• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Otv Khabar Bureau

ପାଖେଇ ଆସୁଛି ନିର୍ବାଚନ ତାରିଖ । କମ୍ପୁଛି ପ୍ରଚାର ମୌଦାନ୍‌ । ପ୍ରାର୍ଥୀମାନେ ନିଜ ଅଞ୍ଚଳରେ ଜୋରସୋର୍‌ରେ ପ୍ରଚାର କରୁଛନ୍ତି । ଠିକ୍‌ ଏହି ସମୟରେ ସମିତି ସଭ୍ୟା ପ୍ରାର୍ଥୀଙ୍କ ସ୍ୱାମୀଙ୍କୁ ଅପହରଣ କରିବା ଅଭିଯୋଗ ଆସିଛି । ସୁବର୍ଣ୍ଣପୁର ଜିଲ୍ଲାରୁ ସାମ୍ନାକୁ ଆସିଛି ଏହିପରି ସଙ୍ଗୀନ ଅଭିଯୋଗ । ନିର୍ବାଚନ ପାଇଁ ପ୍ରଚାର କରୁଥିବା ସମୟରେ ଅପହରଣ ହୋଇଥିବାର ସୂଚନା ମିଳିଛି ।

ସୂଚନା ଅନୁସାରେ, ସୁବର୍ଣ୍ଣପୁର ଜିଲ୍ଲା ବିନିକା ଥାନା ମହାଦେବପାଲି ପଞ୍ଚାୟତର ସମିତି ସଭ୍ୟା ପ୍ରାର୍ଥିନୀ ମିନାକ୍ଷୀ ଦେହେରୀ ସ୍ୱାମୀ ରାଜେଶ ଦେହେରିଙ୍କ ସହ ସକମା ଗାଁରେ ପ୍ରଚାର କରୁଥିଲେ । ସେହି ସମୟରେ ସୁରେଶ ପୁଜାହାରୀ ନାମକ ଜଣେ ବ୍ୟକ୍ତି ଆସି ଛୁରୀ ଏବଂ ବନ୍ଧୁକ ଦେଖାଇ ଆକ୍ରମଣ କରିଥିଲେ । ଏପରିକି ଉଭୟଙ୍କୁ ହତ୍ୟା ଧମକ ସହ ନିର୍ବାଚନ ନ ଲଢ଼ିବାକୁ ଚେତାବନୀ ଦେଇଥିଲେ ବୋଲି ମିନାକ୍ଷୀ ଅଭିଯୋଗ କରିଛନ୍ତି ।

ଏନେଇ ସେ ବିନିକା ଥାନାରେ ଲିଖିତ ଭାବେ ଅଭିଯୋଗ କରିଛନ୍ତି । ଏହାପରେ ସୁରେଶ ପୁଜାହାରୀ ଏବଂ ତାଙ୍କ ସାଙ୍ଗରେ ଥିବା ୮ରୁ ୧୦ ଜଣ ଲୋକ ସମିତି ସଭ୍ୟା ପ୍ରାର୍ଥିନୀଙ୍କ ସ୍ୱାମୀଙ୍କୁ କିଡନ୍ୟାପ୍ କରି ନେଇଯାଇଥିବା ଅଭିଯୋଗ ମଧ୍ୟ ହୋଇଛି । ବିନିକା ପୋଲିସ ମାମଲା ରୁଜୁ କରି ଘଟଣାର ସତ୍ୟାସତ୍ୟ ନେଇ ତଦନ୍ତ ଜାରି ରଖିଛି ।