LIVE TV
ପାଟଣାଗଡ଼ ବ୍ଲକ ବାଲିପଟାଗାଁରେ ବୁଲା କୁକୁର ଆତଙ୍କ । କୁକୁର କାମୁଡ଼ାରେ ୩ ବର୍ଷର ଝିଅ ମୃତ, ୧୨ ଗୁରୁତର । ଘର ବାହାରେ ଶିଶୁ ଖେଳୁଥିବା ବେଳେ କୁକୁର ଆକ୍ରମଣର ଶିକାର ହୋଇଥିଲା । କୁକୁର କାମୁଡ଼ାରେ ୧୨ ଜଣ ଗୁରୁତର ପାଟଣାଗଡ଼ ମେଡିକାଲରେ ଭର୍ତ୍ତି ହୋଇଛନ୍ତି ।
ବୁଲା କୁକୁର ଆତଙ୍କ । କୁକୁର କାମୁଡାରେ ଚାଲିଗଲା ନାବାଳିକାର ଜୀବନ । ଏପରି ଘଟଣା ଘଟିଛି ବଲାଙ୍ଗିର ଜିଲ୍ଲା ପାଟଣାଗଡ ବ୍ଲକ ବାଲିପଟା ଗାଁରେ । ଆଜି ହଠାତ ଏକ ବୁଲା କୁକୁର ଗାଁ ଯାକ ବୁଲି ଲୋକଙ୍କୁ କାମୁଡିବା ଆରମ୍ଭ କରିଥିଲା । ବାଲିପଟା ଗାଁର ୧୨ ଜଣ ଏବଂ କଲଙ୍ଗାପାଲି ଗାଁର ଜଣକୁ କାମୁଡି ଦେଇଥିଲା ବୁଲା କୁକୁର ।
Also Read
ଗୁରୁତର ଅବସ୍ଥାରେ ଦୀପା ମୁଣ୍ଡା ନାମକ ଜଣେ ନାବାଳିକାକୁ ପାଟଣାଗଡ ହସପିଟାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧିନ ଅବସ୍ଥାରେ ଛୋଟ ଝିଅର ଜୀବନ ଯାଇଛି । ଅନ୍ୟ ଗୁରୁତର ମାନଙ୍କ ଭିତରୁ କିଛି ପାଟଣାଗଡ ଉପଖଣ୍ଡ ଡାକ୍ତରଖାନାରେ ଭର୍ତ୍ତି ହୋଇଥିବା ବେଲେ, ଆଉ କିଛି ଚେରିମୂଲି ଚିକିତ୍ସା କରୁଥିବା ଜଣାପଡିଛି । କୁକୁରକୁ ନେଇ ପୂରା ଗାଁରେ ଆତଙ୍କ ଖେଲିଯାଇଛି ।
