LIVE TV
ବେଶ୍ ସୁନ୍ଦର ଦିଶୁଛି ଗେଣ୍ଡୁ ବଗିଚା । ଫୁଲ ଏତେ ମାତ୍ରାରେ ଫୁଟିଛି ଯେ, ତୋଳିବା ପାଇଁ ଇଚ୍ଛା ହେଉନି । ହେଲେ ବଗିଚାର ଚାଷୀଙ୍କ କାହାଣୀ ଶୁଣିଲେ ଆପଣ ଆଶ୍ଚର୍ଯ୍ୟ ହେବେ । କଥାରେ ଅଛି ଚାଷ କାମ ଯାହାର କେଡେ ସୁଖ ତାହାର,ଏହି କଥାଟି ହୁଏତ ଆମେ ପିଲାବେଳୁ ଶୁଣିଆସୁଛନ୍ତି। ହେଲେ ଆଜିକା ଚାକ ଚକ୍ୟ ସମାଜ ଓ ଡିଜିଟାଲ ଯୁଗରେ ଏହି କଥାଟିକୁ ହୁଏତ ଖୁବ୍ କମ୍ ପିଲା ଗ୍ରହଣ କରୁଛନ୍ତି। କିନ୍ତୁ ଜଣେ ବିଟେକ୍ ଛାତ୍ର ଏହାକୁ ଅକ୍ଷରେ ଅକ୍ଷରେ ପାଳନ କରିଛନ୍ତି ।
ବିଟେକ୍ ଡିଗ୍ରୀ ହାସଲ କରିଛନ୍ତି, କିନ୍ତୁ ଚାକିରି ନକରି ଗାଁରେ ଚାଷ କରୁଛନ୍ତି । ପୁଣି ଏକର ନୁହେଁ କି ଦୁଇ ଏକର ନୁହେଁ ବରଂ ୭ ଏକର ଜମିରେ ଅକ୍ଲାନ୍ତ ପରିଶ୍ରମ କରି ସୁନ୍ଦର ଗେଣ୍ଡୁ ଚାଷ କରିଛନ୍ତି । ଆଉ ଚାଷରେ ଏତେ ଲାଭ ହେଉଛି ଯେ, ଚାକିରିରେ ଯେତିକି ଟଙ୍କା ପାଇନଥାନ୍ତେ ସେତିକି ଏହି ଚାଷରୁ ମିଳୁଥିବା ରମାକାନ୍ତ ପଡ଼ିଆରୀ କହିଛନ୍ତି ।
Also Read
ଭଦ୍ରକ ବନ୍ତର ବିଟେକ ଛାତ୍ର ରମାକାନ୍ତ ପଡିଆରୀ। ବାରିପଦା ଇଞ୍ଜିନୟରିଂ କଲେଜରେ ରମାକାନ୍ତ ପାଠପଢା ସାରିବା ପରେ ଚାକିରି ପଛରେ ଗୋଡ଼ାଇଲେନି ବରଂ ବାପାଙ୍କୁ ଚାଷରେ ସାହାଯ୍ୟ କରିବା ପାଇଁ ସ୍ଥିର କଲେ। ପରେ ନିଜର ୭ ଏକର କମିରେ ଫୁଲ, ମାଛ, ଧାନ, ବିଭିନ୍ନ ଫଳ ଆଦି ଚାଷ କରି ବାର୍ଷିକ ଲକ୍ଷ ଲକ୍ଷ ଟଙ୍କା ରୋଜଗାର କରୁଛନ୍ତି ରମାକାନ୍ତ।
ଏହି ଚାଷରେ ନିଜେ ଭଲ ଦୁଇ ପଇସା ରୋଜଗାର କରିବା ସହ ପାଖଆଖ ଅଞ୍ଚଳର ବେକାର ଯୁବକ-ଯୁବତୀଙ୍କୁ ରୋଜଗାର ମଧ୍ୟ ଦେଉଛନ୍ତି । ରମାକାନ୍ତଙ୍କ କହିବା ଅନୁସାରେ, ଆଜିକାଲି ଚାକିରି ପାଇବା ଏତେ ସହଜ ନୁହେଁ, ଅନେକ ପିଲା ଆଜିବି ପାଠପଢି ଚାକିରୀ ପଛରେ ବର୍ଷ ବର୍ଷ ଧରି ପଡି ରହି ଚାକିରୀ ନପାଇ ହତାସ ହୋଇ ବୁଲୁଛନ୍ତି। ତେଣୁ ମୁଁ ଚାକିରି ପଛରେ ନଧାଇଁ ଚାଷରେ ମନ ଦେଲି ଏବଂ ଭଲ ଦୁଇ ପଇସା ରୋଜଗାର କରୁଛି ।
ରମାକାନ୍ତ ଜଣେ ବିଟେକ ଛାତ୍ର ହୋଇଥିଲେ ମଧ୍ୟ ସହର ମୁଁହା ନ ହୋଇ ବି ଚାକିରୀ ପଛରେ ନଧାଇଁ ନିଜ ଗାଁ ମାଟିରେ ସୁନାର ଫସଲ ଫଳାଇ ପାରିଛନ୍ତି । ବାର୍ଷିକ ଲକ୍ଷାଧିକ ଟଙ୍କା ରୋଜଗାର କରିପାରିବା ସହ ଜଣେ ସଫଳ ଚାଷୀ ହୋଇଥିବାରୁ, ରମାକାନ୍ତଙ୍କୁ ସ୍ଥାନୀୟ ଲୋକଙ୍କ ଠାରୁ ଆରମ୍ଭ ବିଭିନ୍ନ ମହଲରୁ ପ୍ରଶଂସା ଛୁଟି ଆସୁଛି ।
ରିପୋର୍ଟର- ଭଦ୍ରକରୁ ପାର୍ଥ ସାରଥୀ ନାୟକ ଓଟିଭି
