ଦଶପଲ୍ଲାର ପ୍ରସିଦ୍ଧ ରାମଲୀଳା ଏବଂ ଲଙ୍କାପୋଡ଼ି ଯାତ୍ରା

୧୮୦୨ ମସିହାରୁ ଶ୍ରୀରାମ ନବମୀରୁ ଦଶପଲ୍ଲାରେ ଚାଲି ଆସିଛି ପ୍ରସିଦ୍ଧ ରାମଲୀଳା ଓ ଲଙ୍କାପୋଡ଼ି ଯାତ୍ରା । ପ୍ରତିବର୍ଷ ଦଶହରାରେ ଲୋକକଳାର ଶୁଭାରମ୍ଭ ସହ ଏହାର ପ୍ରସ୍ତୁତି ହୋଇଥାଏ । ରଘୁନାଥଙ୍କ ପୀଠରେ ପୋଥିପୂଜା ପରେ ଆରମ୍ଭ ହୁଏ ରାମଲୀଳା ଆଖଡ଼ା । କଳାକାରମାନେ ବେଶ ହେବା ସହ ମୁଖା ପିନ୍ଧି ଅଭିନୟ କରିଥାନ୍ତି ।

ଅଶୋକାଷ୍ଟମୀ ପର୍ଯ୍ୟନ୍ତ ଆଖଡ଼ା ଚାଲିବା ପରେ ଶ୍ରୀରାମନବମୀଠାରୁ ଆରମ୍ଭ ହୋଇଥାଏ । ଲଙ୍କାପୋଡ଼ି ଯାତ୍ରା ପ୍ରାୟ ୧୫ରୁ ୧୮ ଦିନ ପଯର୍ୟନ୍ତ ଏହା ମଞ୍ଚସ୍ଥ ହୋଇଥାଏ । ଶ୍ରୀରାମଙ୍କ ଜନ୍ମଠାରୁ ଆରମ୍ଭ କରି ସୀତା ବିବାହ, ରାମ ବନବାସ, ଭରତ ମିଳନ, ସୀତା ହରଣ, ତାଡ଼କା ବଧ, ବାଳି ବଧ, ସୁଗ୍ରୀବ ଅଭିଷେକ, କୁମ୍ଭକର୍ଣ୍ଣ ବଧ ମଧ୍ୟ ଉତ୍ସବର ଅନ୍ୟତମ ‌ଆକର୍ଷଣ ଥାଏ ।

ଯାତ୍ରା ଦେଖିବା ପାଇଁ ରାଜ୍ୟର କୋଣଅନୁକୋଣରୁ ଦର୍ଶକଙ୍କ ସମାଗମ ହୋଇଥାଏ॥ ଭଳିକି ଭଳି ଦୋଳି ସହ ମୀନାବଜାରର ମଜା ନେଇଥାନ୍ତି ଦର୍ଶକ । କରୋନା ମହାମାରୀ ଯୋଗୁଁ ଦୀର୍ଘ ୨ ବର୍ଷ ଧରି ଯାତ୍ରା ବନ୍ଦ ଥିବା ବେଳେ ଚଥିତ ବର୍ଷ କଟକଣା କୋହଳ ହେବା ପରେ ଲଙ୍କାପୋଡ଼ି ଉତ୍ସବ ଆୟୋଜିତ ହୋଇଛି ।