LIVE TV
ନ୍ୟାୟ ପାଇଁ ଅଗ୍ନି ବିପନ୍ନଙ୍କ ଆତ୍ମାହୂତି ଉଦ୍ୟମ । ପ୍ରଥମେ ଭଦ୍ରକ ଟାଉନ୍ ଥାନା ଆଗରେ ଧାରଣା ଦେଇ କେହି ନଶୁଣିବାରୁ ଏସ୍ପିଙ୍କ ଅଫିସ୍ ଆଗରେ ଧାରଣା ଦେଲେ ଭଦ୍ରକ ଗବସାହିର ଅଗ୍ନି ବିପନ୍ନ ସୁଦର୍ଶନ ଦାସଙ୍କ ସମେତ ତାଙ୍କ ପରିବାର ।
ସୂଚନା ଅନୁସାରେ, ଗତ ମାସର ୧୪ ତାରିଖରେ ଭଦ୍ରକ ଗବସାହିର ସୁଦର୍ଶନ ଦାସଙ୍କ ଘର ପୋଡି ପାଉଁଶ ହୋଇଯାଇଥିଲା । ତାଙ୍କ ପଡୋଶୀ ଜାଣି ଶୁଣି ନିଆଁ ଲଗାଇଥିବା ଅଭିଯୋଗ କରିଥିଲେ । ଏପରିକି ପଡୋଶୀ ଲୋକେ ମଧ୍ୟ ଥାନାରେ ଅଭିଯୋଗ କରିଥିଲେ । ହେଲେ କେବଳ ଅଭିଯୋଗ ପରେ ଅଭିଯୋଗ କରିଥିଲେ ମଧ୍ୟ କିଛି ସୁଫଳ ମିଳିଲା ନାହିଁ । ବରଂ ଆଜି ଟାଉନ ଥାନା ପୋଲିସ ଅଗ୍ନିବିପନ୍ନ ସୁଦର୍ଶନ ଦାସଙ୍କ ପରିବାରକୁ ଥାନାକୁ ଡାକି ତାଙ୍କ ପୁଅକୁ ଗିରଫ କରିଛି । ଯାହାକୁ ନେଇ ପ୍ରଥମେ ଟାଉନ ଥାନା ଆଗରେ, ପରେ ଏସ୍ପିଙ୍କ ଅଫିସ୍ ଆଗରେ ଧାରଣାରେ ବସିଥିଲେ ସୁଦର୍ଶନଙ୍କ ପରିବାର । ଶେଷରେ ଗିରଫଦାରୀକୁ ବିରୋଧ କରି ଏସପିଙ୍କ କାର୍ଯ୍ୟାଳୟ ସମ୍ମୁଖରେ ପେଟ୍ରୋଲ ଢାଳି ଆତ୍ମାହୁତି ଉଦ୍ୟମ କରିଥିଲେ ।
Also Read
ତେବେ ଘଟଣାରେ ଭଦ୍ରକ ପୋଲିସ ସୁଦର୍ଶନ ଦାସଙ୍କ ପରିବାରର ୪ ଜଣ ସଦସ୍ୟଙ୍କୁ ଅଟକ ରଖିଛି ।
