ଝିଅର ସ୍ୱପ୍ନ ପାଇଁ କଠିନ ପରିଶ୍ରମ କରୁଛନ୍ତି ମା’

ଜଣେ ନାରୀ ସ୍ୱୟଂ ଜଣେ ଶକ୍ତି। ଆଜିର ମହିଳାମାନେ ସମାଜ ଗଠନରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛନ୍ତି। ଏପରି ପରିସ୍ଥିତିରେ, ଯଦି ତାଙ୍କ ପରିବାର ଏବଂ ପିଲାଙ୍କ କଥା ଆସେ, ସେ କିଛି ବି କରିବାକୁ ପ୍ରସ୍ତୁତ। ଯଦିଓ ଦେଶର ପ୍ରତ୍ୟେକ ମାତା ନିଜ ସନ୍ତାନର ଲାଳପାଳନ ଠାରୁ ଆରମ୍ଭ କରି ଭବିଷ୍ୟତ ତିଆରି କରିବା ପାଇଁ ସମସ୍ତ ପ୍ରକାର ଚେଷ୍ଟା କରନ୍ତି, କିନ୍ତୁ ଏମିତି କିଛି ମାଆଙ୍କ ସଂଘର୍ଷର କାହାଣୀ ଅଛି ଯାହାକୁ ଜାଣିଲେ ଆପଣ ଆଖି ଲୁହରେ ଭିଜିଯିବ।

ସେଭଳି ଜଣେ ମହିଳା ପଞ୍ଜାବର ଜଲନ୍ଧରରେ ରୁହନ୍ତି। ସେ ତାଙ୍କ ଝିଅର ଭବିଷ୍ୟତକୁ ତିଆରି କରିବା ପାଇଁ ନିଜ ପାଦରେ ଠିଆ ହୋଇ ପରିବାରର ଦାୟିତ୍ୱ ଗ୍ରହଣ କରିଛନ୍ତି। ଏହି ମହିଳାଙ୍କ ସ୍ୱାମୀ ତାଙ୍କୁ ଛାଡି ଯାଇଥିଲେ, କିନ୍ତୁ ଯେପରି ଝିଅର ସୁଖରେ ଟଙ୍କା କିମ୍ବା ବାପାର ଅଭାବ ନ ଆସେ ସେଥିପାଇଁ ସେ ରାସ୍ତାକୁ ଆସିଥିଲେ।

ସେ ଏକାବେଳରେ ଜଣେ ମାଆ, ଜଣେ ବାପା, ଗୃହିଣୀ ଏବଂ ଉଦ୍ୟୋଗୀ ବନିଯାଇଥିଲେ। ତେବେ ଆସନ୍ତୁ ଜାଣିବା ଜଲନ୍ଦରରେ ରହୁଥିବା ଏହି ମାଆ ନେହା ଶର୍ମାଙ୍କ ବିଷୟରେ ଯିଏ ତାଙ୍କ ଝିଅକୁ ବଂଚାଇବା ପାଇଁ ନିଜ କାମକୁ ନେଇ ପାଲଟି ଯାଇଛନ୍ତି ଉଦାହରଣ।

ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବା ପରେ ପଞ୍ଜାବ ଜଲନ୍ଧରର ବାସିନ୍ଦା ନେହା ଶର୍ମା ଚର୍ଚ୍ଚାକୁ ଆସିଥିଲେ। ନେହା ଶର୍ମା ବୃତ୍ତିରେ ଜଣେ ଓକିଲ। ନେହା ବିବାହିତ ଥିଲେ କିନ୍ତୁ ତାଙ୍କ ସ୍ୱାମୀ ତାଙ୍କୁ ଓ ତାଙ୍କ ଝିଅକୁ ଛାଡି ଚାଲିଯାଇଥିଲେ। ନେହାଙ୍କ ପାଇଁ ଏହା ଏକ କଷ୍ଟସାଧ୍ୟ ସମୟ ଥିଲା କିନ୍ତୁ ସେ ତାଙ୍କ ଝିଅ ପାଇଁ ସାହସ ସଂଗ୍ରହ କରି ତାଙ୍କୁ ଏକାକୀ ସମ୍ଭାଳିବାକୁ ଲାଗିଲେ।

