିଲେ । ସେହିସମୟରେ ଭେଣ୍ଟିଲେଟରକୁ ବାହାରକରିବା ମାତ୍ରେ ହିଁ ବୃଦ୍ଧ ଜଣକ ନିଶ୍ୱାସ ନେବା ବନ୍ଦ କରିଦେଇଥିଲେ । ଫଳରେ ତାଙ୍କ ପରିବାର ସଦସ୍ୟ ଭାବିଥିଲେ ଯେ ତାଙ୍କର ମୃତ୍ୟୁ ହୋଇଛି । ଏହା ପରେ ବୃଦ୍ଧଙ୍କର ଶେଷ ରୀତିନୀତି ପାଇଁ ଶ୍ମଶାନକୁ ନିଆଯାଇଥିଲା । ସେଠାରେ ଯେତେବେଳେ ମୃତ ଦେହକୁ ବ୍ୟବଚ୍ଛେଦ ପାଇଁ ଜୁଇ ଉପରେ ରଖାଗଲା ଠିକ୍ ସେହି ସମୟରେ ବୃଦ୍ଧଙ୍କ ଚେତା ଫେରିଥିଲା ଓ ସେ ନିଶ୍ୱାସ ନେବାକୁ ଆରମ୍ଭ କରିଦେଇଥିଲେ ।
ବୃଦ୍ଧଙ୍କୁ ପୁଣିଥରେ ହସ୍ପିଟାଲରେ ଭର୍ତ୍ତି କରାଗଲା
ବୃଦ୍ଧଙ୍କ ଚେତା ଫେରିବା ପରେ ସଙ୍ଗେ ସଙ୍ଗେ ପରିବାର ଲୋକେ ପିସିଆର୍କୁ କଲ୍ କଲେ । ଯାହା ପରେ ଘଟଣାସ୍ଥଳରେ ଉଭୟ ପୋଲିସ ଓ ଆମ୍ବୁଲାନ୍ସ ପହଞ୍ଚି ବୃଦ୍ଧଙ୍କୁ ଡାକ୍ତରଖାନାକୁ ସ୍ଥାନାନ୍ତର କରିଥିଲେ । ଏନେଇ ଦିଲ୍ଲୀ ପୋଲିସ ପକ୍ଷରୁ କୁହାଯାଇଛି ଯେ,ବର୍ତ୍ତମାନ ସୁଦ୍ଧା ଏହି ଘଟଣାରେ ଡାକ୍ତରଖାନାର ଅବହେଳା ହୋଇଥିବାର କୌଣସି ତଥ୍ୟ ସାମ୍ନାକୁ ଆସିନାହିଁ । ହେଲେ ମାମଲାର ତଦନ୍ତ ଜାରି ରହିଛି ।
