ଯୁବିନ୍‌ଙ୍କ ଗୀତ ଶୁଣିବା ପାଇଁ ସୁରକ୍ଷାକର୍ମୀ ଓ ବସ୍ତି ପିଲାଙ୍କ ମଧ୍ୟରେ ମାରପିଟ୍

ବଲିଉଡ୍ ସିଙ୍ଗର ଯୁବିନ୍ ନଟିୟାଲଙ୍କ ସଂଗୀତ ପରିବେଷଣ କାର୍ଯ୍ୟକ୍ରମ ଦେଖିବା ପାଇଁ NIT ମୁଖ୍ୟ ଗେଟ ସମ୍ମୁଖରେ ଉତ୍ତେଜନା । ରାଉରକେଲା ଏନଆଇଟି ସିକ୍ୟୁରିଟି ଗାର୍ଡ ଓ ବସ୍ତି ପିଲାଙ୍କ ମଧ୍ୟରେ ଗଣ୍ଡଗୋଳ ପରିସ୍ଥିତି ସୃଷ୍ଟି ହୋଇଥିଲା । ଯାହା ପରେ NIT ମୁଖ୍ୟ ଗେଟ ସମ୍ମୁଖରେ ଠେଲା ପେଲା ଓ ମାଡପିଟ ହୋଇଥିବା ସୂଚନା ମିଳିଛି । ବେଶ କିଛି ସମୟ ଧରି ଏହିପରି ସ୍ଥିତି ଲାଗିରହିଥିଲା ।

ସୂଚନା ଅନୁସାରେ, ଗତକାଲି ବଲିଉଡ୍ ସିଙ୍ଗର ଯୁବିନ୍ ନଟିୟାଲଙ୍କ ସଂଗୀତ ପରିବେଷଣ କାର୍ଯ୍ୟକ୍ରମ ରହିଥିଲା ଆଉ ଏହାକୁ ଦେଖିବା ପାଇଁ ଏନ‌ଆଇଟି କ୍ୟାମ୍ପସ ପରିସରକୁ ବସ୍ତି ପିଲାମାନେ ଯିବାକୁ ଜିଦ୍ ଧରିବାରୁ ଏଭଳି ପରିସ୍ଥିତି ଉପୁଜିଥିଲା ।

କିଛି ପିଲା ଏନଆଇଟି ଗେଟ ମଧ୍ୟକୁ ପ୍ରବେଶ କରିବାକୁ ଚାହୁଥିବା ବେଳେ ସୁରକ୍ଷା କର୍ମୀ ବାରଣ କରିଥିଲେ । ବସ୍ତି ପିଲାମାନେ ମଧ୍ୟ ପାଟିତୁଣ୍ଡ ଓ ଯୁକ୍ତିତର୍କ କରିଥିଲେ ।

ଘଟଣାସ୍ଥଳରେ ପୋଲିସ ପହଞ୍ଚି ବୁଝାସୁଝା କରିବା ପରେ ପରିସ୍ଥିତି ଶାନ୍ତ ପଡିଥିଲା । ପିଲାମାନେ ଅଭିଯୋଗ ଅନୁଯାୟୀ, ସୁରକ୍ଷା କର୍ମୀ ଦାଦାଗିରି କରିବା ସହ ମାଡ ମାରିଛନ୍ତି ।