୮୬ ବର୍ଷର ପୁରୁଣା ଏକ ଚିତ୍ରରେ ବ୍ୟକ୍ତିଙ୍କ ହାତରେ ସ୍ମାର୍ଟଫୋନ୍!

ଆଜିର ଯୁଗରେ, ପ୍ରତ୍ୟେକଙ୍କ ହାତରେ ସ୍ମାର୍ଟଫୋନ୍ ଦେଖିବା ଏକ ବଡ଼ କଥା ନୁହେଁ। ଫୋନ୍ ଉଦ୍ଭାବନ ପରଠାରୁ ବର୍ତ୍ତମାନ ପର୍ଯ୍ୟନ୍ତ କେତେ ଯେ ପରିବର୍ତ୍ତନ ଘଟିଛି ତାହା ଜଣା ନାହିଁ। କିନ୍ତୁ ଏମିତି ଏକ ସମୟ ଥିଲା ଯେତେବେଳେ ଲ୍ୟାଣ୍ଡ୍‌ଲାଇନ୍‌ ମଧ୍ୟ କଷ୍ଟସାଧ୍ୟ ଥିଲା। ସେପରି ପରିସ୍ଥିତିରେ ଏପରି ବେତାର ଫୋନ ବିଷୟରେ ଭାବିବା ହିଁ ବୋକାମି ଥିଲା।

କିନ୍ତୁ ଆପଣ ନିଶ୍ଚିତ ଭାବରେ ଆଶ୍ଚର୍ଯ୍ୟ ହେବେ ଯେ ଜଣେ ବ୍ୟକ୍ତି ଦଶନ୍ଧି ଦଶନ୍ଧି ଏକ ପୁରୁଣା ଚିତ୍ରରେ ସ୍ମାର୍ଟଫୋନ୍ ବ୍ୟବହାରକୁ ଦେଖେଇଛନ୍ତି। ସେତେବେଳେ ସ୍ମାର୍ଟଫୋନ୍ କଥା ଛାଡିଦିଅନ୍ତୁ, ପ୍ରତ୍ୟେକ ଘରେ ବିଦ୍ୟୁତ୍ ଏବଂ ଲ୍ୟାଣ୍ଡଲାଇନ୍‌ ମଧ୍ୟ ସ୍ୱପ୍ନ ଥିଲା।

ଜଣେ ଇଟାଲୀୟ କଳାକାର ଏଲବୋର୍ଟ ରୋମାନୋ ତିଆରି କରିଥିଲେ। ପେଣ୍ଟିଂର ନାମ ଥିଲା 'ମିଷ୍ଟର ପାୟନଚାଁନ୍ ଆଣ୍ଡ ଦ ସେଟ୍‌ଲିଙ୍ଗ ଅଫ୍ ସ୍ପ୍ରିଙ୍ଗଫିଲ୍ଡ'। ଏହି ଚିତ୍ରରେ ଗୋଲାପୀ ସୁଟ୍‌ରେ ଥିବା ବ୍ୟକ୍ତିଙ୍କ ନାମ ହେଉଛି 'ମିଷ୍ଟର ପାୟନଚାଁନ୍। ଯେଉଁଥିରେ ଷୋଡଶ ଦଶକର ଛବିକୁ ଚିତ୍ରିତ କରାଯାଇଛି। ଏଥିରେ ସହରରେ ବାସ କରିବାକୁ ଆସୁଥିବା ଲୋକଙ୍କ ପ୍ରକ୍ରିୟା ଦେଖାଯାଉଛି।

ଟାଇମ୍ ଟ୍ରାଭେଲ୍‌ର ସତ କି:

