ଗରମରୁ ମୁକ୍ତି: ଗଛ ଉପରେ ଶୋଇଛନ୍ତି ସିଂହ ଖାନ୍‌ଦାନ୍‌, ଦେଖନ୍ତୁ ଭାଇରାଲ୍‌ ଭିଡିଓ...

ଦୁନିଆରେ ପ୍ରକୃତି ସୁରକ୍ଷିତ ଥିବା ପର୍ଯ୍ୟନ୍ତ ପୃଥିବୀରେ ରହୁଥିବା ଜୀବମାନେ ମଧ୍ୟ ସୁରକ୍ଷିତ ରହିଥାନ୍ତି । କେବଳ ଗଛର ଛାଇ ପାଇଁ ନୁହେଁ ପ୍ରକୃତିର ଏମିତି ଅନେକ ଜିନିଷ ରହିଛି ଯାହା ଉପରେ ଜୀବଜନ୍ତୁମାନେ ନିର୍ଭର କରି ବଞ୍ଚିଥାନ୍ତି ।

ଆଇ.ଏଫ.ଏସ ସୁଶାନ୍ତ ନନ୍ଦା ତାଙ୍କ ଟ୍ୱିଟର ଆକାଉଣ୍ଟରେ ସେରେଙ୍ଗେଟି ନ୍ୟାସନାଲ ପାର୍କ, ତାଞ୍ଜାନିଆ (Serengeti National Park, Tanzania)ର ଏକ ଭିଡିଓ ସେୟାର କରିଛନ୍ତି । ଯେଉଁଠାରେ ଗୋଟିଏ ବିରାଟ ଗଛ ଉପରେ ସିଂହମାନେ ଶୋଇଛନ୍ତି । ଗଛର ଡାଳରେ ଗୋଟେ କିମ୍ୱା ଦୁଇଟି ନୁହେଁ ବରଂ ପୁରା ସିଂହର ଖାନ୍‌ଦାନ୍‌ ଶୋଇଥିବାର ଦେଖିବାକୁ ମିଳିଛି ।

“Nobody can bring you peace but yourself.”
From Serengeti National Park, Tanzania.
Via Riddle Smyth pic.twitter.com/iYgD00cUK3

— Susanta Nanda IFS (@susantananda3) April 9, 2022

ଗୋଟିଏ ପକ୍ଷେ, ସିଂହ ତାର ସପରିବାର ସହ ଗଛ ଡାଳରେରେ ଗଭୀର ନିଦ୍ରାରେ ବିଶ୍ରାମ ନେଉଥିବାବେଳେ ଅନ୍ୟପକ୍ଷେ ଦୂରରୁ ଏକ ହାତୀଟି ବୁଲୁଥିବାର ଦେଖିବାକୁ ମିଳିଛି । ଏତେ ସଂଖ୍ୟକ ସିଂହ ଏକାଠି ଶୋଇଥିବାର ଏହି ଭିଡିଓଟି ପ୍ରକୃତରେ ରୋମାଞ୍ଚକ ଦୃଶ୍ୟ ଅଟେ ।

ସାଧାରଣତଃ ଏହି ମାଂସାସୀ ପ୍ରାଣୀମାନେ ଶିକାର ଏବଂ ନିଜ ଗର୍ଜନରେ ଜଙ୍ଗଲକୁ ଥରାଇ ଦିଅନ୍ତି । ହେଲେ ଏଠାରେ କିଛି ଭିନ୍ନ ଦୃଶ୍ୟ ଦେଖିବାକୁ ମିଳିଛି । ଯେଉଁଠି ସମଗ୍ର ଜଙ୍ଗଲ ଏକ ନିର୍ଜନ ତଥା ଶାନ୍ତ ପରିବେଶ ପରି ଦେଖାଯାଉଛି ।

ଟ୍ୱିଟରରେ ସେୟାର ହୋଇଥିବା ଏହି ଭିଡ଼ିଓକୁ ପ୍ରାୟ ୪ ହଜାରରୁ ଉର୍ଦ୍ଧ୍ୱ ଲୋକ ଦେଖିସାରିଥିବାବେଳେ ଅନେକ ଲୋକ ପସନ୍ଦ କରିଛନ୍ତି ।

ପ୍ରକୃତି ସୁରକ୍ଷା, ଜୀବନ ରକ୍ଷା

ଉକ୍ତ ଭିଡ଼ିଓଟି ସ୍ପଷ୍ଟ ଭାବରେ ସୂଚାଉଛି ଯେ, ପ୍ରକୃତିକୁ ସୁରକ୍ଷିତ ରଖିଲେ ଜୀବଜନ୍ତୁ ମଧ୍ୟ ସୁରକ୍ଷିତ ରହିବେ । ଏହାସହ ଭିଡିଓରେ ସବୁଠାରୁ ଉଲ୍ଲେଖନୀୟ ତଥା ଗୁରୁତ୍ୱପୂର୍ଣ୍ଣ ବିଷୟ ହେଉଛି ଏକ ବିରାଟ ଶକ୍ତିଶାଳୀ ବୃକ୍ଷର ଶାଖା ଉପରେ ଜଙ୍ଗଲର ଭୟଙ୍କର ପଶୁମାନେ ମଧ୍ୟ ଶାନ୍ତିରେ ଶୋଇପାରୁଛନ୍ତି । ତେବେ ଏହି ଭିଡିଓଟି ହୁଏତ ସାମାନ୍ୟ ହୋଇଥାଇପାରେ ହେଲେ ଏହା ସମାଜକୁ ଏକ ନିଆରା ବାର୍ତ୍ତା ଦେଉଛି ।