ନେହା ସାମ୍ନା କରୁଥିବା ସବୁଠୁ ବଡ ସମସ୍ୟା ହେଉଛି ଝିଅର ପ୍ରତିପୋଷଣ ପାଇଁ ଆର୍ଥିକ ସମସ୍ୟା। ତାଙ୍କ ଝିଅର ଆବଶ୍ୟକତା ପୂରଣ କରିବା ପାଇଁ ନେହାଙ୍କ ପାଇଁ ଅର୍ଥର ଆବଶ୍ୟକତ ଥିଲା। କରୋନା ସମୟରେ ଲକ୍‌ଡାଉନ୍ ହେତୁ କୋର୍ଟ ବନ୍ଦ ହୋଇଯାଇଥିଲା। ଫଳରେ ନେହା ଆର୍ଥିକ ଦୃଷ୍ଟିରୁ ଦୁର୍ବଳ ହୋଇଗଲେ। ଏହି ସମୟରେ କିନ୍ତୁ ସେ ନିଜର ସାହସ ହରାଇ ନଥିଲେ। ଓକିଲାତି ଛାଡି ପରଟା ଷ୍ଟଲ୍‌ ଦେବା ଆରମ୍ଭ କରିଦେଇଥିଲେ।

ଏନେଇ ତାଙ୍କୁ ଅନେକ ଟାହି ଟାପରା ମଧ୍ୟ ଶୁଣିବାକୁ ମିଳିଛି। ଲୋକେ ତାଙ୍କୁ ଅନେକ ପ୍ରଶ୍ନ କରିଛନ୍ତି କିନ୍ତୁ ସେ ସମସ୍ତ ଉତ୍ତର ଦେଇଛନ୍ତି। ନେହାଙ୍କ ଅନୁଯାୟୀ ଆରମ୍ଭରେ ସେ ଠିକ୍ ଭାବରେ ପରଟା ତିଆରି କରିପାରୁ ନଥିଲେ। କିନ୍ତୁ ଧୀରେ ଧୀରେ ସେ ଭଲ ପରଟା ତିଆରି କରିବା ଶିଖିଗଲେ।

ନେହାଙ୍କ ଷ୍ଟଲର ନାମ ହେଉଛି ଶର୍ମା ପରଟା ଜଙ୍କସନ। ନେହା କୁହନ୍ତି ଯେ ସେ ପଞ୍ଜାବର ସବୁଠୁ ବଡ ପରଟା ତିଆରି କରନ୍ତି। ନେହାଙ୍କ ଭିଡିଓ ସୋସିଆଲ ମିଡିଆରେ ଏକ ଫୁଡ୍ ବ୍ଲଗର୍‌ରେ ଆସିବାରୁ ସେ ପ୍ରସିଦ୍ଧ ହୋଇଗଲେ। ନେହାଙ୍କ ଷ୍ଟଲରେ ଅନେକ ପ୍ରକାରର ପରତା ସହିତ ତରକାରୀ, ଛୋଲେ, ମ୍ୟାଗି, ସ୍ୟାଣ୍ଡ୍‌ୱିଚ୍ ଇତ୍ୟାଦି ମଧ୍ୟ ମିଳେ। ନେହାଙ୍କ ଝିଅ ଅଲିମ୍ପିକ୍ସରେ ଭାରତର ପ୍ରତିନିଧିତ୍ୱ କରିବାର ସ୍ୱପ୍ନ ଦେଖନ୍ତି। ନେହା ତାଙ୍କ ଝିଅର ଉଚ୍ଚ ଅଭିଳାଷ ପାଇଁ କଠିନ ପରିଶ୍ରମ କରୁଛନ୍ତି।