ଏହି ପେଣ୍ଟିଂକୁ ନେଇ ସବୁଠାରୁ ଆଶ୍ଚର୍ଯ୍ୟଜନକ କଥା ହେଲା ଏଥିରେ ଆମେରିକୀୟ ମୂଳ ବ୍ୟକ୍ତି ଯାହାଙ୍କ ଦେହରେ ପୋଷାକ ନାହିଁ, ତାଙ୍କ ହାତରେ ଏକ ବର୍ଗାକାର ଜିନିଷ ଧରିଥିବାର ଦେଖାଯାଏ। ଏହା ବୋଧହୁଏ ଏକ ସ୍ମାର୍ଟଫୋନ୍ ବୋଲି କୁହାଯାଉଛି। କିନ୍ତୁ ସେହି ସମୟରେ ଏହାର ଚିନ୍ତା ମଧ୍ୟ କରିବା ଅସମ୍ଭବ ଥିଲା। ତେଣୁ ସ୍ମାର୍ଟ ଫୋନ୍ କିପରି ଚିତ୍ରରେ ଆସିଲା। ତେବେ ଟାଇମ୍ ଟ୍ରାଭେଲ୍‌ର ଦାବି କରି ଲୋକେ ଏହାକୁ ସତ ମାନିବାକୁ ବାଧ୍ୟ ହେଉଛନ୍ତି।

ଚିତ୍ରକୁ ଦେଖିଲେ ଲାଗୁଛି ଯେପରି ବ୍ୟକ୍ତି ଜଣକ ଫୋନରେ ସେଲ୍‌ଫି ନେଉଛନ୍ତି। ତଥାପି, କିଛି ଲୋକ ଦାବି କରନ୍ତି ଯେ ବ୍ୟକ୍ତିଙ୍କ ହାତରେ ଦେଖାଯାଇଥିବା ଏହି ଜିନିଷ ମଧ୍ୟ ଏକ ଦର୍ପଣ ହୋଇପାରେ। ବର୍ତ୍ତମାନ ଯେଉଁମାନଙ୍କ ମନରେ ଟାଇମ୍ ଟ୍ରାଭେଲ୍‌ରକୁ ନେଇ ପ୍ରଶ୍ନ ଆସୁଛି ସେମାନେ ଜାଣି ରଖିବା ଉଚିତ ଯେ ଟାଇମ୍ ଟ୍ରାଭେଲ୍‌ର ତାହାକୁ କୁହାଯାଏ ଯାହା ବହୁ ଅତୀତ ଏବଂ ଭବିଷ୍ୟତକୁ ଯିବାକୁ କ୍ଷମତା ରଖେ।

ତେବେ ଏହି ଘଟଣା ପ୍ରଥମ ଘଟଣା ନୁହେଁ ଯେ ବହୁ ପୁରୁଣା ଦିନରେ କୌଣସି ଚିତ୍ରରେ ସ୍ମାର୍ଟ ଫୋନ୍ କିମ୍ବା ମୋବାଇଲ୍ ବ୍ୟବହାର ଦେଖି ଆଶ୍ଚର୍ଯ୍ୟ ହେବା। ୧୯୨୮ର ଚାର୍ଲି ଚାପଲିନ୍‌ଙ୍କ ମୁକ କମେଡି ଚଳଚ୍ଚିତ୍ରର ପୃଷ୍ଠଭୂମିରେ ଜଣେ ମହିଳା 'ମୋବାଇଲ୍ ଫୋନ୍' ଧରିଥିବା ଦେଖାଯାଇଥିଲା।

ସେହିପରି ସପ୍ତଦଶ ଶତାବ୍ଦୀର ଅନ୍ୟ ଏକ ଚିତ୍ରରେ, ଜଣେ ମହିଳା ଏକ ବର୍ଗାକାର ଜିନିଷ ଧରିଥିବାର ଦେଖାଯାଏ ଯାହା ଆଇଫୋନ୍ ପରି ଦେଖାଯାଉଛି। ଏହି ଚିତ୍ରଟି 'ପିଟର ଡି ହୁଚ୍'ଙ୍କ ଦ୍ୱାରା ପ୍ରସ୍ତୁତ କରାଯାଇଥିଲା। ଯାହାର ନାମ ହେଉଛି 'ମେନ୍ ହେଡିଙ୍ଗ୍ ଏ ଲେଟର ଟୁ ଏ ୱମେନ୍ ଇନ୍ ଏଣ୍ଟ୍ରାନ୍ସ ହଲ୍ ଅଫ୍‌ ଦ ହାଉସ୍'।