ନାଗାଲ୍ୟାଣ୍ଡରେ ସାଲେପୁର ଘୁଷୁରୀର ଡିମାଣ୍ଡ

ଇଏ ହେଉଛି କଟକ ପାଗା ନିକଟ ଗୋପୀନାଥପୁର ଗାଁର ଅମୂଲ୍ୟ ରାଉତଙ୍କ ଘୁଷୁରୀ ଫାର୍ମ। ୧୭ଟି କୋଠରୀ ବିଶିଷ୍ଟ ୫ ହଜାର ସ୍କୋୟାର ଫୁଟର ଏହି ଫାର୍ମରେ ରହୁଛନ୍ତି ୨ ଶହ ଧଳା ଘୁଷୁରୀ। ଏମାନଙ୍କୁ ଲାଳନପାଳନ କରିବା ପାଇଁ ଫାର୍ମରେ କାମ କରୁଛନ୍ତି ୫ ଜଣ। ଦାନା ଦେବା ଠାରୁ ଆରମ୍ଭ କରି ଔଷଧ ଦେବା ପର୍ଯ୍ୟନ୍ତ ସବୁ କିଛି ୟୁଟ୍ୟୁବ ଦେଖି କରୁଛନ୍ତି ଅମୂଲ୍ୟ ଓ ତାଙ୍କ ଲୋକମାନେ।

ଆସାମ, ମଣିପୁର, ନାଗାଲ୍ୟାଣ୍ଡରେ ଧଳା ଘୁଷୁରୀର ବହୁତ ଚାହିଦା ରହିଛି। ସେଥି ପାଇଁ ଅମୂଲ୍ୟଙ୍କ ଫାର୍ମରେ ଘୁଷୁରୀ ଛୁଆ ପ୍ରସ୍ତୁତ କରାଯାଇ ଏ ସବୁ ରାଜ୍ୟକୁ ପଠା ଯାଉଛି। ଧଳା ଘୁଷୁରୀ ଏକ ଲାଭଜନକ ଚାଷ ହୋଇଥିବାରୁ ଏହା ଦ୍ୱାରା ଅମୂଲ୍ୟ ଭଲ ରୋଜଗାର କରିବା ସହ ଶ୍ରମିକମାନଙ୍କୁ ବେତନ ଦେଇ ପାରୁଛନ୍ତି।

ଅମୂଲ୍ୟଙ୍କ ଅଦମ୍ୟ ଇଚ୍ଛାଶକ୍ତି ଓ ଅଧ୍ୟବ୍ୟସାୟ ତାଙ୍କୁ ସଫଳତା ଆଣି ଦେଇଛି। ଧଳା ଘୁଷୁରୀ ଚାଷ କରି ନିଜେ ସ୍ଵାବଲମ୍ବୀ ହେବ ସହ ଅନ୍ୟମାନଙ୍କ ପାଇଁ ଉଦାହରାଣ ହୋଇ ପାରିଛନ୍ତି।

ରିପୋର୍ଟର- ସାଲେପୁରରୁ ମନୋଜ ଆଚାର୍ଯ୍ୟ