ଶ୍ରୀ ଲିଙ୍ଗରାଜଙ୍କ ରୁକୁଣା ରଥଯାତ୍ରା: ସୁରୁଖୁରୁରେ ଯାତ୍ରା ସମ୍ପାଦନ ପାଇଁ ୩ ନିଯୋଗ ପକ୍ଷରୁ ପ୍ରତିଶ୍ରୁତି

ରାଜଧାନୀରେ ମହାପ୍ରଭୁ ଶ୍ରୀ ଲିଙ୍ଗରାଜଙ୍କ ରୁକୁଣା ରଥଯାତ୍ରା ନେଇ ବସିଥିବା ଚୁଡାନ୍ତ ସମନ୍ୱୟ ବୈଠକ ଶେଷ ହୋଇଛି । ଅତିରିକ୍ତ ଜିଲ୍ଲାପାଳଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ରୁକୁଣା ଯାତ୍ରା ସୁରୁଖୁରୁରେ ସମ୍ପାଦନ ନେଇ ବ୍ରାହ୍ମଣ ନିଯୋଗ, ପୂଜାପଣ୍ଡା ନିଯୋଗ, ବଡୁ ନିଯୋଗ ସହିତ ଆଲୋଚନା ହୋଇଛି ।

ଏଥିରେ ୩ ନିଯୋଗ ବିଭିନ୍ନ ଆପତ୍ତି ଉଠାଇଥିବା ବେଳେ ମନ୍ଦିର ପ୍ରଶାସନ ସମାଧାନ ନେଇ ପ୍ରତିଶ୍ରୁତି ଦେଇଛି । ଗର୍ଭଗୃହକୁ ଭକ୍ତଙ୍କ ପ୍ରବେଶ ଓ ଜମିଜମା ବିବାଦ ଭଳି ୩ଟି ଦାବି ଉପସ୍ଥାପନ କରିଥିଲେ ନିଯୋଗ । ପ୍ରଶାସନ ପକ୍ଷରୁ ସମାଧାନ ମିଳିବା ପରେ ରୁକୁଣା ରଥ ଯାତ୍ରା ନେଇ ସବୁ ପ୍ରକାର ସହଯୋଗ ଯୋଗାଇଦେବାକୁ ବ୍ରାହ୍ମଣ ନିଯୋଗ ପ୍ରତିଶ୍ରୁତି ଦେଇଛି ।

କୋଭିଡ ଯୋଗୁଁ ଭକ୍ତଙ୍କ ରଥଟଣା ଉପରେ ବାରଣ ଥିବାବେଳେ ଏଥର ଭକ୍ତ ଟାଣିବେ ରଥଯାତ୍ରା । ବିଭିନ୍ନ ଦାବି ନେଇ ପୂର୍ବରୁ ପ୍ରଶାସନର ଦୃଷ୍ଟି ଆକର୍ଷଣ କରିଥିଲେ ବି ସମାଧାନ ହୋଇନଥିଲା । ତେଣୁ ପ୍ରଥମରୁ ବୈଠକରେ ତିନି ନିଯୋଗ ଯୋଗ ଦେଇନଥିଲେ ।

ଅନ୍ୟପକ୍ଷେ, ମହାପ୍ରଭୁ ଶ୍ରୀଲିଙ୍ଗରାଜଙ୍କ ରୁକୁଣା ରଥଯାତ୍ରାରେ ୧୪୪ ଧାରା ଜାରି ହୋଇଥିଲା । କରୋନା ସଂକ୍ରମଣ ଦୃଷ୍ଟିରେ ରଖି ରୁକୁଣା ରଥଯାତ୍ରାରେ ଶ୍ରଦ୍ଧାଳୁଙ୍କୁ ବାରଣ କରାଯାଇଥିଲା । ରଥଖଳାରୁ ମାଉସୀ ମା’ ମନ୍ଦିର ପର୍ଯ୍ୟନ୍ତ କମିଶନରେଟ୍ ପୋଲିସ ପକ୍ଷରୁ ୧୪୪ ଧାରା ଜାରି ହୋଇଥିଲା ।