ଅଜଣା ଭାଇ ହାତରେ ସାବିତ୍ରୀ ସଜ : ଶହ ଶହ ମହିଳାଙ୍କୁ ଫଳମୂଳ ଦେଇ ଆସିଲେ ସୁଜୟ

ନିଜ ଭାଇ ନହେଲେ ବି ମୋ ଆୟୁଷ ତାକୁ ଲାଗିଯାଉ । ଭାଇ କଥା କହିଲା ବେଳକୁ କୋହରେ ଭରି ଯାଉଛି କଣ୍ଠ, ଆଖିକୁ ଆସିଯାଉଛି ଲୁହ। ଆଜି ପବିତ୍ର ସାବିତ୍ରୀ ବ୍ରତ । ଆଉ ଏହି ପବିତ୍ର ଦିନରେ ଯେଉଁ ମହିଳାଙ୍କ ପାଖରେ ନିଜ ଭାଇମାନେ ପହଞ୍ଚି ପାରିନାହାଁନ୍ତି, ତାଙ୍କ ପାଖରେ ଲୁଗାପଟା, ଫଳଫୁଲୁରି ଓ ଶଙ୍ଖା ସିନ୍ଦୂର ଧରି ସକାଳୁ ପହଞ୍ଚିଛନ୍ତି ଯୁବ ସମାଜସେବୀ ସୁଜୟ ନାୟକ।

ସୁଜୟ ନାୟକ ପେସାରେ ବ୍ୟବସାୟୀ, କିନ୍ତୁ ଆଗ୍ରହ ଲୋକଙ୍କ ସେବାରେ। ସାବିତ୍ରୀ ପୂର୍ବଦିନ ସେ ଏହି ସଜ ଧରି ପହଞ୍ଚିଥିଲେ ଅନେକ ଗରିବ ଓ ଅଭାବୀ ଭଉଣୀଙ୍କ ପାଖରେ ପହଞ୍ଚିଥିଲେ। ଯେଉଁ ମହିଳାଙ୍କ ଭାଇ ନାହାନ୍ତି ତାଙ୍କ ପାଇଁ ସେ ଭାଇ ପାଲଟିଛନ୍ତି । କରୋନା କାଳରୁ ଜାରି ରହିଛି ତାଙ୍କର ଏହି କାମ ।

ଗତ ଦୁଇବର୍ଷ ଧରି କରୋନା ଯୋଗୁଁ ଭାଇମାନେ ଭଉଣୀଙ୍କ ପାଖରେ ପହଞ୍ଚି ପାରୁ ନଥିଲେ। ଏହା ଲକ୍ଷ୍ୟ କରି କଟକ ଭୁବନେଶ୍ୱରର କିଛି ଅଂଚଳର ଅଜଣା ଭଉଣୀଙ୍କ ପାଖରେ ସାବିତ୍ରୀ ସଜ ଧରି ପହଞ୍ଚିଥିଲେ ସୁଜୟ । ତେବେ ସେତେବେଳର ଭଉଣୀଙ୍କ ଆଖିର ଆନନ୍ଦର ଲୁହ ଦେଖି ଏହି କାର୍ଯକ୍ରମ ଜାରି ରଖିବାକୁ ନିଷ୍ପତ୍ତି ନେଇଥିଲେ।

ଆଜିର ଦୁନିଆରେ ନିଜ ଭାଇ ଭଉଣୀଙ୍କ ଭିତରେ ଭଲ ସଂପର୍କ ରହିପାରୁନଥିବା ବେଳେ ଗରିବ ଓ ଅଜଣା ଭଉଣୀଙ୍କ ମୁହଁରେ ଟିକିଏ ହସ ଦେବାକୁ ସୁଜୟ ଯେଉଁ କାମ କରୁଛନ୍ତି ତାହା ସତରେ ପ୍ରଶଂସନୀୟ ।